Fare T’ufeg ko Bayul rok Yesus Kristus

Fa’an ni kam rrin’ed e denen nib kireb nge gamed ba fol e kanawo’en e kalngan’ e chiney fa ba’adag ni ngam kalngan’ nge thameyed e falfalaen’, wenig mu nanged e tawa’ath ney ba soen nifan ngom. Fare Tathapeg me pinning, “Mired ngog.”

Gaa’ nag e mich rom u Tathapeg dad, Yesus Kristus, nira gel nag e a ba’adag ko ya’el romed ni ngam nanged fan Ir, michaen’ ngak’, nge pii’ e gum’ircha’ey Ngak’. Enos nike fith morunga’agen e n’agfan rok’, “Somoel, mang e ke rinʼ ni arragon?” Me gaʼar Somoel, “Bachan e mich rom ngakʼ Kristus, niʼir e chaʼ ni gur ma dawor mu rungʼag laman fa muguy.”

Nge Moroni ni ke weliy, “Faʼan gimed ra chuw ko gubin banʼen ni gathi ngongol rokʼ Got, magmed tʼufeg Got u poloʼ fanmed pasig, nge laniyaenʼmed, nge gelingmed, ma arame gimed ba gaman ko murnguy rokʼ.”

Cheweg ko denen, me chel nga sap Got, nge ni ngam gelnag e mich romed ngak Yesus Kristus aram e bogi tabolngin nib mangil. Ma paged ngomed ufithik’ e sobut’aen’ nga tin ni ba’adag Got ni tay e bu’un non ngak e fapi denen nib gaa’ ngak e bisof fa branch president, machane e n’agfan nira yib ngak’ Tathapeg. N’agfan ir e tawa’ath nib thothup nima yib ngodad bochane murungy rok’ Yesus Kristus.

Ba’adag ni ngam sul ngak Got me muruwel’ u ta’abang ba yul’yul’ mab pagan’uy ngomaed u fithik’ gubin ban’en ngak e Chitamangiy nu Tharmiy, ngomad, ngak e gidii’ be magawon ko ngongol nem, nge pi tiyugang’ ko priesthood. Chitamangmed nu Tharmiy be falfalaen’ ko ba’adag romed ni ngam baed ngak ufithik e m’ingaen’ nge kalngaen’. Kalngaen’ ba yip’fan ni ngam taymed u fithik’ e sobut’aen’ u tan pa’ Got; m’ingaen’ me fek’med e pi’nen fare Apostle Paul nike weliy ni “kireban’ nem ni maruwel Got ngay,” ni’ir e ba’adag ko ya’el ni nge sul Ngak ni demtrug e puluwon riy.

Ba’adag romed me powi’iymed ni ngam fulweg demtrug e pi’nen ni kam kireb nag. Machane, bay bochi pi’nen dabiyog ni ngam ful’eg, nge gara meybil ni fare Somoel, ufithik’ e murnguy Rok’, nira golnag e pi’in nem kar fek e amith bachane e ngongol romed.

Tin nira buch ngak reb e bee’ bachane e denen nib thabi kireb e rib mo’omaw’ ni ngar gelnag. Ga ba fol nag e susun rorad e pi pagael ni fak Mosiah, ni kar “be athamgiliy rogon ni ra yog ni ngar yal’uweged gubin e pi gafgow ni kar tayed”? Mu non ngorad e pi’in ni ngam liyor morunga’agen e pi’nen ni dabgu guyed.

Napan ni kug t’aer midlen nifan ko non ney, kug thapeg e email rok’ e bee’ ni bay ufithik’ e rogon ko kalngan’ nge ba’adag ni nge sul nga Galasia. Le’engin rok’ nike dareag bay e magawon bachaen nikar malog ko “mabgol nib manimus [rorow], [magawon ko pi bitir rorow], malog ko pi salpiy rorow, … me [dabiyog] ni ngar pii’ e salpiy ko gubin pi’nen, [nge] thamey nib kirbaen’ bachane nike baen ngak’.”

Nike weliy ngog urogon e tiyugang’ ko priesthood “ke thamiy ni nge [fith ngak] ni nge meybil nge lemnag mang [reb e pi’nen rayog ni nge rrin’ ngoroad e le’engin rok’ nike dareag nge pifak].” Udakaen e rayog rok’, gube pii’ e bang ko email rok’:

“[Somm’on] ni kug lemnag e [salpiy] kug pii’ nifan e dareag ni’ir bo’or, machane e branch president nike pii’ laniyaen’ ngog ni nggu balay nag e abich nge meybil. …

“Ni tabab, rib mo’omaw’ e tafney ney ni nggu pii’ reb e pi’nen. Bachane e denen rog dabi buch ko salpiy, kug lemnag mang e ‘reb e pi’nen’ ni bay yip’ fan’ … [machane] kug nangfan ni dariyfan e salpiy.

“Tiyugang’ ko priesthood rog ni kar mada’nag e [le’engin rog nike dareag] nge pi fakag nge kug fil ni kar fek e mo’omaw’ me dawriy golnag. …

“Bay reb goal nib be’ech ni gura yaen ufithik’ e mich. … Kug weliy ni gube adag ni nggu ayuweg nge dabi pii’ ngog e pi’nen. … Kug lemnag ni nggu [pii’ e le’engin rog nike dareag bochi e salpiy] ko gubin e check ko muruwel’, ni’ir bo’or e salpiy rog ninggu thapeg ko muruwel’. Umon ni kug pii’ ngak bin somm’on e salpiy nem, fare Somoel [nike yib nga lanin’ug ni nggu] pii’ [l’agruw yay i puluwon riy’].

“Kug fil ni’ir gathi morunga’agen e salpiy. Ireray e rogon ni nggu pii’ e yafos rog ufithik’ e sobut’aen’ ngak Somoel. … Fare salpiy me ayuweg e tabinaw rog fulweg e pi’nen nikug fek bachane kireb e mel’eg rog. Fan ney ir fal’eg nge yul’yul’ e michmicheg nge dam lemnag ni gara thapeg reb e pi’nen nge ayuwegen nifan e fapi bill ere rayog ni nge thamey fare Kan ni Thothup.”

Ngongol romed ni ngam fulwel e pi’nen ni ngam kirebnag sana de buch ko salpiy, machane napan gara meybil gad ngak’ Somoel ufithik’ e sobut’aen’, sana gara pireged bay reb e pi’nen rayog ni ngam rrin’ed.

Napan ni ngam sap ngak Somoel ni n’agfan Rok’, ngam gum’aen’ napan ni ngam soen ko ba’adag Rok’. Mu lemnag e biney e chep nib thothup:

“Mar … m’ing niged yaed nge mus rogon faraed sobut’; ma … be wenig ngak’ Got; arragon, ni gubin e rran ni polo’. … [Machne] fare Somoel e sasagaʼal ni nge motoyil me piiʼ e fulweg ko meybil roraed ni bachan e pi denen roraed.”

“Machane fare Somoel e motoyil ko meybil roraed, me tabab … i baʼudeg e pi muruwel roraed; … nge … kar tabab gaed ko mon’og ni buch’uw ma buch’uw.”

Ngam gum’aen’ gaed napan Somoel nima pii’ e tawa’ath nge ba’adag rok’ ngomed ni buch’uw ma buch’uw.

Ufithik’ e ngiyal’ Somoel, rangam thamiyed e Lam ni ra non ngomed, “Dab kum pag e pinn’ey nge magaf nag e tafnaey rom.” Rebo rran, napan ni ngam ul’ul’ e chel nga Somoel, Chitamangmed nu Tharmiy ni ra “chuw kirbin u gum’ircha’[med], u dakean e murnguy rok’ fak.”

Ni kam kireb nag machane e denen nib kireb ko boech gidii’, gu ba pi’ ngom fare t’ufeg nge murnguy rok fare Tathapeg, gapas Rok.

Kirbaen’ ni kam thameyed, gafgow, fare thamtham nib kireb bachane e baen, fare kirebnag ko yafos romed—gube pii’ ngomed e micheg, fare Somoel ni manang med nge ba t’uf ngomed. Mu fith e ayuw Ngak. Ir ba mang e gapas nge gelngin; Ir ra l’oeg e pi angel rok’ ngom ni ngar ayuwegmed. Wi’in nira chuw e amith romed, kirbaen’ ra achigchig nag, nira paged talin e tafnay nima dabum? Dab gu nang. Machane guma nang biney: bay e gelngin e rayog ni pinning e tin nib fel’ ya’an ko pi awat rom ko gafgow.

Pi walagenmad ko Gidii’ nu Grand Blanc, Michigan, nibay e mich rorad ngak Yesus Kristus, ni yaed be athamgil, e kar thapaged ma yaedra thapeg, ko pi wik ney nge puul ni bayib nga m’on riy, fare tu’ufeg nge murnguy rok’ fare Tathapeg.

Napan gara yul’yul’ ni ngam tay e pagaen’ romed Ngak’, pi manileng nib lumor rom nge yoer rom ulan e neap’ nira thilyeg ko pi map’ e lu’ u oewchmed ko falfalaen’ nge gapas ulan e magal ko kadbul. “Kireban’ ra thilyeg u falfalaen’. … Nge falfalaen’ rom dabiyog bee’ ni ba fek’.” Binem nira yib. Gube micheg binem nira yib.

Fare t’ufeg ko bayul rok Yesus Kristus rayog ni ga ba pir’eg ko ngiyal’ nib momaw’, machane gadad gubin ba t’uf e murnguy nib bayul rok Tathapeg gubin ngiyal’. President Dallin H. Oaks ke machib nag: “Bachane ngiyal’ rok u fayleng, Tathapeg rodad rayog ni ba gapas, gol, nge gel nag gubin e pum’oon nge ppin, machane mich u wun’ug Ir ba rin’ kemus ko e gidii’ ni ba sap Ngak nge fith ko ayuw. Fare Apostle James ke machib, ‘’Mu sobut’niged lanin’med u p’eowchen Got me tolangnagmed’ (James 4:10) Rayog ni bay e tawa’ath rodad napan mich u wun’dad Ngak nge meybil ko ayuw Rok.”

Kug thap e rayog rog ko fagar nib t’uf rog nge General Authority ko Medlip i Ragag kafram, Elder Rober E. Wells, chiney ni 97 duw rok’, ni nggu yoeg e pi’nen nike buch ngak 60 duw kafram:

Napan nike paer u Paraguay ko 1960 nge ke muruwel’ ko bank, Robert Wells, napan 32 e duw rok’, nge le’engin rok’, Meryl, yow ba fly nag e la’agrow e hikoekii, kad fly gow ko Uruguay u Paraguay. Bay e manileng nib dug’ab, Robert nge Meryl dar guyew nge dabiyog ni ngar nonew ufithik’ e radio. Robert nike yaen nge but nib papay, me fil e hikoekii rok’ le’engin ni ke kireb nag. Le’engin nge l’agruw e fagar rorow ni kar maed. Gali bitir rok’, ke paer u Asunción, e yad ma medilip, lal, nge l’agruw.

Elder Wells nike weliy morunga’agen e kirbaen’ rok’:

“Fapi thin ni dabiyog ni nge weliy fare amith nike sug ngog, ni ke fek gubin e thamey rog nge chuw e lemnag. Ni rib gaa’ e map’ e lu’ u oewcheg de taleg. Ma nike gaa’ nag e magawon, napan e tafney rog ke guy rogon ni nge nangfan e yim’ ko le’engin rog, kug thamey e m’ingaen’ bachane kug lemnag ni kug rrin’ e oloboch ni ke fel’ig e kirebnag ko hikoekii.

Robert nike tay e thibngin nga dakaenen bachaen de sap ngak e hikoekii ni dani mangil umon ni kar changëg nge de fil ngak e le’engin rib mangil. Nike thamiy m’ingaen’ bachane de sap gubin pi’nen ni thabi mangil.

Robert ba ga’ar:

“Tafney rok ni ke mang e taa’aath nib lumor. … Kemus ni kug bay—[nifan e bitir,] nge dariy’ reb e fan.”

“Kug … malog e fan ni nggu ul’ul’.”

Ufithik’ e ngiyal’, Robert ni ke thapeg e tawa’ath ko pi’nen ni rke buch ngak nib thothup. Nike weliy:

“Ta’areb e balayal’, tomur ta’areb e duw, napan kug ragbug nga but ufithik’ e meybil, ke buch e ma’ang’ang. Ufithik’ e meybil nge wenig rog ngak e Chitamangiy nu Tharmiy, Kug thamiy ni woed fare Tathapeg nike yib chuchugur ngog nge kug rung’ag e pi thin ney ko ya’el rog nge teleg: ‘Robert, bayul ni maligach nike chuwey e denen nge oloboch rom. Le’engin me n’agfan ngom. Pi fagar rom me n’agfan ngom. Gube fek e magawon rom. …’

“Tomuren e ngiyal’ ney, fare gafow ko m’ingaen’ [nge kireban’] nike chuw rog. Kan pataggeg! Kug fil morunga’agen e gelngin nima ‘ing ko fare Bayul rok fare Tathapeg nge … nike ayuwegeg. … Kug … thapeg e magal nge falfalaen’ woed ni dabgu thamey kafram. … Kug thapeg e tawa’ath ni dabgu thag nag—fare tawa’ath ni murunguy rok’ Somoel. … Dabkug rrin’ e pi’nen ere rayog ni kug thapeg binem—Dabi ngongol e pi’nen ni kug thapeg binem, machane nike pii’ ngog.”

Brothers nge sisters, rayog ni gadad gubin “ma machalbog gaed rokʼ Kristus u dakean e murnguy rokʼ Got, u dakean i rachaʼen Kristus ni mapʼ, … [ni ngam] thothup gaed, magmed paer ni dariy thibngimed.”

Gube micheg ko fare adag, nge runguy, nge murunguy rok’ Tathapeg nge Tabiyul rodaed. Bay nib fos. Milfadad Ngak; gadad e bitir ko fare mʼag. Napan ni gadad ba mich u wunʼdad Ngak, fol Ngak, nge paganʼ Ngak, Ir ra ayuwegdad ko gafgow nge denen rodad. Nge, tomur e fas ko fayleng, u lane naʼun rok’ e Chitamangiy, ngad ba par Ngak ko manemus. U dakean fithngan Yesus Kristus, amen.