Tabolngin I Morngaʼagen

Pi walageg, kad bad nga ta’abang ma gadad be yoer nag President Russell M. Nelson. Nggu non ngomed ni I Gag fare President ko fare Ulung ko fare Ragag nge L’agruw, ni ireray e liiw nikan sustain nigeg riy ulan gubin e pi ward, stake, nge general conference—nike pag e medlup nge balay e duw ngay.

Yira ul’ul’ ko biney e semiannual general conference, ni wod rogon nike mu’i President Nelson iduugliy rogon e pi’in ni nge non riy nge tang riy nikan mu’ rogon i ngongliy boech e pul kafram. Kemus nra n’en nike peth riy e ba’aray rogon, fare mornga’agen e numon rog ni nge weliy rogon, nge non ni nggu tay nra yoen’ loen e bin tomur e numon ku President Nelson ko fare Madnom ko misiw’.

Ireray e som’on riy nike gaman e 75 e duw ngay nike yim’ e President ko Galasia in e rran ngay um’on ko general conference. Biney e ke piningmad ni nggu puruy’ niged rogon ni nggu fal’aged rogon fapi mo’olung ko tiyugang’ nib ga’fan nibay rogon ko mornga’agen e general conference nib mu’un fapi session ko conference ngay, ma kiybe gay rogon ni ngan skedual nag fare magawon’. President Nelson e manang nrib ga’fan e general conference ya ir e ma powi’iy Gidii’en Got ko tin nga m’on e pul. Gadadra tayfan ni ngan rrin’ ni wod rogon nikan mu’i skedual nag nge ba’adag ko biney e conference.

U fithik’ e kirbaen’ rodad, ku mu’gad ko mo’olung ni ngan rrin’ nifan ngak President Russell M. Nelson um’on ko general conference rodad nge mu’ fani skedual nag fare magawon rok’ u tomuren e conference. Pin’ey e ngan rrin’ nike mu’i pi’ gathon e tabinaew ku President Nelson mat’won nge fare Ulung ko fare Ragag nge L’agruw.

Bachan e gadad gubin nikan mel’egdad ni ngad nongad ulan e biney e general conference e gadad ba’adag ni ngad weliyed ban’en nifan ngak President Nelson, ere gamad be fith ngak e pi’in nra non ko re conference ney ni kemus ni nge yoeg ban’en nib ngochngoch rogon, min soen nge mada’ ko fare ngiyal’ ko magawon’, nikan mu’ i fal’ag rogon.

Ba’aray e thin rog nifan ngak—nibay rogon ko biney e mo’olung nikad mu’gadi rrin’—ni ireray: gube t’uf Russell M. Nelson nge kug fil bo’or ban’en nikug fil ko mornga’agen e gospel nge rogon e muruwel ko tiyugang’ ko gospel ko rogon e tha’ rog ngak ni ndariy be’ nikug nang ni arogon. I ir e ke dag kanawo’en ngodad ni wod rogon e tapigpig nima leak wo’en Somoel Yesus Kristus. Gu be micheg e pinn’ey, u dakean fidngan Yesus Kristus, amen.