Arme Chiney ea Kug Gu’

Ufithik’ e t’ufeg gadad be yoeg ta’abrogon e thin rok’ President Oak marnga’agen e yim’ ko President Russel M. Nelson Ni bay ta’abrogon e t’ufeg nge kirbaen, gadad manang marnga’agen e tin nib rib kireb nike buch ulan Michigan nge chuchugur ni gubin e rran ulangab e feylang. Gadad manang pi’ney ufithik’ e tu’uf nge leak wo’en Somoel Yesus Kristus.

Fare mereb i guruy ko fare babyor ku John ea kan yoeloey ea pin’en i’i rin’ Yesus nge pi gachalpen u ta’ben be’ nib me’ew, nap’an ni gargeleg. Biney e wowliy fapi gachalpen Yesus bogi duwer ni mornga’agen e tiliw ko gin ni sum riy nge rogon e muruwel rok’. Me fulweg lungrad ni rin’ bab’en nib moem me gin owchen rad ngay. Ere thuw nga but’ me kunuy ea but’ me ngongliy bochi clay riy. Me gabliy owchen fare pu’mon, me yoeg ngak ni nge maluk nga langgin fare lul’ nu Siloam. Me yan fare pu’mon ngan i rin’ ni boed rogon ni kanoeg ngak “[meyib] nike gu’ ben’en,” nibe yoeg fare babiyor ni thothup. Ni rib gaa’ e pow riy, ni’ir be thil ko ba’adag fa tugthin fa fananikan ko tin nib riyul’.

Ere, kug rus nag ere ma’ang’ang’ ney ye bayki mukun ko tin baram ea togopluw ney be tay, me ga’ar fapi to’gor ku Somoel ngak fare pu’mon ni kafin ni gol nag owchen ni kan puwan’, “Gamad ma nang ni [Yesus] ea tadenen.” Me motoyil boech ngorad, me ga’ar, “Dagu nang ko ir ea ba tadenen … , dabgu nang: ta’reb ban’en e [gum] nang, … ug moey ni gub me’ew, ma chiney ea gube gu’ ban’en.”

Yesus ea pi’ fan ea bin som’on u roey, ni be yoeg Ngak pi gchalpen ni ke buch “ni gil’ilngun Got ea ngan pag nge m’ug.” Mu tay u wun’um ya l’agrow yay ko re buguthin ney ni kanoeg ni binem ni rin’ Somoel e ba “maligach” owchen fare pu’mon nib me’ew, ea ri mangil nge gol u nap’an ni lukuy. Biney ea “muruwel ku Got [ni kani] m’ug” sana ni ke muruwliy i yib ba gam’ing.

Reb ea pow riy nib riyul’ nike m’ug e fek facha’ ni’ir ea Sunmiy ko lanelang nge fayleng nge urngin e tin ni bay ulangin nge ngongliy ea biney ea ma’ang’ang riy: thuw nge but’ u lan pa’! Pinn’ey ni rib thil ea mich riy ni Got ea rayog rok ni nge tawa’ath nagdad ni de mutrug rogon ni ba’adag. Ni boed Naaman ni dabun fare lul’ nu Jordan fa fapi bitir nu Isreal ni dar sap gad ko fare porchoyog ni bay ko fare sog, uw rogon fan e moem ngodad ni ngad taleged bugi ban’en ni fan ea bayuliy rodad ni bachan ea pi’nen nge talen ea bay ni m’ug ni da’ni ga’fan.

Ka gadad manang ulan fare Babyor ku Mormon bay boch i pi’nen nib tay e yungin nib tamilang ma rib ga’fan ni um’on nin gargeleg Yesus e bay boch ban’en ko mornga’agen ni gadad manang, ni profecy nag ni “i athamgil u fithik’ e gafgow nge amith; [ma] dariy be’ ni adag [ni nge] changar ngak, da feked yathin ni gowa be’ nib m’ay fan.” Uw urngin yay ni ma pi Got ea thin rok u daken reb ea Relief Society president nib rus nib be’ech, nibe gay rogon ni nge fil reb e thin nu bang nib thil fa ba pagal ni da’ni skul ni ma par ko milay’ fa missonary nib be’ech fa bitir u langgin ea manger.

Ma faan ra yib ea fulweg ko meybil rodad nib plain, fab momaw’ ni ngan fol riy? Kad cha’riyed ma gadad be gay rogon, me ul’ul’ ni ngad fol gad ko fare Gospel rok Kristus ni de mutrug urngin ea thuw nge but nik an muruwliy riy? Dab i tomilang ngodad ni gubin ngiyal’ ko mang ea kan rin’ fa mang fan, nge ni gubin ngiyal’ i yan, kad thamyed ni boed fare bpin nib labthir ni ga’ar, “Somoel mu pi’ reb ea tawa’ath danir mithag?”

Kum tafney nag reb e pow ko mornga’agen e biney nib riyul’, biney e bay rogon ko mornga’agen e priesthood nib thothup. U langgin ea babiyor ko fare Galasia ko meridian, ea bi’eg Luke ni som’oon, “Me pining fare ragag nge laagruw pi gachalpen nga ta’abang me pi’ ngorad gelngin nge mot’owan,” tawa’ath ea dar ma yib ni bachan ea ri mot’woy. Day ma pi’ ni bachan e bangi skul fa ba’ulung nag ko seminary. Ni ma pi’ u pa’ nga dakean loelgen be’ ni kan tay pa’ ngad ken loelgen ni yib rok Yesus Kristus.

Ma langgin e galasia nibe nangfan e biney e tawa’ath ko murnguy, gathi ir reb e pow nib mangil ni ke pi’ ni ngan guy e pi tawa’ath ney ko galasia nge m’ag ni gube tawa’ath nag e pi’en ni kar m’ad, pi’en ea tabinaw rodad ni kar m’ad? Ngan gechig nagrad ni bachan ea dari’ kanow’en ea gospel ngorad fa bachan ea ni gargeleg rad u bingyal’ fa biyang ni gam’ing nge m’ag ea dabiyog ngorad? Fare Galasia ku Yesus Kristus ni fan ko Gidii’en Got ko Tin Tomur e Rran e bay nib thothup, fapi na’un ku Somoel riy, ni ma muruweliy ea m’ag ko murnguy ni fan ko tin ke yim’ ea girdi’, nge tin ba fos. U lanin’ug, re rogon ere pow ko tin riyul’ rok Got, e tu’ufeg ney nifan ko gidii’ nib fos nge fan ko gidii’ nike yim’ e dariy bayay u dakean e fayleng ni ran guy riy—kemus nu langgin ta’areb ea galasia nima dag rogon e biney: Fare Galasia ku Yesus Kristus ni fan ko Gidii’en Got ko Tin Tomur e Rran.

Bin som’on ea changar rog ni pi’ yafos ni yib ea da’ni yib ko fare clay fa farengi ran nu Siloam. Danga’, fare mat’ow ngin ko yafoseg ni pi’ Somoel ngog ea yib ni boed yuyang i babyor, arogon, fare Babyor ku Mormon: Kureb e M’ag rok Yesus Kristus! Marnga’gen ea re ke babyor ney ea kan cham nag mornga’agen ni bachan e gidii’ ni dani michuwaen’ ngay, rogon ko fapi tagan laniyan’ ko fapi cha’ ni rogned ko fare pum’oon ni kan gol nag ni dabiyog ni nge buch ban’en ni aram rogon nike buch rok.

Kanoeg ngog ni rogon ni ke sum ea reke babyor ney ea dabiyog rogon, dabiyog i lem nag, ba mak’ar tamra’, ma de thothup. Ere, bgel marrin e bugney e thin ni ngan nog ko mornga’agen e rake babyor ney, nikemus nra n’en nin weliy ni mornga’age e yira pilyeg e thin riy u “dakean fare tawa’ath nge gelingin Got.” Ke maa’. Ke maa’. Demutrug rogon, n’en ni ke rin’ e Babyor ku Mormon lane yafos rog ea dagur lem nag nib sobut’ nga tanggin fabnem ni fek ea but’ nge thuw ngay me ta’ nga owchen fare pum’oon nib me’ew. Ireray, Nifan ngog, e talen ko ayuw ko ya’el rog, e magal ni thothoup ko yi’iy, e wo’en nib tamilang thingar gu waen nga buut napan bay e rib gaa’ chuwo’ e lumor. Me riyul’ ni kar rrin’ed, me nira rrin’ed.

Ma rogon ni kani m’ug ngog fare adag ku Somoel rog nge murnguy rok, nggu pi’ ngomed ea michan’ rog, ni woed e galibthir ni ke yoek ngak e mo’on ney bachaen e “duw rok’.” Ere, ku arogon Gag. Ke taw nga ba yangar nra yog ni nge motoyil e gidii’ ngak, ni kar yoeged. Ere, ku arogon Gag. L’agrow ea pul nga palgin ma ke 85th ea birthday rog. Kug chuchugur nag ko yim’. Kug wared fapi pilung, pi profet, presidents nge pi apostle. Ma bin th’abi ga’, kug sug ko fare Kan ni Thothup Got. Pagaen’ug ngay e michan’ rog e rayog ni ngan sap ko pi michmichan’ rog ney.

Ere, pi walageg, ka rug nang ni Fare Galasia ku Yesus Kristus ni Fan ko Gidi’en Got ko Tin Tomur ea Rran ea riyul’ ni kan fulweg ko fare Galasia ni be Micheg nib Riyul’—nge bayo’or— bachane dabiyog ni nggu sabalbalyang e pow ko fulweg riy. Ere nap’an ea pin’en ni buch ni som’oon, Gu be lem nag ni kug fek ni biyu’—ragag i biyu’?—ma ku boech e pow ni kug weliy ea dabo’ ea riyul’. Ere ke falfalan’ug ea chiney ni ngu un’ ko fare fager rog u daken ea kanawo’ u Jerusalem, nu gu be tang ni ba achig lamag:

U dakean fithngan Yesus Kristus, amen.