Yaed Roraed e Bayra Manged e Pi Tapufthin Roraed

Fan ga’ngin fare wo’en e Chitamangiy e ngayog ni ayuweg pifak nib ya’el ni ngar thapegned e dowef, miyaed fil e “felʼ ko kireb” ulan e biney e yafos u fayleng, ma mayog nra mon’oggaed nib thothup, nge mon’og nib manechubog.

Fare thin nibay ulan e Doctrine and Covenants nibe yipfan e “mel’eg rodaed u fayleng” e ir e kabang ko fare wo’en e thap ku Got ni ngayog ni nge pi’ e yafos nu fayleng nge yafos ni manechubog ngak pifak ni pumo’on nge bpin. Biney e yalen nrib ga’fan e kun weliy ulan fapi chep nib thothup ni kanog fare i gur mat’wom ni ngam mel’eg ni gur e mat’won ni ngam mel’eg nge rogon ni ngam rrin’.

Re bugithin ney ni “mel’eg rom ufayleng” e rib ga’fan. Boch e thin ni bod fare “fayleng” ab mu’un fapi thin ngay ni wod e “mangil,” “ba yul’yul’,” nge “fal’ngin.” Boch e thin ni bod fare “mel’eg rom” ab mu’un fapi thin ngay ni wod e “ngan rrin’, un ngay,” nge “muruwel.” Ere, rayog ningan nangfan e biney e thin ni “mel’eg rom ufayleng” e rayog ni ngan nog ni ba tawa’ath ni ngan mel’eg min rrin’ nifan ngodad ko rogon nib mangil, rogon nib yul’yul’, nge rogon nib fel’ fal’ngin, mab riyul’.

Tin nike sunmiy Got ab mu’un e “pinʼen ni ngan rinʼ nge pinʼen ni ngan rinʼ ngoyiy.” Ma fare mel’eg rom ufayleng e kan ngongliy ni ban’en nib thothup ma bay “gelngin nigur ab milfan ngom rogon” nike pi’ gelingdad ni gadaed pifak Got ni ngad duugliyed e pin’en ni gadaed ba’dag ma gathi be’ e nge duuglidaed.

Fare fayleng e kan sunmiy ninge mang tagil’ e ggin ni nge dag pifak e Chitamangiy nu Tharmiy ko ra rrin’ fapifak e pin’en ni susun ni ngar “rrin’ed urngin e tin ni ra Somoel e Got rodad nira motochiyel nogdad.” Bang ko fan nikan Sunmiy fare fayleng nge fan ni ngad bad nga fayleng e bachan e ngeyog ni ngad rrin’ed ma gadaed mang e pin’en nike piningdaed Somoel ni ngad manged.

Somoel nike yoeg ngak Enoch:

“Musap e walagen ney; Kug sunmiy biney ufithik’ e pa’ag, nge kug pii’ ngorad e llowaen’ roraed, ulan e rran ni kug sunmiy rad; nge ulan e Milay’ ku Eden, kug pii’ ngoraed e puf mat’awoy i dugliy an’uy;

“Nge ngak e walagen ni kugog, nge pii’ ngorad e motochiyel, thingari t’ufeged yaed, nge yad ra mel’eg nigeg, e Chitimangiy rorad”.”

Fare fan e biney ni’ir e rogon ni ngan gay rogon e mel’eg rom ufayleng e fan ni ngeyog ni ngad t’ufeged gadaed ma gadaed mel’eg Got. Ma fan e gali n’ey e rib puluw ko fare bin somm’on nge bin la’agruw e motochiyel ni thabi gaa’, ningad t’ufeged Got u polo’ i gum’ircha’endaed, ya’el rodaed, nge tafney rodaed, nge t’ufeged e yoror rodaed ni woed rogomad.

Mu tafneynag ni go wod nikan motochiyel nagdaed—gathi wod nikan machib nagdaed machane wod nikan motochiyel nag ngodaed—ni mel’eg rodaed ufayleng e ngad t’ufeged gadaed ma gadaed mel’eg Got. Rayog ni nggog ni ulan e fapi chep nib thothup, fare bugithin ni “ufayelng” e gathi be yipfan ni ban’en nrayog ni ngan thilyeg rogon ya ban’en nib thothup ni kanog rogon ni ngad fanayed rogon e mel’eg rodaed.

Bay reb e hymn ni fithingan e “Choose the Right” e bay fan. Dawrin tawa’ath nagdad ko mel’eg rodad ufayleng ni ngad rrin’ed e tin ni tafney rodad ko ngiyal’ ni gadad ba’dag. Ya, rogon fare wo’en e thap ko fare Chitamangiy, e ke pi’ ngodad e mel’eg rodad ufayleng ni ngad gayed mag dad rrin’ ni wod rogon e tin nib riyul’ nib manechubog. Wod ni “gadaed e milfadaed [ngodaed],” ma susun ni ngad uned ko tin nib mangil ban’en, “darrin’ed bo’or bugi ban’en ni gadaed rodaed, ni ngeyog ni ngan thapeg e mat’aw ni bo’or.”

Fan nib ga’fan fare mel’eg rom ufayleng nib manechubog ni’i moy ni ga bugi ban’en ni’i moey ulan fare mo’olung ko bin somm’on e yafos nge fayleng nibay ulan fapi chep nib thothup. Mo’oniyan’ e togopuluw ko rogon fare wo’en ni yoeg e Chitamangiy nifan ngak Pifak me gay rogon ni nge gathay fare gelngin nra be’ ma ir rok’ ni nge mel’eg rogon u fayleng. Biney e rib alamrin, ni fare mo’oniyan’ e ri gay rogon i nge gathay nag fare yalen e mel’eg rodad ufayleng.

Got e weliy “Aram rogon, ni bachan … e togopuluw Mo’oniyan’ ngog, me gay rogon ni nge gathaynag fare mel’eg ko gidii’, … mugu fal’ag rogon ni ngan thuruy ngabut’.”

Sabanban ni tay mo’oniyan’ ni ba’adag ni nge chuweg fare mel’eg ko pifak Got “ni yaed e ngar duugliyed rogon uwun’rad” ni rayog ni ngar mel’eged e tin mat’aw ban’en. Ir e ba’dag ni nge l’igin pifak e Chitamangiy nu Tharmiy ni ngar manged bogi ban’en ni kemus ni be’ e nge duugliy nifan ngorad.

President Dallin H. Oaks e kari yog ni fare gospel ku Yesus Kristus e be piningdad ko l’agruw ban’en ni ngan nang ban’en nge wod ni ngan mang ban’en ni wod ni yibe gay rogon u dakean fare mat’won e mel’eg rom ufayleng. Ke ga’ar:

“Bo’or e Bible ni ke machib nag mornga’agen fare bin tomur e rran ko pufthin ni gubin e gidii’ ma yira pufthin nagrogon ni wod rogon e muruwel rok’ nge ‘ar’ar u gum’ircha’en. Machane boch e chep nib thothup e kemus nibe sap ko mornga’agen e bin ba’aray ban’en ni kemus ni yira pufthin nag dad ko rogondaed ke n’en nikad mu’ niged i rrin’.

“Fare profet Nephi e weliy mornga’agen fare bin Tomur e Pufthin ni wod ni kad manged e: ‘ma faʼanra ngongol roraed e ba kireb ma yaedra paer nib kireb ni dabisiy; ma faʼanra yaed ba kireb ma arame dabiyog ni ngar pired ko gin gilʼilungun Got’ [1 Nephi 15:33; kan uneg boch ngay]. Ke yoeg Moroni, ‘Cha’ nib kireb e bayi paer nib kireb; ma cha’ nib mat’aw e bayi paer nib mat’w’ [Mormon 9:14; kan uneg boch ngay].”

Maki ul’uli President Oaks ngay: “Tiney e machib ma kad nanged ni fare bin Tomur e Pufthin e gathi kemus ni ngan guy ko urngin e tin nib fel’ nge tin nib kireb—machane fapi n’en nikad— rrin’ed. Biney e rayan urogon fapi n’en nikad rrin’ed nge tafney rodaed—n’en ni kad manged.”

Muruwel rodaed nge tin ni gadaed ba’dag e dabiyog ni nge thapegdaed. “Au tomuren ni kad rinʼed gubin nra yog ni ngad rinʼed,” iyaen ngakʼ Got makemus ni udakean fare murunguy nge t’ufeg nima yib u dakean fare Tathapeg ndariy bi’id memus nge fare aligach ni dariy tungun mab manechubog.

Alma e ga’ar, “Mu changar gaed mi gimed tabolngin nag e mich romed ngakʼ fachaʼ ni Fak Got, ni bay yib ni nge bayuliy e gidiiʼ rokʼ, ma yira gafgow nag min liiʼ ngemʼ ni bayul ko pi denen roraed; ma ra fos bayay ko yamʼ, niʼir e ra yib nag e foskoyamʼ, ni nge gubin e gidiiʼ ma thingar sakʼiy gaed nga pʼoewchen, ni ngan pufthin nagraed ko bin tomur e rran ni fare rran ko pufthin, u rogon e pi muruwel roraed.”

“Ba mich u wanʼmad ni bachan e Bayul ni pi Kristus, ma gubin e gidii ma rayog ni ngar pateged e yafos ni manemus u daken e motochiyal ni fol riy ni gubin nge machiben e Gospel.” Susun ni nge falfalaen’daed ngay ni fapi denen rodaed nge ngonglendad nib denen e dabi aw ni’ir e togopuluw ko mich rodad ni fa’anra riyul’ ni gadaedra “gargeleg raed bayay,” gay rogon e mich ngak fare Tabiyul, min kalngan’uy “u fithikʼ e yulʼyulʼ u gumʼirchaʼmed” nge “u poloʼ i gumʼirchaʼmed,” nge “athamgil nge madaʼ ko tomur.”

Orani gadaed e bayi tafney nag ni fare bin Tomur e Pufthin e wod rogon ni yima rrin’ ulan fare court ko pufthin nag e qoloboch. Nibay ba mat’aweg ni’ir e baga’ riy. Nibay e pow riy ni yira dag. Nge rogon ni ngan duugliy ni ngan rrin’. Ma bay nrayog ni gadaedra par ufithik e murus nge lumor nga mada’ ko ngiyal’ nikad guyed rogon nira buch. Machane michuwun’ug ngay ni biney ni gadaed be tafney ang e dani puluw rogon.

Ba thil rogon machane ku wod rogon fare murus nib ga’ ni gadaed ma thamiy e wod rogon nike weliy fapi chep nib thothup “murus ngak Got” fa wod e “fare murus ngak’ Somoel.” Gathi wod e murus nu fayleng nima yib e tamdag riy nge murus nib gel, ya murus ngak Got e wod nima fek e gapas ngalan e yafos rodad, micheg nag ngodaed, me pi’ gelingdaed.

Murus nib mat’aw e wod ba thamtham ko liyoer nge og nag e magar ngak Somoel i Yesus Kristus, ni wod rogon e fol ko fapi motochiyel rok’, ni yibe sap ngam’on ko fare bin Tomur e Rran ko Pufthin nge justice ni bayib i pa’. Murus ngak Got e ra ga’nag e na’ab rodaed ko tin nib thothup nge fare fan e muruwel rok’ fare Tabiyul, nibe dag ni gadaedra pi’ daed ko tin ni ba’dag, nge tamiling nra be’ ma manang ni yira pufthin nag ko ‘ar’ar rok’ ufayleng, tafney rok’, thin rok’, nge ngonglen ulan fare bin Tomur e Rran ko Pufthin.

Fare murus ngak Somoel e gathi susu ni mornga’agen rogon e wub nga gul’il’ungun ni ngan pufthin nigem. Ya wod ni, morngaʼagen bogi banʼen ni rogon ni bay nge morngaʼagen bogi banʼen ni rogon ni bay yib.

Gubin e gidii’ ni’i moy nib fos, nibay e chiney nib fos, nge tin ni bayyib nga fayleng e “bay ni fek nge sakʼiy nga tagilʼ e pufthin rokʼ Got, nge pufthin nagraed u rogon e pi muruwel roraed ko ba mangil fa ba kireb.”

Fa’anra ‘ar’ar ulan gumi’rcha’endad nge muruwel rodad nib mangil—biney e be yipfan ni kad gayed rogon e mich ngak Yesus Kristus, fal’aggin nge fol ko fapi m’ag ngak Got, nge kalngan’ ko pi denen rodaed—ma fare pufthin e wod nira sumunguy rogon. As Enos declared, we will “yimʼ, mug sakʼiy nga pʼoewchen [fare Tabiyul]; ma arame gura [gadaedra] guy oewchen ni gub falaenʼ ngay.” Ma napan nira taw ko fare rran ni’ir e tomur ma “yira tawaʼath nag ko tin nib matʼaw.

Ku wod rogon, ni fa’anra fapi ‘ar’ar u gum’ircha’endaed e wod nib tagan ma muruwel rodaed e ba kireb, ma fare pufthin e wod nira tomal gelnggin. Ma “ra matabgol e nangaenʼ rodaed,” “me mab tamilang laniyaenʼdaed,” “me tamilngeg u laniyaenʼ [daed] me gagyel u waenʼ nib kireb e rok’.” “Ma dabi soraenʼdaed ni ngad puged oewchdaed riy ngalang ngad sap gaed ngakʼ e Got rodaed; ma kay gub felʼ ni faʼan gomanga rayog ni nga doeged ko pi yungi war nge pi burey nge muchbuʼ nga dakeandaed ni nge mithaeg daed u pʼoewchen.” Ma napan nira taw ko fare rran ni’ir e tomur ma “yira tawaʼath nag [daed] ko kireb.”

Ya, rogon, yaed roraed e bay ra manged e pi tapufthin roraed. Dariy be’ nib tu’uf ni nge yog ngodaed e ggin ni ngad sorgaed ngay. Ya ulan gul’il’ungun Somoel, ma gadaedra nang ni gadaed e kad mel’eged e tin ni gadaed ba’dag u fayleng ko gin ni ngad dared ngay ni dariy bi’id manemus.

Nangfan ni fare bin Tomur e Rran ko Pufthin e rayog niba sumunguy e gathi kemus niba tawa’ath nifang ngak Moroni.

Ya Alma e ke micheg nag e pi tawa’th ney nibay nifan ngak e pi’in nira pigpig me mang gachalpen fare Tathapeg. Ke ga’ar:

“Fare bugithin ni sulyarmen e ngan sulweg bayay e kireb ko kireb, ara falwok nu fayleng ko falwok nu fayleng, papngin e moʼoniyanʼ ko papngin e moʼoniyanʼ—felʼ ko tin nib felʼ; matʼaw ko tin nib matʼaw; yulʼyulʼ ko tin nib yulʼyulʼ; nge wurengaenʼ ko tin nib wurengaenʼ.

“… Mu rinʼ ngoraed nib matʼaw yalen, mu dugliy u wunʼum rograed ngoraed nib matʼaw, mag ʼulʼul ngay ngam rinʼ e tin nib felʼ; ma faʼan gara rinʼ gubin e pinnʼey ma arame rayog ni nge yog ngom e tawaʼath rom; arragon, ma rayog ni ngan sulweg e murnguy ngom bayay; ma rayog ni ngan sulweg yalen e justice ngom bayay; ma rayog ni ngan sulweg yalen e pufthin nib matʼaw ngom bayay; ma rayog ni nge yog ngom e tawaʼath nib felʼ bayay.”

Gube micheg ni Yesus Kristus e i’ir e Tathapeg rodaed nibay nib fas. Micheg ni tay Alma e ba riyul’ nrayog ngam maku rayog ngong—edaba’, gabul, ma dariy bi’id manemus. Gube micheg u dakean fithngan fare Somoel nib thothup Yesus Kristus, amen.