Somoel e Riyul’ Nibe Ul’ul’nag e Muruwel Rok’

Charles Dickens nike yol e ya’at rok’ ni A Tale of Two Cities me bay e lem rok’ ni “ngiyal’ nem ir thabi mangil, ngiyal’ nem ir gathi mangil.” Woed rogon, e rran rodad binem ir riyul’.

Gadadba paered ufithik’ e ngiyal’ nibay e magawon nap’an “gubin e fayleng ni bay bo’or e cham.” Fare milwol rok President Russell M. Nelson ni ngad manged e gidii nima pii e gapas, ko ta fol ku Yesus Kristus, ni non mornga’agen bayay ni kadbul ku Elder Gary E. Stevenson. Biney e tha’bi ga’fan ni fal’eg e kunuy, gapas, nge golnag ko “ngiyal’ nib kireb.”

Gadad ba par ko “ngiyal’ nib mangil,” ni gu ba non mornga’agen. Fare Somoel, nike yoeg u aram ko somm’on nra tabolngin ko fare Doctrine and Covenants, guruy 1, fare gospel nib polo’ ni ra “yib … nga tomren e fayleng. Somoel e riyul’ nibe ul’ul’nag e muruwel Rok’ u ngiyal’ rodad. Thingarda ba’adagdad nib gaa’ nifan e ul’ul’nag, nike buch ma kube buch ni dariy’fan e ngiyal’ ney nibay e magawon. Gadad be fasgad ulan e rran ney fare gidii’en Somoel e rayog ni ngar rung’aged Laman nge fulweg ufithik’ e gum’irch’rad nge tafney rorad me bing. Chongin ko Fare Galasia ku Yesus Kristus ni Fan ko Gidiiʼen Got ko Tin Tomur e Rran, ni kar michmichegad ngak fare Tathapeg nge motochiyl Rok’, me pireged e fan rorad nge gapas nib ga’.

Ufithik’ bochi ngiyal’ ulan e chep ko Galasia, ba gaa’ nag e pi’in ni kar uned e wo’ ko m’ag. Ta’areb e ngiyal’ ney nike buch ufithik’ e 1837 nge 1850. Bochi pi Apostle ulan e Galasia nib fulweg nikar rrin’ed e pigpig ko mission ulan fare United Kingdon. Pi mission ney ni kar feked biyu’ ko biyu’ e gidii’ nga Galasia, nge napan bay 1850 ba bo’or e chongin rok’ e Galasia ulan e United Kingdom ko United States. Ngiyal’ nem, ni kube powi’iyread e fapi Saint ni ngar kunuy raed nga Utah. Milekag nib gaa’ nike buch, boch e gidii’ ni kar fek e loan ngak fare Perpetual Emigrating Fund.

Gube’adag e cheppen morunga’agen e milekag nga Salt Lake Valley rorad e pi’in ku England nge Wales nikar thapeged e mich ulan e duw ko 1852. Ulungi e gidii’ nem ni kar mada’ nag Bin Somm’on e Presidency u Emigratio Canyon, me un ngorad Captain Pitt’s Band. Fare Deseret News me weliy mornga’agen ni woed [e ulungi ko pilgram [me tay bu’un] ko bpin nge fak raed, me yaen nga buut, kar feked e amith ko ya’el and reb e amith, machene dar kirbaen’, rayog ni ngam sap e falfalaen’ roraed.”

Napan ni kar “yaen chuchugur ko Dayif ko Temple, … nge biyu’ ko biyu’ e mo’on, bpin, nge bitir, nikar kunuy uta’abong, me bay yib ko bochi pi yuyang e binaw, ere ni ngar me tay uta’abang ulan e mogethin nem nib falfalaen’.” President Brigham Young ke non ngoraed: “Gomanga yigi tawa’ath fare Somoel nu Israel ngomed. … Kug meybilgad nifan ngomed; yo’or e biyu’ e pi meybil ni kug pii’ed nifan ngomed, gubin e rran, Ngak facha’ ni’ir ni ke motochiyel nagdad ni ngad kunuy u Israel, me thapeg e gidii’ ufithik’ e machib ko fare gospel, nge t’aer midlen ngoraed nifan e wub rok’ fare Messiah.”

Ufithik’ e thamey ko ngiyal’ nib falfalaen’ nem, gube pii’ athamgil ngorad e gidii’ nib be’ech ni kar michaen’rad nge pi’in ni kar suloed bayay nga Galasia rok’ Somoel: Gamaed ba’adag ngomed; gamaed bat’uf ngomed; fare Somoel ni bat’uf ngomed. Sana ni ngad mogethin ngomad ko marching bands, machane gamaed ma meybilgad e pi tawa’ath ko tharmiy nira yib ngomed ulane e mon’og romed udakaen e wo’en ko m’ag nima powi’iydad nga Got ni Chitimangiy nge Yesus Kristus ulan fare gil’ilung ni celestial.

Bay e pow riy me gaa’nag e mich ngak Yesus Kristus ulan e rran rodad. Ulane Fare Galasia rok Yesus Kristus ni fan ko Gidii’ ko tin Tomur e Ran, ni rib gaa’ e tugul ko pi’in ni kar michaen’rad. U fithik’ bin 36 e pi pul ney, chuchugur ko 900,000 gidii’ ni kar michaen’rad ni kar e uned ko Galasia. Pi’in ney ir chuchgur ko 5 pasent ko urngin e chongin ko Galasia. Gamaed be pinning e mogethin ngoraed nibay k’iyeg pa’med nge ba’adag romaed nifan e wo’en gamed ni kar mel’eged.

Biney e 900,000 gidii’ ni kar michaen’rad ko bin 36 pi pul kafram me gelnag gubin e chongin ko Galasia napan bay e 110th anniversary ulan e duw 1940, nibay 860,000 chongin. Binir e duw Elder Jeffrey R. Holland, Elder Dieter F. Uchtdorf, nge gag ni kug gargelen gad.

Pi’in e kar michaen’rad nib mangil ma yib ufithik’ gubin yang ko fayleng. Ufithik’ bin nel’ e pi pul ko duw ney, ke ga nag e gidii’ ni kar michaen’ ko 20 percent ko fa binem e duw kafram u Europe, Africa, Asia, fare Pacific, nge Latin America. Ulan fare North America ni bay e gaa’ nag ko 17 percent. Muruwel’ rok’ Somoel niba ul’ul’ ufithik’ e pi rogon nib gel. Gaa’nag ko numba ney me pow ngodad fare gospel niba ying gum’ircha’ey nge thilyeg e yafos u gubin yang.

U rran rodad, pi’in ni kar michaen’rad ni th’abi fel’ dabda yaen nga reb e binaw ere ni ngar kunuygad. Bachane e mich nge tithing ko gubin e chongin ko Galasia, bay e rogon ni ngad ayuweg e ulungi gidii’—ni ngad toyed e pi chapel nge pi temple—ulangab gubin e fayleng. Ni bay e pi key ko priesthood nge rogon ney, bay fapi gam’ing ko thap u langab e fayleng.

Dariy’fan e nam rodad, gubin pi chongin thingarda pinning e mogethin ngak e pi chongin nib be’ech woed rogon ni kug rrin’ed ngak e pi Saint nib English nge Welsh ni kakrom. Gu ba’adag e non rok’ Elder Gerrit W. Gong ulan e mo’olung ney napan nike fil ngodad ni dakiriy e bee’ thingari mang ni yigo’ ir nifan e tin ko thamey fa ya’el.

Muruwel’ rodad nib thothup ni ngad thapeged nge ayuweged e chon nib be’ech nge niba sul bayay. Napan fare Somoel ni ra papay nag e muruwel Rok’, thingarda t’ufeg, machathowol, nge pigpig ngorad e pi’in ni be thapeged a gospel Rok’. Rayog ni ngad toyed e gidii’ nu Zion, nira ta’abgaed “ko gum’racha’raed ta’areb laniyaen’raed, nge [paered] ufithik e mat’aw.” Umon ni ngad ta’ab dad ngak Somoel, thingarda ta’ab dad u p’oewchen fare Somoel. Bay e muruwel’ rorad urngin e chongin ko Galasia, ni ma pinning e mogethin ngak reb e bee’.

Fonow rog ngak fapi chongin ea Galasia ni ngar tayed e pa raed ulangab e pi’poi nib mangil, ni kar thapeged e gospel ku Yesus Kristus.

President Gordon B. Hinkley nike fil ngodad e pi’in nib be’ech ni be michaen’ bt’uf “reb e fagaer, reb e pigpig, nge chathawliy nibay ‘fare thin nibmangil rok Got’ (Moroni 6:4).” rayog ni ngad daged ngak e pi member ney nib beech ni yaed ebang riy ma gathi kemus ni bogi girdi’ nibe milekag iyiib ngay. Rayog ni ngad pii’ e nangfan ni yad be manged e gachalpen ku Yesus Kristus nira pigpig ngak reb e bee’ nge thapeg reb e muruwel’ ni ngar pigpig gad. Pi’in nib yangren ni be michaen’ thingarda lemnag ni ngar thapeged e mission rorad. Gadad gubin thingarda guyed rogon ni ngar woeded boch e yafos rok’ Kristus.

Bo’or me un’ed e Galasia ufithik’ e magawon nib ga’ rorad nge yaed bt’uf e adag nge ayuw rorad e fapi Saint.

Gubin e pi’in nib be’ech fa me sul nga mich bayay, bay reb e gafgow sana ni ra yib ngomed. Mu gumaen. Fapi missionary ni kar machib ngomed e e dayif ko fare gospel nge kar weliyed e micheg nge gam’ing nifan ko fare gil’ilungun ni bay ulan e pi scripture nge ulan Preach My Gospel.

Thapeg e pi gam’ing nge m’ag nge folgad fapi motochiyl ea baga’fan. Mu lemnag mornga’agen e pi m’ag nb gaa’fan ko exaltation. Fare gospel me fal’eg e rogon ko exaltation, ni’ir bt’uf ni ngad fal’eged nge folgad e fapi m’ag nib thothup ngak Got. Ma fa’anra dabi tawfe nag, nge thapeged fare Melchizedek Priesthood ko pumo’on, fapi m’ag ni ngad thapeeged nira buch nga lan fare temple. Mornga’agen e pi’in ni kar maed, urngin e gam’ing ko thap e yima rrin’ ulan e temple. Aram rogon, t’aer midlen ngomed nifan e temple nike fil yo’or e yay, i ir e goal nib thabi tolang.

Bochi ngiyal’ rangam thamey ni dabmu nang bo’or e pi’nen. Ganop ko gospel ni’ir e tawa’ath nib fel’ ni ra thapeg buch’uw ngiyal’ ngo buch’uw ngiyal’, machane binem ir gathi e gami’ing ko thap. Fare gospel ir gathi e sikeng ko ganop. Machane, woed ni President Nelson ke micheg, “Nap’an ga ba fil fare Babyor ku Mormon u fithik e meybil gubin e rran, ga ra mel’eg e mangil—gubin e rran. … Nap’an ga ba lem nag mornga’agen ni kam fil, fare winda ko tharmiy ra bing, nge bay yib a fulweg ko duwer rom nge pii’ kanaow ko yafos rom.”

Me peth ni, urngin e duw fare Galasia me thilyeg e pi’nen ni be fil ulan e mo’olung ko Modnam ko Bin Kakrom e M’ag, fare Bin Be’ech e M’ag, Fare Babyor ku Mormon, nge fare Doctrine and Covenants. Boech nga m’on rangam thapeged e athamgil napan ni ra gaa’ nag e ganop romed ko fare gospel. Napan ni ngam bi’eg fapi scripture gubin e rran ni’ir ma tawa’ath nag nge gelnag e yafos rom napan ni nge gaa’nag e mich rom ko fare gospel ku Yesus Kristus.

Mafil e machib nib thothup rok’ Yesus Kristus nira buch ufithik’ gubin e yafos, nifan e nangfan ko gospel nge fasgad e yafos woed Kristus. Fapi m’ag nib gaa’fan me pii’ e dayif nifan e wo’ ni kanoeg e kanawo’ ko m’ag. President Nelson ni ke fil nib gel mornga’agen gali yalen ney. Gubin e chongin, ni rib gaa’ nifan e cha’nem nib be’ech nge nikar sul bayay, nira thapeged e tawa’ath napan ni ngar filed nge thapeg e milwol ko m’ag nge kanawo’ ko m’ag.

Fa’an ni ngam fal’eg e goal ni ngam thapeg urngin e pi m’ag nifan e thothup nag, rangam taymed nga dakaen e wo’ ni ra powi’iydad nga gil’ilungun ni celestial. Fare temple nge fapi gam’ing ko fare temple. Bo’or e pi m’ag nem e rayog ngak gubin e gidii’. Ta’areb e m’ag, mabgol ko gubinfen, me tay e ngongol rom ngak reb e bee’. Goal rodad ni ngad pireged binem e cha’nem.

Machane, dam mu fek e kirbaen’ fa’an dab mu thapeg e mabgol ko gubinfen u ngiyal’ ney. Fapi profet ni kar machibgad ni dakiriy e tawa’ath nira chuw ngak e chongin nib fel’ napan ni ngar folgad ko pi motochiyel. Ta’areb e profet ulan fare Babyor ku Mormon, Pilung ni Benjamin, nike yoeg nib fel rogon: “Pi’in ni yaed mafol ko fapi motochiyel rok’ Got … kan tawa’ath nagraed u fithik’ gubin ban’en, … ma fa’an yaed [ra] athamgil nge mada’ ko tomur … yaedra paer riy rok’ Got u fithik’ e falfalaen’ ni dariy n’umngin i nap’an.”

Gara nanged, fa’anra dawo’, e chongin ni dabi machalbog. Machib ni ke yi’iy ngodad me weliy ufithik’ e milekag rodad u fayleng, gadad ra fal’eged e oloboch. Gadad be pared ulan e fayleng ni dabi machalbog, ni’ir gathi e fayleng nib celestial. Biney e yafos e ireray e re ngiyalʼ nifan e sikeng, ni bay bo’or e rogon rangad kalngaen’ nge micheg nagdad.

Gadad gubin ma thamey nib achigchig napan ni ngad guyed rogon ni ngad boed Yesus Kristus. Bayul rok me pii’ e rogon ngodad ni ngad kalngaen’dad gubin e rran napan gadad be rrin’ed e oloboch. Woed Nephi, reb e profet ulan fare Babyor ku Mormon, nike yoeg: “[Ngad] tal’ ni gube yoeg fapi thin rok Nephi nap’an ni ga’ar: “Thingar mu pii’ed iyaen nga m’on u fithik’ e yul’yul’ romed ngak’ Kristus, nib machalbog laniyaen’med ko athap, nge t’ufeg rok’ Got ngak’ gubin e gidii’. Ere, fa’an gimed be duwuri’iyed gimed ko thin rok’ Kristus, mi gimed athamgil nge mada’ ko tomur, ma musap gaed, i ga’ar facha’ ni Chitamangiy: Rayog e yafos ngak ni gubinfen.”

Napan ni ngad lemniged mornga’agen e magawon ko rran rodad, thingarda pugurandad e Somoel, ufithik’ e machib u fayleng Rok’, nike fas ulan e rran nibay e magawon nge gafgow. Ba’adag rok’ de lemnag mornga’agen e magawon ko am ko rran rok’; ke lemnag mornga’agen e machalbog nag ko fapi Saint.

Me leak fare Tathapeg nge machib Rok’ ir gathi moem ulan e yafos ney ni bay bo’or e magawon. Dabi moem nifan e Tathapeg ulan e fayleng nib kireb napan Nike fas, dabi moem nifan e tuygong’ nge chongin nib kafram, nge de moem nifan dad. Machane, bay fapi profet nib fas ni’ir ma pii’ e fonow ngodad e pi’nen gadad ni bt’uf u rran rodad. President Dallin H. Oaks ra pii’ e milwol nib thothup.

Gube micheg ni fare machib rok’ fare Galasia ku Yesus Kristus i’ir ni gubinfen nge riyul’. Gube yoeg ni rib mich u wan’ugngay ni Yesus Kristus e ba fos, ma bachane Bayul Rok, rayog ni ngad ta’areb gad Ngak. U dakean fithngan Yesus Kristus nib thothup, amen.