Iwe Iei Uwa Kuna

Fiti ennetin tong kich meinisin sia chieneni Presiten Oak ren an kapasen saingon kapong ngeni Presiten Russell M. Nelson. Fiti nonopokun ren tong me onononun netipeta, meinisin sia esinna ekkewe osukosuk non Michigan ekeran fis me met mi fifis ussun iteitan ran non unusen fonufan. Sia esinna ekkei mettoch fiti tong me nuku non ewe Samon Jises Kraist.

Ewe atiuwan sopun non John a mak porausen Jises me Noun kewe chon kuno ra fetana unukun emon chon tutungor, chuun seni an uputiw. Ei a afisita ekewe chon kuno repwe aisini Jises ekkoch weiresin kapaseis usun ren ifan poputan me ian a feitto me ian an ewe mwan semen. Ewe Masta a ponuweni seni an fori och mettoch mi mecheres me pwan amwairu. I a atufeti non ewe puun me aru ew kukkunun pwakak. Mwirin I a mineta won mesen ewe mwan mi chun, a ureni epwe ores non ewe pupun Siloam. Unusen ekkei ewe mwan mi chuun a aponueta ne fori me “tongeni [sefan] kuna,” ewe pukefel a apasa. Ifan ussun auchean pisekin pwarata ngeni kich, mi sokkofesen seni en anean ika anini ika fen mwaken ren met mi ennet.

Iwe, nuokus ren ei pekin manaman epwe pwan pacheta ngeni ekkewe aosukosuk Jises a fen pwarata ngenir pokiten ren wiser, ekkewe chon uu ngeni ewe Samon ra feino ngeni ewe mwan a keran kuna sefan me ra puchor ngeni non song, “Am mi sinei [Jises] emon mi tipis.” Ewe mwan a ausening ren ekis fansoun, iwe a apasa, “Ika I emon mi tipis … , usapw sinei: [nge] ew mettoch ngang [ua] sinei, … ngang emon mi chun, iwe iei uwa kuna.”

Jises a wau ewe aewin awewe ngeni ei ekesiwin, a ureni Noun kewe chon kaeo pwe meinisin a fis “pun ewe angang an Kot epwe sinino.” Chechemeni pwe fan ruu non ei poraus an ewe Chon Amanau foffor a sin pwe “epinano” mesen ewe mwan mi chun, eu napanap epwe unus ren oresi. Ei awewe ren “kewe angang an Kot ra [fis] repwe sinino” a meni katou ren ewe pwaranon ngeni ew angangepiin.

Pwan eu ennet a pwano ikkei ren ekkewe pekin pisek ewe Chon Fori nang me fonufan me meinisin masowan a aia ne afisi ei pekin manaman: attuf me efoch pau ur ren puun! Ekkei nofit ese kon nikinikoch a pwarata pwe Kot a tongeni afeiochu kich ne aia ese nifinifin forun I a finatta. Usun Naaman ese tipeew ngeni ren ewe River Jordan ika ekkoch semiriten Israel ar rese mochen netaei ewe serepenit won ewe wok, ifan mecheresin ngeni kich sipwe ponuki ewe popun ach ngaseno pokiten sise menei mettochun ika ese amwarar mwerech.

Nge sia chechemeni seni ewe Puken Mormon pun ekkoch mettoch mi fattoch me chen me pwan mwen an Jises upitiw, a fen wor chon osini, “I [esap or] ew pekin nikinikin amwarar; me nupwen kich [sipwe] kuna i, esap wor ningoch sipwe mochen ren i.” Fan fittu Kot a tinatiw An ningochun kapas seni emon a keran angei akokon wisan ren emon nuokusun Relief Society preseten ika emon at ese sukun seni New York won eu atake ika emon minafon misineri ika emon monukon mi kokon non nenien maan.

Ngemeit ika mo ponuan ach iotek a feito non och nikinik mi mecheres ika fen aweires? Kich mi tongeni ne nikitungeni, ne engino ne mwanauweni an Kraist kapas allim inamo fitte ukukun atuf me clay sipwe angei? Enip fan ekkoch esap fatafatoch ngeni kich met a fen fis ika pwata, me, seni fansoun ngeni fansoun, sipwe mefi ekis ussun fefinach watte a apasa, “Samon, ngeniei eu feioch esapw mwonomwon?”

Ekieki ewe pisekin pwarata ren pwan eu ennet, ei ren ewe priesthood mi pin. Non taropwen rekotun ewe kumien aramasen ewe Mwichefen meridian, an Luke aewin mak a apasa: “Iwe a kori fengeni noun engon me ruemon chon kuno, me ngenir manaman me mumuta,” nifang ese anongonong won amwararen om angang ika kefinata seni eureni ika om pukutan ian ka uputiw ie. Rese wau seni eu sukkun mi auchea ika kumien siminari. Ra wau efeioch seni chok watta pau won mokur seni emon a angei an mumuta a feito seni met ese ta a feito seni me nepoputan tori ewe minne an ewe mumuta, ewe Samol Jises Kraist.

Me non ew mwichefen minne a weweiti ewe nifangen umoumoch, esap fen pwan eu amwararen pwaratan ren ewe ennettin mwichefen ne kuna ekkei feioch me pwon mi pin faniten ach kewe famini ra mano, ekkewe ren ach famini ion ra fen akom seni kich? Met repwe angei niwinin an ese kawor ngenir ewe kapas allim ika pokiten ra uputiw non eu fansoun ika neni nupwen kewe angangepin me pwon mi pin ese mo kawor? Ewe Mwichefenin Jises Kraist ren Aramas Mi Pin non Fansoun Soponon a wor pin, imwen ewe Samon mei efeioch ren umoumoch, angangepin a for iteitan ran me pwin faniten mei mano, me pwan ekkoch fenin efeioch me angangepin faniten kewe mei manau. Ren ai sinei, ei pisekin pwaratan an Kot ennet, An unusochun tong faniten ekkewe mi manau me ekkewe mi mano, ese pwa ekis non ei fonufan—me nukun non ew mwichefen minne a pwarata ennet non ew napanap: Ewe Mwichefenin Jises Kraist ren Aramas mi Pin non Fansoun Soponon.

Ai aewin nifangen-kuna, nifangen-manau a fis fiti ossosen pisekin pwaratan ennet ese feitto seni clay mei apinipin ika ewe pupun Siloam. Apw, ewe pisekin pwaratan ennet minne a watto ai chikar seni ewe Samon a feito ussun non kewe peichen eu puk, ewer, ewe Puken Mormon: Pwan Eu Kapasen Pwarata ren Jises Kraist! Porausen ren ei puk pun a pin katta me koturuno seni ekkoch rese nuku, ar song a nonno ngeni ekkewe ion ir ra ureni ewe mwan mei chikar sefan pwe ese tongeni epwe weweiti an sinei ren met i afen fis ngeni.

A fen wor chon pesepes song ngeniei ian ei puk a feito me ian pwe ew ese wosewosen, ese tufich nuku non, mi asau, pwan mo ese piin. Iwe, ena a och kapas pochokun seni emon ion a ekieki a fen sinei wewen me ian ei Puken Mormon a feito seni, iei ren ewe chok tichikin a kawor ngeni ekkewe wewe pwe a chiakutiw “seni ewe niffangen me ewe manamanen Kot.” Ikkei chok. Ikkei unusen. Nge ewer, ewe manamanen ren ewe Puken Mormon non manawei ese kis manamanen seni ewe watta atuf me pun won mesan ewe mwan mi chuun. A fen, ren ngang, ew ankon tumun non manawei, ew nununon tinnen saramen pekin pwarata, a asarama anei ian upwe fetan no ian nupwen toputopun kiroch a feito. Me ewer ra fen, me ewer repwe fen.

Me kaoren ewe kuna a wato ai weweiti an ai Samon wachemuken me umoumochun tong, uwa pwarata ai kapasen pwaratan ekkewe ennet seni nang, usun chok ekkewe minafon feiochun in me sam ra apasa repwe rongorong ngeni nour at pokiten “a watte ierin.” Iwe, pwan ngang. I a watte ierin ar repwe ausening ngeni, ra ponuweni. Iwe, pwan ngang. Uwa chok ruu mwaram seni ai 85th en uputiwei. Uwa pin arap ngeni mano me pwan niwinsefan. Uwa pin fetan fiti kewe king me soufos, pwan preseten me kewe chon kuno. Ochun me nein meinisin, a wor ai fansoun ai unusen chouno ne mefi ewe Ngun mi Fel a eto seni Kot. Ua epinukunuku pwe ai ei pwarata epwe pwan ew kapachetan pisekin pwarata ikeia.

Iwe, pwi me fefinei, Uwa unusen pwarata ren manawei pun Ewe Mwichefenin Jises Kraist ren Aramas Mi Pin non Fansoun Soponon iei ewe ennetin niwinsefaniton ren ewe Testamen Sofon Mwichefen—me pwan—pokiten use tongeni usap pwarata ekkei pisekin pwarata ren ewe pekin niwinsefanito. Seni ekkewe aewin mettoch a fen fis, ai nuku a tori ngerou—engon ngerou?—ekkoch pisekin pwarata minne sia kapas ussun ikenai pwe mi ennet. Ina ren uwa pwapwa iei ne fiti chiechiei won ewe aanen Jerusalem, minne nouwei a kisikisino ne koon:

Non iten Jises Kraist, amen.