Eis Mwe Sang Lal

Sang mwe sang el facsin etweyuck se ma puhsralah kwewa ohiyen moul luhn mwet, un mwet, ac yac tausin. Ke lusen pacl, mwet uh sang mwe sang nuh sin sie sin sie in ahkkweye inmahsrlo, ahkkahlwemye luhngse ac srui, ac markiyac toeni yohk srihpac oacna macruht, puhte, ac aluhte. Tuhsruhk tiac mwet uh muhkwena God el oraclah in sang mwe sang nuh sin sie sin sie! Inmahsrlon mwe ahkuhtweyucki puhs ma kuht kuh in srihsrngiyac, penguins eltahl eteyuck ke pebbles saromrom eltahl sang nuhsin suc elos luhngse yohk, ac bonobos (cousin luhn chimpanzee) sang fukun sahk in ahkyohkyac un kawuck lalos.

Mwe sang fuhkah kom sang? Motko sie pacl ma kom konwacack—kuh oraclah—mwe sang wo emet se nuh sin mwet se kom luhngse. Kom etuh na lah mwe sang sac pwacyena lah pa mwet sacok se inge luhngse ac sie ma elos ac sohkihn. Meac mwe sang se inge? Ma nuh sin ninac kiom? kawuk ? tulik nuhtuhm? teacher se? papa mahtuh tomom? Fuhkah puhla lom ke kom konwacack mwe sang se inge? Meac kom puhla ke kom nuhnkuh ke mwet se kom luhngse inge e ikucs mwe sang sac uh? Oacpacna, ke mwe se e usot mwe sang se lom mwe sang wowo se emet, ac fuhkah puhla ke kom eis ac?

Ke nga sahp yac itkosr matwac, muhta yohrohl ninac pahpah fin acn Arabia, petsac ke tuhlihk sihsrihk pahngpahng Chitty Chitty Bang Bang tuh ikacklah kuh in liyeyuck. Film se inge ma ke stosah mwenmwen soko ma kuh in sifacna kahsruhsr, pahtpaht fin kof, ac finne in sohksohk! Nga etuh lah ke acn sihk England eltahl oraclah stosah tohe srihsrihk oacna Chitty Chitty Bang Bang, ac oh, fuhkah nga ke nuhtihk soko! Kom kuh in ulyac lever se, na poun stosah tohe soko ah ikackwelihk! Pahpah tuhmuhk ac som ke sie fahsr ke orekma nuh England ac siyuck lah nga luhngse elan tu use sie ma ah luhk ke elac fohlohk uh, nga fahk nuh sel lah nga ke in oasr nuhtihk soko stosah Chitty Chitty Bang Bang ah.

El fohlohk ke fahsr se lal ah, ac wacngihn stosah el us. Nga tuh arulacna suhpwacr ac nuhnkuh muh sahp el muhlkuhnlah. Tuhsruhk, ac lwen 10 tohkoh pa puhtte luhk uh, ac ap se nukumyucklac arulacna kahto, oan saneyuc. Rahrahlac, tiac arlac elyah in finsrak yohklac, nga ikacslah mwe sang sac ac konwacack stosah nuhtihk ac. Nga tuh arulacna enganwack suc nga tuhngyak. Nga ul lever sac na paho ah ikackwelihk, oacna stosah ke film sac! Fuhkah nga kuloh nuh sin pahpah tuhmuhk ah ke mwe sang sacohk emet se inge. Nga sritaclkihn stosah soko ah ke yac ac liacacng nuhke yac pucspucs. Nga motko muh pahpah tuhmuhk ah luhngse use stosah soko ah nuh sihk oacpacna ke nga luhngse eis ac.

Kuht kuh in nuhnkuh ke sang mwe sang oacna asr ip tolu kac:

1. Ke sang luhn mwe sang, mwet sang inge sulaclah, oraclah, kuh ahkolah mwe sang ac uslah nuh sin mwet eltahl luhngse. Yohk nuhnkeyac nuhnak luhn mwet se oruh sang se inge in ma oasr kamleyac se.

2. Ke lwelah ac ikacslah luhn mwe sang, ke mwet ma sruokyac eis sin mwet sang, kwacna kahlwem ke lut, kaksak, ac enganwack met liki ikacslah, tuhlahlah kapihr ac tuhlweyac ap sac in konwacack lah mwe sang fuhkah se.

3. Na pacye sahp ip yohk srihpac se emet pa eis mwe sang sac. In eis sie mwe sang ma ituckyang ke pwacye el arulacna yohk likina lwelah na ikacslah. El yohk liki, finne, in etuh molin mwe sang sac ac ahkkahlwemye srui nuh sin mwet oruh sang sac. In eis na pwacye sie mwe sang, kuht sruokyac sohkihn nuh sesr sifacna,fihliac in orekmakihn nohfohn in moul lasr, ac esam in fahk kuloh nuh sin mwet oraclah sang sac.

Me sang ituckuh tena me ahkfal tuhsruhk el suwoswos ac oasr kahlmea yohk lihki na kuht ikaslah me sang se. In eis pa in srui ac oracni nuh sie kwewana mwe sang sac ac insiacn mwet sang sac ke sie inkacnek ma ahkfokokoye kuhpwahsr inmahsrlon mwet sang ac mwet eis. Nuhnkuh ke stosah tohe soko nga luhngse na pwacye use mwe acsmakihn sacohk, ke nga sulpac puhla luhngse yohk luhn pahpah tuhmuhk ac oaru lal nuh sihk, fahkwack ke mwe sang sac.

Pahpah Tuhmwasr Inkuhsrao El ahkolah mwe sang puhs in kahklah nuh fin kais sie sesr, tuhlihk sacoklacna Nahtuhl. Ma inge kahklah yurin Mwet Sang Kahsruhplacna lasr oacna sie unohn in kof yen mwesis liki inse pahkotwen Lal. “Mwe sang wowo ac suwohs nuhkwewa ma lucng me, ac tuhkuh nuh ten sin Pahpah tuhmwacn kahlwem.” Wuhlweacng lasr yurin Pahpah, El na pa Mwet Sang sac ac kuht pa mwet in eis puhsisacl sac.

Tuhsruhk wacngihn ma kuht kuh in eis fin te ke mwe sang se ma yohk liki nuhkwewa luhn Pahpah, Lamb sacohk nahtuhl, Wen Nahtuhl Jisus Kraist. Mwe sang nuhkwewa luhn Pahpah tuhkuh kac ac ahkkahlwemye kena kisackuhnlah luhn Mwet Lahngo in Gethsemane ac fin sahksin soko ah, ac kuhtanglah ke Moulyak Lal. Jisus Kraist, Mwet in Molwelah pahkoten lasr, pa mwe sang yohk se emet sin Pahpah tuhmwacn kahlwem. “Ke mwe sang se ke Wen nahtuhl ma God el ahkolah [nuh sesr] ke inkacnek wolacna se emet.”

Nuh sihk oasr sie mwe sang fohnlah luhn ma pwacye suc ahkkeye kuhiyacsr in eis ma nuhkwewa ma Pahpah El kena use nuh sesr wi pac—mwe sang luhn etacack, fin kuht ikacslah insiacsr nohfohn in es ac sruokyac, in motko suk ma engan ac ma upac ke moul se inge ac nuh ke siyuck sona toplac lasr uh: Kuht tuhlihk nuhtin God na pwacye Ma pwacye el askuhlacna! Kahtolacna! Ac payena tena kuniyukyak.

Nunkuhlah kom tuhfwana long ma inge pacl se emet lohm! Pwacyena kom pa tuhlihk muhtwacn sacohk se Nahtuhl. Pwacyena kom pa tuhlihk mukul sacok se Nahtuhl. Ac inkacnek soko kom oasr kac ingan pa plwacn Lal, plwacn in engan. Wi luhngse yohklana Lal, El ete kuht met liki kuht tuhku nu fwalu ac ma nuhkewa ma kuht puhlahkihn ke moul lasr fwalu, ac El kuhlahnglana in ahkiyaci inkacnek lasr lutu pacl e nuhkewa. Ac, fuhkah El kena in sie lwen kom in fohlohk nuh Yohrohl, in eis srihpac sahflah ke mwe sang askuhlacna Lal, moul ma pahtpaht Yohrohl.

Kihsen siyuck se inge tiac kalmac pa mwe sang pwacye se inge pwacye tuhsruhktuh lah kuht fah konwacack ac eis. Mwe sang sac ukwuiyucklac tari nuh facsr sin Pahpah. Molin mwe sang sac moliyucklac tari sin Mwet Lahngo. Tuhsruhk fin lutiyuck kom tari ke ma pwacye se inge ke lusen yac, sahp nuhnak wolacna kac eflah ke pacl loes somlah ac kom tilac puhla kuh ac mislac kac.

Tuhsruhk fin mwe sang wacngihn molo luhn Mwet Lahngo—ac ma wo nuhkwewa, mislac, ac finsrak ma tuhkuh Sel me—fihliyucki tiac oacwac, tiac ikacklah, ac tiac utuckuh, wacngihn srihpac nuh sesr! Fuhkah luhpan suhpwacr luhn Mwet Sang sac! “Meac kapwack luhn sie mwet fin mwe sang se ituckyang nuh sel, ac el tiacna eis mwe sang sac? Liye, el tiac engankihn mwe sang ituckyang nuh sel uh, el tiac pacna engan sin mwet se ma kihte mwe sang uh.”

Nga suli kom in eis fin te pacl se met, kuh nuhke sie ma yohk likina met ah, wolacna in liyeyuck lah pwacyena kom tuhlihk nuhtin God. Kom enenuh in tuhlahlah mwe kapihr sac, seyac pwepuh sang nukum ac, ikacslah pohk sac, ac eis na pwacye ke mongfihsrwacsr sruikihn sie ma pwacye, etuh na pwacye ke pwelucng suwohs se inge. Nguhn Muhtahl kuh in fwahkack nuh sum lah kowos tulihk kuloh nuhtin Suc Fuhlatlana.

Pacl se kom welcomiyac oiyac pacye se inge nuke moul lom ac puhlakihn kewana mislac ac engan kac, mukwikwi lom eklac! Kom kuh in puhla luhngse Lal, lohng Puhsracl, ac akihlen Pahol, tiac elyah lah meac sikyak, kuh meac tiacna sikyak in moul lom. Kom kuh in ekuhlah tuni lom nuh sum sifacna ac nuh sin mwet sahyac. Olelah lohm nusin Leum el fokokoi, ac ke me liyeyuck kahlwem ke mwe sang wolacna se inge, moul lasr kuh in saromrom, kahto, ac oasr finsrahk.

Nuhnak muhnahs, kom kuh in pruhe in kahlwem fin pwacye kom eis etack se inge loal nuh in nguhnum? Kom kuh in nuhnak muhnahs insese nuhke mwe sang se inge? Kom kuh in oruh ma uh ke insiom, ke sukohsohk, ac in puhs liki na kom oruh met—ac ke kom oruh e kahklah kewa mwe sang sahyac ma wi ingacn?

Sahp kom oana motko, “Meac nga kuh in oruh in eis me sang se inge sel God?” Koal, aok, wangin. Mwe sang se yurin Mwet Use. Ma na pacye se. Ikacslah in utyak. Kom tuhlihk Nahtuhl. Kom pa luhngse Lal. Nimet ahkfohsyeack. Nimet kosrwaclah in eis mwe sang se inge ke nuhnak ma sahp kom suhfal nuhkac. Ma pwacye uh pa, wacngihn sie sesr “falkihn”—mwe sang nuhkwewa luhn Pahpah utuckuh ke ohiyac wo, ac pahkotwen, ac luhng kuhlwacng luhn Messiah Muhtahl, tuhsruhk fuhkah El nuhnkuh ke kais sie tuhlihk Nahtuhl in esaclos! Koal, ke kalem sasuc sun kom, engan ac sang kulo nusin Met Sang ke sang se inge.

Ke nga sokwack luhlahlfohngi luhk apkuran nuh ke yac 20s, muhtuhk ikachklah in lohacng lah nga tulihk nuhtin God. Ke nga lihksreni kapsreni mwe sang se inge, nga kahlemyak lah suc nga uh ac oasr mwet luhngse nga na upac. Kuhtuh ma sikyak kasreyuc kapkapack in kahlwem pa kahs ke ma suhmuhslah, mwe sang ke pactriarch luhk, ahkfuhlwact tempuhl, kuhlwacnsuhpuh mwe sahyac, sang kuloh, ac pruhe muhtahl nuh sin Pahpah tuhmuhk. Nga nuhnkuh ke mwe ahsor luhk met ah, ngal, ac suhpwacr luhn moul se inge kuh in eklac ac akwoyeyucklac nga fuhnuh sa etuh ke ma pwacye askuhlacna se inge.

Moroni el sapkihn nuh sesr “in tiac lahfwekihn mwe sang luhn God,” tuhsruhk in “tuhkuh nuh yurun Kraist, ac sruokyac mwe sang wo nuhkwewa.” Kom kuh in tuhkuh nuh yurin Kraist ke luhlahlfongi ke luhngse pahkotwen Lal ac eis ke mwe sang nuhkewa Lal ke engan, mislac, finsrak, kahlwem, ma pwacye, fwackyuck, etwacack, ac lahlmwetmwet—ke insifom nget nuh lucng, poum ahsrweyucklac, ac poum ikacklah ahkolah in eis. Kom kuh in eis mwe sang inge mweyen kom sruokyucki ac akwucki ke etwacack lah kom tuhlihk muhtwacn sacohk se nuhtin God, kom mukul sacohk se nuhtin God, ac El sot mwe sang se nuh sum ke Wen wolacna Nahtuhl in moli kom lac, ahksukohsohkye kom lac, ahknwacsnwacsye kom lac.

Kom pa tuhlihk nuhtin God. On kahto soko inge tiac onkihnyuck muhkena. Kom kuh in insese, ikacslah, ac eis mwe sang in etacack ac kahlwem se Yohrohl inge? Kom kuh in sruokyac fokoko nuh sum oacna mwe sang sacohk se? In sifil eis mwe sang se inge, kuh sahp eis pacl se emet, ac lwelah in ekuhllah ohiyac nuhkwewa in moul lom an. Pa inge inkacnek se ma wo emet God el ahkolah nuh sum ke mwe sang luhn Wen Nahtuhl. Tuh kowos in kuh in engan! Ke inen Jisus Kraist, amen.