Pacl in Fohlohkihnyuckyak Luhn Ma Nuhkwewa

Akwucki luhn Aluh luhn Jisus Kraist luhn Mwet Luhlahlfongi ke Lwen-sahflah pa yohk emet ke tahklac luhn ma usnguck sikyak uh. Ma se emet ke ma sikyak inge tuhkuh ke yac 10 met liki fin acn New York.

Ke spring ke 1820, mukul fuhsr se inel pa Joseph Smith el tuh som nuh in imac sisken lohm sel in pruhe. Oasr kihsen siyuck lal ke molelah luhn nguhnal, ac el kena suk “in etuh lah piac kac alu pwacye, elan muh etuh lah piac ma elac wi uh.” Joseph el luhlahlfongi muh God elah topuk pruhe lal ac kohlohl.

Esam lah Joseph el tena pruhe in etuh ma pacye. Tuhsruhk, el pruhe in etuh lah meac pwacye elan muh oruh ma pwacye. Joseph el sihyuck ke luhlahlfongi ac el oruh fal nuh ke top el eis.

“In [topuk] nuhke pruhe puhsisacl lal, God Pahpah ac Wen Nahtuhl, Jisus Kraist, sikyang nuh sel Joseph ac muhtacwacaack ‘aksasucyeyuck ma nuhkwewa’ (Orekma 3:21 oacna ma sruhmuhnyuck ke Bible ah. Ke aruhruhma se inge, el lotwelah lah tukun misac luhn Mwet Sap Singucul Luo emet ah, Alu ke Wuhlweacng Sasuc luhn Kraist tuhlac liki facluh.” Joseph Smith pa mwet kahsruh se ma e sifil fohlohkohnwack mwe luti, wal, ac wuhlweacng ac akwuck ke Alu luhn Mwet Lahngo.

Joseph el fahk lah el liye Mwet luo, suc kahlwemiyac ac wolacnaiyac ah ahluhkwelah ma kuh in ahkuhtweyucki kac uh, tulac lucng luhkwel yen engyeng uh. Sie selos sramsram nuh sel Joseph, pahngon inel ac fahk, srihsrngiyac mwet se sahyac ah—Pa inge Wen Kuloh Nuhtihk. Porongel!

Ke aruhruhma se inge ac ma usrnguck tahklac sahyac, Joseph Smith el akihlacnwack lah God ac Jisus Kraist etacl oacna sie mwet, elyah ke molwelah wacngihn sahflahiyac lal, ac ahkolah kunohkohn se elan oruh. El oacyacpac lotelah mwe lutlut yohk srihpac ke ohiyac, atac, ac wolacnaiyen Godhead—ac lah Pahpah ac Wen elos Mwet luo ac fahsrelihk. Jisus Kraist el Wen nuhtin God ke nguhn ac mahno.

Joseph Smith el fahkwack lah Pahpah Inkuhsrao ac Jisus Kraist elos mwet kuh in puhla ma uh. El fahk lah oasr ikwoac ac sri kacl Pahpah oacna mwet uh, oacpacna Wen nahtuhl; tuhsruhk wacngihn mahno in ikoac ac sri luhn Nguhn Muhtahl, tuhsruhk el Nguhn in luhman mwet se.”

Nga fwahkwack lah muhtwacta se lal Pahpah ac Wen nuh yohrohl Joseph Smith ah pa muhtacwaciyen ma sikyak ke fohlohkyak luhn ma nuhkwewa ma sruhmuhnyuck sin mwet pahluh muhtahl e ke na muhtacwacackiacn facluh ah.”

Ma ahk luo yohk srihpac se ma sikyak ma kohllah pacna nuh ke akwucki luhn Alu fohlohkyak luhn Mwet Lahngo pa lwenglah ac tuhkuh luhn Puk luhn Mormon.

Kuht tahfwelah in ahklohye lah tuh ituckyang nuh sel Joseph Smith mwe sang ac kuh luhn God in luhngaslah ma sihmlac ke pacl mahtuh omeet ah: Puk luhn Mormon—Siepac Wuhlweacng ke Jisus Kraist. … Sra puk ke ma sihmlac muhtahl se inge weacng sie sramsram ke orekma luhn Jisus Kraist inmahsrlon mwet ke Western Hemisphere tiac paht tukun Sifilpac Moulyak Lal. [Puk luhn Mormon] luti srihpac luhn moul uh ac ahkuhtweyac mwe luti luhn Kraist, suc yohk srihpac nuh ke srihpac sacn. Oacna sie pac ma suhmuhslah ma weacng Bible, Puk luhn Mormon fahkwack lah mwet nuhkwewa pa wen ac acn nuhtin Pahpah luhngkuhlwacng Inkuhsrao, lah oasr plwacn muhtahl Lal nuh ke moul lasr uh, ac lah Wen Nahtuhl, Jisus Kraist, El sramsram misenge oacna ke pacl mahtuh omeet ah.”

Ekihn mempucr ke Alu fohlohkyak luhn Mwet Lahngo, “Kuht luhlahlfongi ke Bible muh kahs luhn God fin lwenglah pwacye; kuht oacyacpac luhlahlfongi muh Puk luhn Mormon el kahs luhn God.“ Puk luhn Mormon Siepac Wuhlweacng ke Jisus Kraist, ahkpwacyei ma pwacye ke Pwacpuhl, ac fohlohkunwacng ma kahlwem ac sacohk ma itucklac liki Pwacpuhl.

Alu luhn Jisus Kraist luhn Mwet Luhlahlfongi ke Lwen-sahflah luti lah Alu na pwacye sac akwucki sin Mwet Lahngo, ke wal, mwe luti, ac wuhlweacng ac akwuck muhtahl, tuhlac liki facluh. Oacna ipin palye ke fohlohkyak luhn ma nuhkewa ke lwen sahflah, mwet pahluh ke pacl met ah ac mwet sap met ah sifacna fihliac facl Joseph Smith wal luhn pristut ac sang ki luhn pristut nuh sel. Pa inge ma usrguck se ahktolu ma sikyak ah ma kohllah pacna nuh ke akwucki luhn Alu fohlohkyak luhn Mwet Lahngo.

Wal luhn pristut lwelah mwet kuhlwacnsap luhn God in “ [Aholuhl] ac orekma ke Inel.” “Pristut ki pa wal se ma kol orekma luhn pristut nuh sin tuhlihk nuhtin God.”

Ye kolyuck luhn Pahpah ac Wen, John Baptist suc sifilpac moulyak el fohlohkohnwack, ke 1829, wal in pacptaislac ke tili otyak nuh ke iyucklac luhn ma koluk. Ke yac se pacna, tolu sin Mwet Sap Singucul Luo emet ah—Peter, James, ac John—elos fohlohkohnwack un mwet sap ac ki ke wal luhn pristut.

Yac ohnkohsr tukun akwucki luhn Alu uh, ke Tempuhl Kirtland, Moses, Elias, ac Elijah sang nuh sel Joseph wal pac sahyac in ahkfahsrye orekma luhn God ke lwen sahflah inge.

Moses el sang ki ke fahsrweni luhn Israel.

Elias el ahkmuhsraelah fihl ke wosasuc lal Abraham, wi pacna fohlohkyak luhn wuhlweacng lal Abraham.

Elijah el akmuhsraelah ki ke kuh luhn sil, sang wal in lwelah elan oruh akwuck fin facluh ma kapihri inkuhsrao, pa nuhke oracni sucu ma pahtpaht ma som ahluhkwelah misac.

Ke Joseph Smith el luhngas Puk luhn Mormon, el eis fackyuck ahkahlwemye lah Alu luhn Jisus Kraist e sifil akwucki. Tuhsruhk Leum el fahk nuh sel Joseph elan tiac akiyac ingena Alu Lal. Ne ohinge, “ke nguhn luhn palye ac fwackyuck” Leum El ahkahlwemye nuh sel Joseph “ke lwen se pakiyucki tari … [el] enenuh in muhtwacwacack akiac Alu Lal in [sulpac] fohlohkihnyuckyak nuh fin facluh.”

Alu uh tuh akwucki tahklac fal tukun na fohlohkyak luhn pristut ac tuhkuh luhn Puk luhn Mormon. Kapi se emet ke Puk luhn Mormon kuh in liyeyuck ke March 26, 1830, ac Alu uh tuh akwucki ke April 6.

“Alu luhn Jisus Kraist luhn Mwet Luhlahlfongi ke Lwen-sahflah … pa Alu fohlohkyak ke Wuhlweacng Sasuc luhn Kraist. Alu se inge akwucki ke moul suwohswohs ke yot insroasrihk la, Jisus Kraist, ac Iwaclah ma pahtpaht ac Sifilpac Moulyak Lal. Jisus Kraist El sifilpac pahngon Mwet Sap ac sang nuh selos wal luhn pristut. El suli kuht nohfohn in tuhkuh nuh Yohrohl ac Alu Lal, in eis Nguhn Muhtahl, akwuck luhn molwelah, ac in eis kuhtanglah.”

Sikyak lal Pahpah ac Wen nuh sel Joseph Smith, lenglah ac tuhkuh luhn Puk luhn Mormon, ac fohlohkyak luhn wal ac ki ke pristut elos ma enenuh in ahfahsryeyuck meet liki akwucki Alu fohlohkyak luhn Leum, yac 195 somlah misenge.

Ke Wuhlweacng Mahtuh, mwet pahluh Daniel el luhngaslah meme se ke yot se ma ipiplac liki finohl uh ke wacngihn luhn paho ac afuhnlah facluh nohfohn. Yac se tukun akwucki luhn Alu uh, Leum El ahkuhtweyac nuh sel Joseph Smith lah ki ke tohkohsrahi luhn God ac sifilpacna “ituckyang nuh sin mwet fin facluh ac wosasuc [luhn Jisus Kraist fah] ipip nuh met nuh ke sahflahiyen facluh, oacna yot se ma sihpsihplac liki finohl uh ke wacngihn luhn paho.”

Nga fahkwack: Leum el ahfalye olwelah Lal. Alu fohlohkyak luhn Leum el sifilpacna akwucki fin facluh nohfohn ac el pa kuhfwen mwe orekma se suc God el fah “orwacni ma nuhkwewa nuh sie in Kraist, kwewana ma in kuhsrao, ac ma suc oan facluh; finne nuh kacl.”

Orekma luhn Leum ke lwen sahflah “pa sie srihpac ma ahkpwacrye mwet luhn God ke matwac nuhkwewa; pa sie sifac ma mwet pahluh, prist ac tohkohsrah pwacr in motko kac; elos ngwetlah tuhpan ke engan in sano nuh ke pacl ma kuht moul kac inge; ac fucsrfucsryak ke engan yohk ma elos onkihn ac suhmuhslah ac palyei ke pacl lasr inge uh.”

Ke ma yohk emet ac we sahflah luhn wosasuc nuhkwewa inge, “ fohnlah se ac toeni wolacna, ac kuhpwahsrweni luhn ma nuhkewa ke fihl, ac ki, ac kuh,ac wolacna fah sikyak, ac fah liyeyuck ke pacl lal Adam finne nuh misenge. Ac tiac pa inge muhkwena, tuhsruhk ma suc tiac liyeyuck ke muhtwacwackiyen facluh …ac fah sikyak …ma se inge, fihl sahflah se ke fohnlah luhn pacl uh.”

Mwet pahluh Joseph el tahfwelah ahkuhtweyac, “Akwuck ac kunohkohn nuhkewa ma eneneyuck in oreklac sin Pristut, ye kohkoh ac masap luhn Fuhlactlacna ke oacna sie fihl, fah nohfohna oasri ke we sahflah, … in fohlohkohnwack ma Mwet Pahluh Muhtahl nuhkwewa sruhmuhn.”

Nga srihke nga in ahkfototoyelah in kahlwem ma yohk srihpac ac wolacna ke “pweng wowo” ma oacna sie mwet ke oacna sie acn fin facluh kuh in eis—pweng se ma Leum Jisus Kraist El fohlohkohnwack wosasuc ac Alu Lal ke lwen sahflah.

Nga suli nuhkwewa in lutlut kac ac ahkpwacyei pweng se inge. Nga olwelah lah kais sie “suc pruhe ac lutlut ke pweng luhn Fohlohkihnyuckyak ac orekma ke luhlahlfongi ac fah ahkinsewowoyeyuck in eis mwe loh lalos sifacna ke muhtahliyac ac srihpac in ahkolah facluh nuh ke olwelah luhn Tuhkuh Ahkluo luhn Leum ac Mwet Lahngo lasr, Jisus Kraist.” Ke kowos sang insiowos in pruhe in etuh in eis ac oruh top sin God, oacna Joseph Smith ke el fuhsr ah, etwacack lom in akihlen ac topuk pwacyeiyacn pweng se ingacn ac yohkelihk.

Nga fahkwack lah God, Pahpah Ma Pahtpaht, pa Pahpah tuhmwacsr. Nga fahkwack loh luhk lah Jisus Kraist el pa Wen Kuloh nuhtin God ac Wen Kuloh Sefanna ke mahno. El pa Mwet Lahngo ac Mwet in Molwelah lasr.

Ac nga oacyacpac lohoh lah Pahpah ac Wen Elos sikyang nuh sin tuhlihk mukul se Joseph Smith, ac muhtwacwacack Fohlohkohnwack wosasuc luhn Jisus Kraist ke lwen sahflah. Puk luhn Mormon siepac wuhlweacng luhn Jisus Kraist ac nwacnwack kahs luhn God. Pristut ki ahol Mwet Lahngo ac orekma ke Inel sukokyak fin facluh. Ac Alu luhn Jisus Kraist luhn Mwet Luhlahlfongi ke Lwen-sahflah pa Alu ke Wuhlweacng Sasuc luhn Kraist ma fohlohkihnyuckyak. Nga engan in lohoh ke pwacyeiyacn ma inge kewa ke ine muhtahl luhn Leum Jisus Kraist, amen.