An Ye Muhtahsr

Tamuhlwel ac tahmtahel, nga srui in wi kowos. Kuht luhngse kom, kuht kaksakihn kom, ac kuht puhla insewowo ke pruhe lom.

Prestuhn Russell M. Nelson el fahk ke toeni luhlahp sahflah lasr ah: “Yac kuht tiac liye ma sikyak ye muhtahsr inge? Nga pruhe tuh kuht in tiac wacngihn ke wolacna luhn pacl se inge! Pwacyena Leum el ahkfahsrye orekma Lal uh.”

Salkweack orekma Lal. “Salkweack” el kahs yohk srihpac se. Kalmac pa in oruh in sa, pihsrpishr, ac finne elyaheack. Ke kapwack luhn Alu ac plwacn luhn Kraist, sikyak salweack. Ac kuht kwewa ip kac.

Ke Eprel 1834, fin acn Kirtland, Ohio, Mwet Pahluh Joseph Smith el oracni kewa suc sruok pristut nuh ke iwen lohm lutlut srihsrihk se sahp square feet 14 (4.3 m). Kuht kuh in fihliac lohm lutlut ekahsr ingacn nuh lun Conference Center, oasr rum mwesahs. Joseph Smith el fahk, “Suhpuhs Pristut kom liye oyekuh, tuhsruhk Alu se inge e fah nwacklah North ac South America—e nwacklah facluh.”

Palye se ingacn fohnlah “an ye muhtahsr.” Alu luhn Jisus Kraist luhn Mwet Luhlahlfongi ke Lwen-sahflah kapwack ke mempucr, ac sucu, misin, ac misinacri, nien toeni, ac tempuhl, ac pihsen mwet wi seminary, institute, ac university fin facluh.

Kuht kulohkihn oasr lasr facl se inge ma Alu uh kapwack ke pihsac ac ma wo, tuh yohk liki nuhkwewa sikyak nuh ke moul ac insien mempucr. Kuht ewteyuck muh mwet tuhma lultlut lal Jisus Kraist. Kuht akacsruhi ke luhlahlfongi kuh lasr Kacl, ke ohiyac Lal, ac ke inkacnek in wuhlweacng Lal. Kuht mwet Lal, ac El pa Mwet Lahngo lasr.

Nga fwefwelac ke ma Prestuhn el pahngon “wolacna luhn pacl se inge” ac fahkwack kaksak yohk lal nuh sin Leum ke orekma Lal. Nga kwacfe kuht in tu na kuh ekihn mwet tuhma lutlut Lal, mwet loh in liye fohnlah luhn ma palyeiyuck, kewana nuh ke pacl met ah ac misenge.

Oasr mwet ahkkolukye suc wowoyak, “‘Nget, nuh inse!’ and … ‘ngwet, nuh insoh!’” oacna ke elos oruh ke pacl lal Mwet Pahluh Joseph Smith ah. Ne ohinge, elos ac fah wacngihn srihpac nuhke orekma usrnguck se inge. Esam kahs lal Joseph Smith: “Wacngihn paho fohkfohk kuh in tulokihnyac orekma se inge; puhs mwe puhrakwack, … tuhsruhk ma pwacye luhn God fah fahsr nuh met ke kuh, pwacye, ac sukohsohk, ne ke oasri in acn nuhkwewa, fanyak finohl nuhkwewa, fahsr ke muhtuhn facl nuhkwewa, ac lohngyuck ke insrac nuhkwewa nuh ke na srihpac luhn God uh ahkfalyeyucklac, ac Jehovah Kuhlacna El fah fahk lah orekma uh sahflah.”

Kunohkohn luhk ke yac inge, tuh oasr siah se luhk ke tahk soko emet nuh sin Leum in salkweack orekma Lal. Alu uh muhsahi tempuhl pihsrpishr, sang inkacnek nuh sin mempucr in alu in lohm sin Leum. Ahkluo, orekma luhn misineri el orwacni pihsac sihmlac nuhke u luhn Sheperd Wowo, Jisus Kraist. Ac ahktolu, lutlut ke Alu uh ke kain in ohiyac pucspucs el oasr e luhng ke lutlut nuh selos ma “suk Jisus se inge.”

Misenge oasr tempuhl 367 luhn Alu uh ke kain in atac, muhsah, kuh ma orek. Ac ma nuh ke srihpac fuhkah? Top nuhkac an sihmlac kahlwem ke kais sie tempuhl inge: “Muhtahl nuh sin Leum.” Tempuhl ikacslah ikacnek nuh ke mwe insewowo sahflah fuhlact se ma Pahpah tuhmasr Inkuhsrao ahkolah nuh sesr kais sie. Tamuhlwel ac tahmtahel, kuht salkweack muhtahl ke kuht moulkihn nwacsnwacs luhn tempuhl, ke kuht alu in lohm sin Leum, ac ke kuht orek wuhlweang yurin God ac nuh sesr sifacna ac nuhke mwet lasr ke lwacyen se sahyac ke lihsrlihsr sac.

Prestuhn Nelson el fahk: “Mwe ahkkoluk luhn mwet lain se yohkwelihk, ke kuh ac kain in ma puhkantwen. Enenuh lasr in oasr lun tempuhl ke pacl nuhkewa arulacna yohk srihpac. Nga kwacfe kowos in pruhe ac liye lah kowos orekmakihn fuhkah pacl lowos an.” Lun lohm sin Leum, kuht kuh in puhla wolacna ke oasr luhn Leum ac mislac muhtahl.

Yac tari ac, nga srui ke utuckuh nga kol kihsaclah ke Mendoza Argentina Tempuhl. Ke pweng se luhk ah, nga elakihn palye lal Elder Melvin J. Ballard ke yac 1926 el fahkack lah orekma luhn Leum ac kahkahsrihk kap fin acn South America, “oacna sahk luhlahp soko kahkahsrihk kap ke fihtac se. E tiac fahrngelihk ke lwen se,” tuhsruhk tausin ac fah welah Alu uh, ac muhtuhnfacl South America fah eklac “kuh se lun Alu uh.” Nga liye palye sac ahkpwacyeiyuck an ye muhtuhk.

Mendoza, fihtac srihsrihk se met, eklac soko sahk luhlahp. Kapwack se ingacn sulpac orek ke muhtuhnfacl luhlahp sahyac ac tuhka ke meoa uh.

Kuht liye Leum El salkweack orekma Lal ke misin. Ke 2024, 80,000 misinacri kuhlwacnsap ke misin 450. Tolngoul-ohnkohsr selos misin sasuc. Yac tari ah orekma luhn misineri oracni mempucr sasuc 308,000nuh ke Alu uh. Puhs liki nempuh, nguhn oracni insiacn mwet nuh sin Jisus Kraist ac wosasuc Lal.

Nga motko kacl Mwet Sap Brigham Young ac Heber C. Kimball, ke 1839 elos misineri nuh British Isles. Elos muhnahs; elos som sislah sucu mas ac muhkahimtacl lalos. Ne ohinge, mwet luo inge fanyak nuh ke wagon ah, ac elos srackna kuh in liye mwet kacto sucu lalos, Herber el fahk, “Kuht mayak ac kahluhkluhk nuh seltahl.” Mwet luo ah srihke in tuyak ke niacltahl ac salah, “Hurrah, hurrah nuh Israel.”

Nga liye kain pangyak se pacna ke orekma luhn Leum fin acn Lima, Peru, ke nga tuh ohsun yurin misineri ke missionary training center ac misin fin acn Lima. Wolacna in liye! Nga liye salkweack an ye muhtuhk. Ingena oasr misin itkohsr fin acn Lima.

Ke sahflahiyen toeni lasr, misineri ah oraclah ohiyac se nga fwefwelac kac. Elos tuyak ac kahluhkluhk, “Hurrah nuh Israel.” Nga tiac kuh in muhlkuhnlah pacl sacn; nga ke kowos in wi liye. An ye muhtuhk misineri suc pihlacsrelah “ma luhn facluh” in kuhlwacnsuhpuh Leum ac kahsruh salkweack tuhkuh Lal.

Kuht liye Leum El salkweack etacack ke lutlut nuh sin mempucr ac oacyacpac mwet tiac mempucr fin facluh. Sie ma eteyuck kuht kac ke alu lasr uh pa ahkuhtweyac lasr ke lutlut. Leum El sapkihn ke pacl in Fohlohkyak ah in suk etacack, fine ke stuhti ac ke luhlahlfongi. Sikyak ma ingacn misenge ac wolacna in lohng “Hurrah.”

Ingena puhs liki tuhlihk lutlut 800,000 fin facluh sroacng wi seminary ac institute, pihsac luhlahp se weacng ma mahtuh luhn Alu uh. Tuhlihk fuhsr inge tuhkweni ke kain in inkacnek, tang na ke litutacng, infulwen lwen, ac finne online kuhlahs, ac muhta na lutlut lohm. Elos un mwet mweun fokoko ac suwohs, alutluti ac eis kuh yurin sie sin sie ke elos lutlut kacl Jisus Kraist, ukwe, ac fahkwack Kacl lah El Wen nuhtin God.

Fall se tari ac nga sramsram nuh sin seminary ac institute wi ninac kiaclos ac pahpah tuhmaclos ke arena se ke University of Utah. Oasr lalos fahkwack kena lalos in etuh ac ukwe Jisus Kraist. Pweng luhk nuh sin tuhlihk lutlut ingacn kahlwem: Sang pacl nuh sin Leum. Nga kahsrwelos in lihklihkiyac etacack lalos ke ma pacye, etwacack se ma sahflah, finne in stuhti ke “Wen nuhtin God moul.”

Nga oacyacpac siyuck nuh sesr kais sie misenge: Lah meac an ke to-do list, sang pacl lom, tiac pacl luhlah, nuh sin Leum ke kom sifacna lutlut ke ma suhmuhslah, sucu lac lutlutkihn Come, Follow Me{Fahsruh, Fahsr Tukuk}, pruhe, kunohkohn ke Alu, forfor luti mwet, eis sakracmacn, ahkfuhlwact tempuhl, ac motko ke ma luhn God. Leum ac Mwet Lahngo lasr El fahk, “Lutlut sik … ac kowos fah konwacack monglac nuh in ngunuwos.” Eisacl ke Kahs Lal Ac sang nuh Sel pacl.

Prestuhn Nelson el fahk, “Nga kwacfe kowos in lwelah tuh God Elan kuhtanglah in moul lowos an. Sang nuh Sel pacl lowos an. Ke kowos oruh, akihlen ma wo sikyak ke mukwikwi luhn nguhn in kom.”{

Kuht liye muhsahiyen mukwikwi kuh se ingacn ke seminary, institute, ac university ke Alu uh. Ke acn inge, Leum pa emet uh. Oruh lwelah Elan muhta in kais sie in moul lasr.

Sie pac acn ma kuht liye kapwack luhn lutlut ke Alu uh pa BYU-Pathway Fwalu Nofon. Fin facluh nohfohn, mwet sroacng wi ahluhkelah 75,000 ac srackna kap nuh lucng pihsac sacn. Inkaiyac ah mempucr, ac puhs liki sie-tahfuh tolu ma Africa. Pathway el inkacnek se nuh ke lutlut. Ahksahfyelah kuhlahs ingacn kalmac ikacklah nuhke orekma, ac ikackalh nuhke orekma kalmeyac moul wowo se nuh sin sucu ac inkacnek puhs in kuhlwacnsuhpuh Leum.

Ke nga ohsun nuh sin mwet kol luhn stek fin acn Uganda, nga etwacack lah nohfohn prestuhnsi ke stek elos wi BYU-Pathway. Fin kuht ahkwoekuhtlac ke kewana ma luhn facluh ac ma luhn nguhn, kuht ac fokoko in kuhtanglah anwuck ahkfohs luhn mwet ahkkoluk. Esam kahs lal Peter: “Devil, el oacna soko lion ngutngut, forfor sukok mwet elan kanglah.”

Nga akihlen lah infulwen nus wowo ke wosasuc uh, oasr na sesr elyah, srihfeyuck ke luhlahlfongi la, tahfuh luo, ac kihsen siyuck ma sahp wacngihn top kac. Tamuhlwel ac tahmtahel, Jisus Kraist pa top nuh kac uh. Muhtwacwacack Yohrohl Suk Pahol in moul lowos. Porongwacl “Nikmet lwelah insiom in fosrngah,” El fahk ke ao sahflah Lal nuh sin mwet tuhma lutlut Lal Gethsemane, met liki El us sahksin Lal ke inkacnek Jerusalem, met liki Golgotha, acn se ma El ahksahfyelah kihsac muhtahl Lal, ma El muhkwena, Wen Kuloh Sefanna nuhtin God, kuh in oruh.

Etuh lah El kahlwem kac. El eis nuh Facl ma koluk lasr nuhkewa, tahfonglac, ahsor, ac lwen arulacna koluk lah kuht kuh in sifil muhta yurin Pahpah tuhmasr Inkuhsrao ne tok ma pahtpaht. El fahk, “Ngwet nuh Sihk ke nuhnak nuhkwewa; tiac ahlohloh, tiac sahngweng.” Luhlahlfongi kacl Jisus Kraist kuh in sruhkkomyak ac onwelah kihnet ke nguhnum. Luhlahlfongi in El ac kom ac fah salkweack fohlohk lom nuh ke “poun luhngse Lal.”

Ngan sifil elakihn kahs luhn mwet pahluh moul: “Yac kuht tiac liye ma sikyak ye muhtahsr inge? Nga pruhe tuh kuht in tiac wacngihn ke wolacna luhn pacl se inge. Pwacyena Leum el ahkfahsrye orekma Lal uh.” Lwelah tuh kuht mwet tuhma lutlut misenge in sasa fahk, “Hurrah nuh Israel,” ke kuht ahkoh fohlohk luhn Leum ac Mwet Lahngo lasr. Ke inen Jisus Kraist, amen.