Iwaclah luhn Jisus Kraist Oraclah Molwelah Yohk se

Iwaclah luhn Jisus Kraist oraclah molwelah yohk se nuhke ma upac kuht sun ke moul se inge. Prestuhn Russell M. Nelson el srihsrngiyucwi in kihsackuhnlah Casper Wyoming Tempuhl ke sahflaiyen yac tari ac. Sie ma wowo, moklweyuckyak, ac puhlakihn nguhn. El use ngwetngwet na kahlwem se ke orekma luhn tempuhl in molwelah tuhlihk nuhtin God ke Iwaclah luhn Mwet Lahngo.

Stek se ke Casper Wyoming Tempuhl Tistrik an ke ipin acn akucli ma tuh orekmakihnyuck sin pioneer luhn Mwet Luhlahlfongi ke Lwen-sahflah inmahsrlon 1847 ac 1868. Ke ahkolah nuhke kihsackihnyucklac luhn tempuhl ah, nga sulpac riti kuhtuh sramsram mahtuh ke akucl sisken Platte River fototo nuh Casper ac fahlac nuh Salt Lake City. Akucl sac el inkacnek soko luhn mwet siofok ke tausin mwet ma tuhkuh nuh fin acn uh. Ma yohk srihpac se sihk uh pa puhs liki 60,000 Mwet Luhlahlfongi ke Lwen-sahflah ma fuhfahsryucsr ke inkacnek soko ah.

Inkaiyen pioneer ah tuhkuh ke wackohn, tuhsruhk sahp 3,000 tuhkuh ke handcart kampihni 10. Oalkosr sin handcraft kampihni inge moniyuck in oraclah fuhfahsryucsr sac nuhke sahflah ac suhpuhs mwet misac. Handcart kampihni lal Willie ac Martin ke 1856 pa tena oraclah ah.

Nga sulpac riti ma sihmlac ke Willie ac Martin handcart kampihni ke pacl se ma upac na pwacye koluk luhn weather ah. Nga lihksrweni na nuhnkuh ke ma upac eltahl sun ke fahsr sahslah liki Infacl Sweetwater, Martin Cove, Rocky Ridge, ac Rock Creek Hollow.

Infulwen Pahkah, sel Albin Veselka

Nga soenna utyak nuh lun Casper Tempuhl met liki kihsackihnyucklac. Ke nga utyak nuhke motonwoac ah, muhtuhk lihksrweni na ngetwacng nuhke sie srwoal mahtuh ke handcart simlac kac Infulwen Pahkah. Srwoal sac kahlwem lah tiacna suk in ahkuhtweyac mwe ahsor ma tuh sikyak ah. Ke nga liye ah, nga nuhnkuh, “Srwoal se inge pwacye; puhsiyen handcart pioneer ah tena puhla mwe ahsor.” Nga kuh in puhla muh ma se inge oacpacna moul luhn mwet nuhkwewa. Kuhtuh pacl uh kuht inmahsrlon pahkah ac kuhtuh pacl uh inmahsrlon puhkuhnyeng ac usrwen faht.

Heaven’s Portal, sel Jim Wilcox

Ke nga forwacng nuhke sral oreklac emet ke pihsinkac se sahyac ah, simlac kac Heaven’s Portal, Nga akihlen lah sral kahto se ke suhmuhr tuh pahngpahng “Devil’s Gate,” weacng mihs ac nwacsnwacs ke Sweetwater River sohrohr liki, fahkwack kahtoiyen ma Leum El oraclah, tiac ma upac muhkwena pioneer ah sun ke puhlan pacl in winter upac sac.

Na nga nget nuh met, nuh tukun tepuh soko, ac liye sie petsac na kahto ke Mwet Lahngo. El lihksrweni na ahkuhtweyac puhla yohk ke kaksak. Ke sie facluh yohk wolacna kac, oasr pac mwe kutong pucspucs. Ke kuht nget nuh sin Jisus Kraist, Mwet Lahngo luhn facluh, El molikuhtlah liki pahkah luhn moul ke Iwacla Lal fal nuhke plwacn luhn Pahpah.

Nuh sihk, acn in utyak sac acn in ahkolah na wowo se nuhke rum nuhke akwuck luhn tempuhl ma lwelah kuht in eis akwuck ke moul ma pahtpaht yurin God, orek olwelah muhtahl, ac in insese na pwacye ac puhlakihn mwe insewowo ke Iwaclah luhn Mwet Lahngo. Plwacn in engan luhn Pahpah el oreklac nuhke molwelah ke iwaclah luhn Mwet Lahngo.

Puhla luhn pioneer ah sang nuh sin Mwet Luhlahlfongi ke Lwen-sahflah ke sie facsin mahtuh ac sie mwet lutlut luhn nguhn ma e esamyuck na. Nuh sin kuhtuh, sun yac mwet fahsr inge puhlakihn tukun elos tuh lihsyucklac liki kwewana Missouri ac Nauvoo. Nuh sin kuhtuh, tuh mutwacwacack tukun Prestuhn Brigham Young el fackwack plwacn ke handcart ah, suc ma motkweyuck muh ac ahkfihsracsryelah kuhtuh molin fuhfahsryucsr sac. Molin handcraft ah fihsrwacsr kuhtuh molo liki wackohn ac ohksin.

Misineri se fin acn England, Millen Attwood, el fahk lah ke fwackyuck handcart ah,“El kahsruhsr oacna e fin mah paholah, ac insiacn Mwet Luhlahlfongi puhsisacl srosro ke engan ac kaksak.” Puhs selos “pruhe ac lalo lwen na lwen, fong nuhke fong, tuh in kuh in oasr wo ohiac elos in tuhkweni yurin tamuhlwel ac tahmtahel wiaclos [ke] ohl uh.”

Inkaiyen handcart luhn Mwet Luhlahlfongi puhla ma upac tuhsruhk kosrwaclah mwe ongaiyac luhlahp. Tuhsruhktuh luo sin handcart kampihni, Willie kampihni ac Martin kampihni, puhla masrinsrwacl, ac puhtatyang nuhke mihsrihsr luhn pacl uh, ac puhkantwen misac.

Inkaiyen mwet forfor inge tuhkuh ke oak liki acn Liverpool England, ke Mei 1856 sroacng nuhke oak lukwoac. Eltahl oai ke acn in muhsah handcart fin acn Iowa City ke Jun ac Julahe. Finne sensen, kwewana kampihni inge mukuiyak nuh Salt Lake Valley arulacna pahtlac ke puhlan pacl sac.

Prestuhn Brigham Young el tuh nuhnak ke ohiac na sensen luhn kampihni ekahsr ah ke Ohktopa 4, 1856. Lwen tok ah el tu ye muhtuhn Mwet Luhlahlfongi fin acn Salt Lake City ac fahk, “Puhsiyen tamuhlwel ac tahmtahel wiacsr uh oasr yen tuhpahsrpahsr wi handcart, … ac elos enenuh in utuckuh nuh inge; kuht enenuh in suhpwaclah kahsruh nuh yohrohlos … mwet liki wintihr uh tuhkuh.”

El siyuck sin pisap ah in oraclah u in ohsr 60, wackohn 12 kuh puhs liki, ac tohn 12 ke flao ac fahkwelihk, “Som ac use mwet ma oasr yen tuhpwacsrpwacsr nuh inge. ”

Toweniyucki pihsen pioneer ke Willie ac Martin handcart kampihni tuh sahp 1,100. Mwet 200 sin mwet luhlahlfongi sacohk inge tuh misac pe inkacnek uh. Fuhnuh wacngihn kahsruh oreklac ke pacl sac, sahp puhs pac mwet luhkuhn wacngihnlac.

Wintihr storm sac muhtwacwacack apkuhran in wik luo tukun kahsruh se met som Salt Lake City lac. Ma suhmuhslah yurin mwet ke Willie ac Martin kampihni sruhmuhn mwe kweok upac tukun storm sac muhtwacwacack ah. Ma suhmuhslah inge oacyacpac ahkuhtweyac engan luhlahp ke mwet in molwelah ah tuhkuh.

Ahkutweyac ke pacl se elos tuhkuh ah, Mary Hurren el fahk, “Sronin muhta kahklah nuh lihkihntuhpahn mukul, ac tuhlihk ac tacn ke engan. Ke pacl se mwet ah kuh in kutong ma elos puhla ah, elos nuhkwewa sikuck muhtuhnte ke sno ah ac sang kuloh nuh sin God.”

Lwen luo tohkoh, Willie kampihni elac fuhfahsryucsr ke acn se ma upac emet ke inkacnek soko ah, som ahluhkwelah Rocky Ridge, ke pahkah mihsrihsr se. Mwet se ma luhlah seltahl ah tiacna sun kacm sac nuhke ao 5 lututwacng tok ah. Mwet singucul tolu misac ac puckpuicki ke kuclyuck sefanna.

Ke Nohfohmpuhr 7, Willie kampihni el apkuhran nuh Salt Lake Valley, tuhsruhk lututwacng sac, oasr pac mwet tolu misac. Lwen luo tohkoh, Willie kampihni sun Salt Lake, suc orek pwacngak wolacna nuh selos ac suliyuck nuh in lohm sin Mwet Luhlahlfongi ac.

Lwen sac pacna, Martin kampihni srackna oasr ke mael 325 (523 km) ke inkacnek uh, srackna kweok ke mihsrihsr ac suhfalac luhn mongo. Lwen ekahsr met ah, eltahl ahliki Sweetwater River in sun acn se pahngpahng mihsenge Martin’s Cove, suc elos finsrak in konwacack nien wucklac liki mihsrihsr. Sie sin pioneer ah fahk, “Ahliki infacl soko ah pa koluk emet ke fuhfahsryucsr sac. ” Kuhtuh sin mwet kahsruh ah—, oacna pahpah tuhmwacn pahpah mahtuh tuhmuhk ah, David Patten Kimball, suc tuh yac 17 matwac, wi kawuck fuhsr lal, “George W. Grant, Allen Huntington, Stephen Taylor, ac Ira Nebeker— sislah ao puhs lun kof ohyohu na upac,” tiac sahngeng in kahsruh kampihni sac in tuhpalah Sweetwater.

Ke ma se sikyak inge use nuhnak yohk, ke nga etwaclah yohk ke mwet in molwelah inge, nga akihlen lah elos nuhkwewa ahkos mwet pahluh ac oruh ip kunaclos in molwelah Mwet Luhlahlfongi ma nuhkanuhloslac. Nohfohnna mwet in molwelah ah puhlaik, oacpacna mwet tuhkuh nuh fin acn uh.

Lutlut ke sramsram lalos ah, nga srui ke kuhpwahsr sacohk ac ngwetngwet pal nuh tok luhn mwet tuhkuh nuh fin acn uh inge. John ac Maria Linford ac mukul tolu nahtuhlos tuh mempucr ke Willie kampihni. John el misac ao met liki mwet in molwelah se met ah tuhkuh. El tuh fahk nuh sel Maria muh el engan lah eltahl oraclah fuhfahsryucsr sac. “Nga fah tiacna moul in sun acn Salt Lake,” el fahk, “tuhsruhk kom ac tuhlihk mukul an fah, ac nga tiacna auli ke ma nuhkwewa kuht fahfahsruh kac fin tuhlihk mukul nahtuhsr uh kuh in kapkapwack ac tuhfahlah sucu lalos uh ke acn Saion.”

Prestuhn James E. Faust el oraclah fahkwack na wowo se inge: “Ke insacneang luhn mwet pioneer puhlaik inge, kuht lotelah ma pwacye se. Nohfohnna enenuh in pahselah mwe ahknwacsnwacs se ke e, ac ma enenuh ac yohk srihpac ke moul lasr uh kuh in muhlwesrlac oacna ma sisilac ac oraclah luhlahlfongi lasr uh kahlwem, fohnlah, ac fokoko. Ac motkwoeyuck muh oasr mwe srihkasrak yohk se ke ngal, ahsor, ac kwacna inse muhsahllah nuh sin nuhkwewa, weacng elos ma srihke in oruh ma suwohs ac oaru. Ne ingena pa inge ip luhn ahknwacsnwacs in eklac etweyuck yurin God.”

Ke akwuck-ma pahtpaht Lal ke Iwaclah ac Moulyak, Mwet Lahngo El kuhnahoslah “kapihr luhn misac, eis kuhtwanglah fin misac” nuh sin nuhkwewa. Nuh suwos ma tuh auliyak ke ma koluk, El tuh “eslah nuh facl ma koluk ac tahfonglac lalos, molweloslah, ac ahkwoyelah enenuh ke nuhnuhnkuh.”

Fin wacngihn Iwaclah, kuht tiac kuh in molikuhtlac liki ma koluk ac misac. Ke ma koluk uh kuh in oraclah ohiac yohk srihpac ke ma upac kuht puhla uh, koluk luhn moul el ahkwoyeyucklac ke tahfonglac, sulaclah koluk, orekma koluk luhn mwet sahyac, ac ma puhs kuht koflah tulokihn.

Preach My Gospelluti: “Ke kuht fungyang nuh sel Jisus Kraist ac Iwaclah Lal, El kuh in kahsre kuht kuhtanglah mwe lokoalok, mas, ac kweok lasr. Kuht kuh in sesselah ke engan, mislacac ahkkweyeyuck ke kuht ahsor. Ma nuhkwewa ma suhfal nuh ke moul uh kuh in ahkpwacyeyucklac ke Iwaclah luhn Jisus Kraist.”

Ke puhlan pacl luhn Istuh, nuhnak lasr uh oan ke Mwet Lahngo ac iwaclah kihsackuhnlah Lal. Iwaclah sac use finsrak ac kahlwem ke sie pacl ma kuhtuh motko muh lohsr ac ohkohk. Prestuhn Gordon B. Hinckley el fahk, “Ke sramsram mahtuh inge kwewa ahkpwacyeiyuck, … wacngihn [ma] … wolacna oacna, arulacna fokoko, arulacna askuh oacna mukuikui luhn pahkoten.”

Nga akacsruhi ke tolu ma eneneyuck suc nga nuhnkuh tuh fal nuhke pacl lasr uh.

Ma se met, nimet ahksrihkyactwenye ma yohk srihpac ma kuht kuh in oruh in molwelah mwet sahyac liki ma upac luhn mahno ac yohkna nguhn.

Ahkluo, sang kuloh in eis Iwaclah luhn Mwet Lahngo. Kuht nuhkwewa enenuh in srihke kuhiyacsr in ahkkalwemye engan ac kaksak finne kuht puhla ma upac luhn moul. Ma kuht finsrak nuhkac uh enenuh in pa moul in finsrak nuhke lahyacn faht inkacnek uh. Nga muhta tuni kampacniacn sacohk se luhk, Mary, oruh ma se inge in moul lal nohfohn. Nga arulacna srui ke wolacnaiyacl, kahs in ahkkeye finne ke kuht puhla tihkuclkucl ke yac fohn sac.

Kahsruh se ahktolu pa in srwelah pacl se in oaru in suk na pwacye ke Iwaclah luhn Mwet Lahngo. Oasr inkacnek puhs in oruh ma se inge ke kuht sifacna tuni oreyacn alu lasr uh. Tuhsruhktuh, wi sackruhmacn miting ac eis ke kuhfa luhn Leum pwacye lah yohk srihpac.

Oacna sie yohk srihpac in som nuhke tempuhl pacl nuhkwewa fin kuh. Tempuhl uh oreklac in esamyuck pacl nuhkwewa ke Iwaclah luhn Mwet Lahngo ac ma el kuhtanglah. Na, yohk srihpac liki nuhkwewa, som nuh tempuhl lwelah nuh sesr in oruh sie moliyucklac ke nguhn nuh sin mwet misac lasr kuht luhngse ac kuhtuh pac sucu loeloes lasr.

Prestuhn Russell M. Nelson, ke kanfracns se tari ac, ahkuhtweyac ke akwuck se inge ac fahk, “Mwe inseowowo [tempuhl] … kahsruh in ahkolah sie mwet suc fah kahsruh ahkolah facluh nuhke Tuhkuh Ahkluo luhn Leum!”

Kuht enenuh in tiacna muhlkuhnlah kihsackuhnlah ac srihkasrak luhn fihl somlah ah, tuhsruhk moul in mwet mahtuh lasr, srui ac alu enenuh in som nuh sin Mwet Lahngo luhn facluh ac iwaclah kihsackuhnlah Lal. Nga fahkwack lah key nuhke pwacn in engan luhn Pahpah pa Iwaclah se tuhkuh sin Mwet Lahngo lasr, Jisus Kraist. El moul ac kol Alu Lal. Iwaclah luhn Jisus Kraist oraclah molwelah yohk se ke ma upac kuht sun ke moul se inge. Ke inen Jisus Kraist, amen.