“Mwet Nukewa Ac Fah Etu Lah Kowos Mwet Tumuk Lutlut”
Luhngse lasr nuh sin God ac tuhlihk Nahtuhl el fahkwack luhlahlfongi na fokoko se nuh fin facluh lah pwacye pa inge Alu luhn Mwet Lahngo.
Yac puhs somlah ah nga ac Harriet forfor nuh southern Germany. Ma met likina Istuh, ac kuht suli kawuck wowo se lasr, suc tiac mempucr ke Alu uh, in wi kuht ahkfuhlwact ke toeni in Sacnri. Kuht luhngse kawuck wowo se inge, oruh fihsracsr ac tiac elyah in akacsruhi nuh sel ma kuht puhla kacl Mwet Lahngo ac Alu Lal ac solwacl in tuhkuh ac liye! El ahokiyac nguhsr sac ac tuhkuh wi kuht toeni ke pracns se an fototo.
Fin oasr pacl se kom us kawuck se lom pacl se emet nuh ke alu uh, kom kuh in etuh atac se nga puhla ke litutacng in Sacnri sacn. Nga ke ma nuhkewa in wo. Kawuck se lasr inge el wi lutlut luhlahp, mwet wowo se. Nga finsrakkihn muh toeni ke pracns se inge in sang nuhnak wowo se nuh sel ac aholah wo Alu uh.
Pracns se inge toeni ke room rentiyuck ke lohm stoh tek ahk luo. Ke sun acn sac, kuht enenuh in fanyak ke step fin tukun iwac sac, pahselah folin ma keng ac mongo lin stoh sac.
Ke muhtacwacack sacracmacn, nga nuhnkuh ke kawuck se luhk inge el tuhfahna puhla wi kain se, ac oasr ma nga akihlen oruh nga mekihn kuhtuh. Fin pa nuh ke, on ah, tiac oacna puhsren Tabernacle Choir. Kuh puhsren tuhlihk wohwohn kuht kuh in lohng ke pacl in sacracmacn. Mwet sramsram ah sang kuhiyaclos, tuhsruhk elos tiac suhmaht ke sramsram ye muhtuhn mwet puhs. Nga tena puhla wo ke miting sac, finsrak muh Sacnri Skul in kuh in wo liki na.
Tuhsruhk tiac.
Litutacng na fohn sac nga elyah lah mac kawuck se lasr inge e nuhnkuh ke alu se kuht usacl nuh kac inge.
Ke tari ac, ke kuht kahsruhsr nuh lohm ah, nga tahpuhl in sramsram nuh sin kawuck se lasr inge. Nga ke ahkuhtweyac lah pracns srihsrihk se pa kuht wi ac ac tiacna fahkwack nohfohn atacn Alu uh. Tuh met liki nga fahk kahs se, el kahslah.
“Kahto na pwacye,” el fahk.
Wacngihn ma nga fahk.
El tahfwelah, “Nga yuckihn oruh luhn sie sin sie ke alu lom an. Elos nuhkwewa oacna in tuhkuh ke kain in acn atac, ac arulacna kahlwem lah elos luhngse sie sin sie. Pa nge ma nga motko muh Kraist elac luhngse Alu Lal in oacna.”
Oruh, nga auliyak na pacl sac ke ma nga nuhnkuh ah. Nga petsac elah muh miting sac e arulacna fahlac wo kawuck se luhk nge in fwefwelac kac. Tuhsruhktuh ma mempucr ke pracns se inge oraclah ah tuhkuh ke insiac nwacsnwacs wo ke luhngse, kuhlwacng, muhtweng, ac pahkomuhta.
Luhlahlfongi Sac Kuh in Yohkwelihk fin Facluh
Tamuhlwel ac tahmtahel, sacohklacna wiyuck, kawuck wolacna luhk, nga luhngse Alu luhn Jisus Kraist luhn Mwet Luhlahlfongi ke Lwen-sahflah. Pa Alu pwacye ac moul se luhn Mwet Lahngo, ac luti ke fohnlahiyen wosasuc fohlohkyak luhn Jisus Kraist. Kuh ac wal ke pristut Lal oasr inge. Jisus Kraist El sifacna kol Alu se inge, sin mwet kuhlwacnsap El tuh pahngon ac ahkkweyelah, ac ke sie mwet pahluh moul, finne Prestuhn Russell M. Nelson. El sang sie misin yohk srihpac nuh sin Mwet Luhlahlfongi ke Lwen-sahflah in oracni tuhlihk nuhtin God ac ahkolah facluh nuh ke Tuhkuh Ahkluo luhn Leum. Nga fahkwack mwe loh luhk lah ma inge nuhkewa pwacye.
Tuh yohk srihpac in esam lah pacl se mwet uh tuhkuh wi toeni ke Alu luhn Jisus Kraist ke pacl se emet, elos tiacna nuhnkuh ke wal luhn pristut kuh akwuck kuh fahsreni luhn Israel. Ma elos e akihlen, liki nuhkewa, pa meac elos puhla ke elos wi kuht ac fuhkah oruh lasr nuh sin sie sie.
“Luhngse sie sin sie,” Jisus El fahk. “Mwet Nukewa Ac Fah Etu Lah Kowos Mwet Tumuk Lutlut.” Inkaiyen pacl uh, luhlahlfongi se emet luhn mwet se kacl Jisus Kraist tuhkuh ke el puhlakihn luhngse inmahsrlon mwet tuhma lutlut lal Jisus Kraist.
Mwet Lahngo el fahkwelihk lah El fohlohkohnwack Alu Lal tuh “luhlahlfongi sac … kuh in yohkwelihk fin facluh.” Ke ma inge, ke mwet uh tuhkuh muhtwacta nuhke toeni in Alu, Mwet Lahngo El luhngse tuh elos in us som luhlahlfongi fokoko Kacl! Luhngse ma kawuck lasr uh puhla inmahsrlosr uh e ahkfototoyelos nuh sin Jisus Kraist. Pa inge finsrak fihsracsr lasr pacl nuhkwewa kuht tuhkeni.
Oacna sie suc suk luhlahlfongi yohk kacl Kraist, kuh in fototoeni nuh sel Pahpah Inkuhsrao, enenuh in puhla muh lohm selos pa Alu luhn Jisus Kraist luhn Mwet Luhlahlfongi ke Lwen-sahflah. Solwaclos nuh ke miting lasr uh kuh in oacna pacl nuhkwewa ac fihsracsr oacna ke solwaclos nuh in lohm sesr ah.
Ma Wo ac Pwacye
Inge, nga akihlen lah nga ahkuhtweyac ma wo se. Ac ke moul suhkawihl se inge, kuht suhkwac puhla ma wo uh. Ac “ne ke sun lwen wolacna sac,”e oasr pacl nuhkwewa ma ac kuhnaus ma wo ac pwacye uh. Na meac kuht e oruh fin Alu uh tiacna puhla muh lwen wowo sac? Ngac, ke oacna sie srihpac, ward lasr tiacna oasr yohroh luhlahlfongi suwohs pwacye kuh luhngse sac? Kuh oacna kuht puhla muh kuht srihyucklac?
Sie ma kuht enenuh in tiac oruh pa fuhlweack ke ma wo!
Sra puk ke Puk luhn Mormon nwacnwack mwe sensen yohk srihpac se inge: “Fin oasr tahfonglac,” el fahk, “ma inge pa tahfonglac luhn mwet uh; ke ma inge, nikmet nuhnuhnkuh ma luhn God.”
Kuh in puk se—kuh alu se kuh mwet se—oasr “suhfal” ac “tahfonglac” ac srackna orekma luhn God?
Top luhk an pa ahok!
Na, ke kuht srihke kuhiyacsr in sun finsrak yohk luhn Leum, lwelah kuht in muhtweng pac sie sin sie. Kais sie sesr srackna fahsr nuh met, ac kuht nuhkwewa epacl nuh sin Mwet Lahngo ke kuhtwena kapwack lasr. Ma pwacye se nuh sesr kais sie, ac pwacye nuh ke tohkohsrahi luhn God fin facluh.
Leum El suli kuht in tiac welah muhkwena tohkohsrahi Lal tuhsruhk oacyacpac in eiskuhtyang in nuhnkuh na pwaye in muhsah elah. God El petsacelah mwet uh in inse sefanna ac nuhnak se fanna. Ac in inse se fanna, enenuh insiacsr in nwacsnwacs, ac ma se ingacn enenuh eklac na upac ke insiac .
Tuh tiac kalmac pa ekuhllah insiyuck in oacna kom. Kuh ekuhllah insiom in oacna nga. Kalmac pa kuht nuhkwewa ekuhllah insiacsr in oacna Mwet Lahngo.
Fin kuht sonna sun acn sacn, esam: ke kahsruh luhn Leum, wacngihn ma upac.
Fal nuh kac ac Wi
Ac fin kom puhla muh kom tena sollac wi, nuhnak muhnahs esam lah kom tiac muhkwena. Yac kuht nuhkwewa sikyak nuh se tari ohiyen moul se inge ke kuht puhla muh kuht mwet sac se lun infuckihl sac? Nga puhla kain nge puhs liki pacl se. Ke nga yac 11 matwac, sucu luhk ah lihlihlyak liki lohm sesr ah nuh ke acn kuht tiac etuh. Ma nuhkwewa siena nuh ke ma nga pah kac. Ac ahiyen sramsram luhk uh oruh kahlwem sin tuhlihk sahyac ah lah nga siena liki ma elos oasr kac. Ke pacl ma nga enenuh na pwacye kawuck ac sie sin sie, nga puhla suhpwacr ac srwenglah.
Fin facluh se inge, inkaiyen ma siena kuht akihlen—ma siena kuhtuh sesr orekmakihn in ahkuhtweyac kais sie—som yohk nuh ke ma luhn facluh: atac, acn, kahs, nuknuk, facsin, ac kuhtuh pac. Tuhsruhk “God El tiac oacna ouiyen sulaclah luhn mwet uh. Mwet uh elos liye luhkuh, ac Nga liye insien mwet uh.”
Ke liye Lal, atac se fanna tuhkuh meet liki nuhkwewa: tuhlihk nuhtin God. Ac kuht nuhkwewa falyang na pwacye nuhke ma se inge.
Fihsracsr in luhngse wi mwet ma liye, sramsram, oruh ma, ac nuhnak oacna kuht uh. Oasr acn se nuhke ma sacn.
Tuhsruhk ke Alu luhn Mwet Lahngo, kuht oracni nuhkwewa tuhlihk nuhtin God ma kena tuhkweni ac ma suk ma pwacye. Tiac ke atacsr, lah u fuhkah kom wi ke politics, facsin, kuh acn kuht tuhkuh we ma orekuhtweni nuh sie. Tiac ma ke srihpen ma kuht tuhkweni kac oruh orekuhtweni. Ma kuht akacsruhi kac pa, luhngse lasr nuh sin God ac mwet tuhlan lasr, kisackuhnlah lasr nuh sin Jisus Kraist ac wosasuc fohlohkihnyuckyak Lal. Kuht “ma sefanna ke Kraist.”
Ma sefanna lac se kuht suk uh tiac kalmac pa nuhkwewa tu ke acn se fanna; in pa oruh mwet nuhkwewa in siiac acn sacna— nuh yohrohl Jisus Kraist. Kuht ma sefanna tiac ma ke acn ma kuht sun tuhsruhk acn kuht srihke kuhiyacsr nuh kac, tiac ma ke kuht mwet fuhkah tuhsruhk ma ke mwet kuht suk in eklac oacna.
Pa inge ma Alu pwacye lal Kraist oacna uh.
Mahno Sefanna
Fin kom luhngse God, fin kom luhngse lotwelah yohk Kacl ke kom ukwoe Wen Nahtuhl, na kom wi oasr inse. Fin kom insacneang in suk karihngihn masap luhn Mwet Lahngo—fine kom tena suwohs kac—na kom fal in wi Alu luhn Jisus Kraist luhn Mwet Luhlahlfongi ke Lwen-sahflah.
Ac fuhkah fin kom siena liki mwet raunikomlac uh? Ac tiac oraclah kom in suhfallac—ac oraclah kom in ip eneneyuck se ke monun Kraist. Kuht nuhkwewa enwenweyuck ke monun Christ. Insrac uh oruh ma ahtron muhta tiac kuh in oruh. Niac uh kuh in oruh ma ma paho tiac kuh in oruh.
Tiac kalmen orekma lom an pa in ekuhllah mwet nuhkwewa in oacna kom. Tuh kalmac pa oasr ma yohk srihpac se kom kuh in sang kahsruh—ac oasr ma yohk srihpac se kom kuh in lotwelah!
Puhsra Sefanna
Ke tuhkweni nuhkwewa ke toeni luhlahp, kuht srui ke on wowo yurin u in mwet pihsrlac ke on. Ke kom lihpsre, kom kuh in akihlen lah mwet on ingacn nohfohn tiac orekmakihn note sefanna. Kuhtuh pacl uh sie ip an kuh in oacna sie puhsra, kuhtuh siena. Tuhsruhk elos nuhkwewa tuhkeni oraclah puhsra na kahto, ac puhsraclos ma sefanna. Kais sie mwet on ingacn oacna sie finsrak lalos: in kaksakihn God ac in sruhkwack insiacsr nuh Sel. Kais sie enenuh in ahkwoyelah nuhnak ac insiac nuhke srihpac se fanna. Ac pacl se e sikyak uh, elos nuhkwewa eklac puhsra sefanna.
Fin kom sonna mempucr kuh welah Alu luhn Jisus Kraist luhn Mwet Luhlahlfongi ke Lwen-sahflah, kuht suli kom in wi kuht ke kuht ahkfuhlwactye Mwet Lahngo “on ke luhngse moliyucklac.” Kuht enenwe kowos. Kuht luhngse kowos. Alu uh ac kapwack ke insacnweacng lom in kuhlwacnsuhpuh Leum ac tuhlihk Nahtuhl.
Kom fin oruh tari, ke pacptaislac, ke oraclah wuhlweacng nuh sin God, kena lom in “tuhkuh nuh ke u luhn God, in pahngpahng mwet Lal,” kuloh ke kowos fihliyac in oasr yuruwos orekma muhtahl ac yohk se inge ac ke kahsruh oruh Alu luhn Jisus Kraist in oacna ke Mwet Lahngo El luhngse.
Oacna ke nga lotelah sin kawuck se luhk Germany ah, luhngse lasr nuh sin God ac tuhlihk Nahtuhl el fahkwack luhlahlfongi na fokoko se nuh fin facluh lah pwacye pa inge Alu luhn Mwet Lahngo.
Lwelah God Elan ahkinsewowoye kuht in muhtweng tuh in fasreang suk in moulkihn ma wo Mwet Lahngo, Mwet in Molwelah, ac Master lasr uh ahkolah nuh sesr—tuh mwet nuhkwewa in etuh lah kuht mwet tuhma lutlut Lal. Ke ine muhtahl luhn Jisus Kraist, amen.