Respek long ol Sekred Samting

Long buk Exodus, yumi raun wantaim Moses long Mauten Horeb taim em i lusim ol wari bilong em—samting we yumi olgeta i mas mekim—long lukim bus paia we i no kuk olgeta. Taim em i go klostu, “God i singautim em namel long bus paia, na tok, Moses, Moses. Na em i tok, Mi stap hia. Na [God] i tok, … rausim su long lek bilong yu, bilong wanem dispela ples yu putim lek em i holi graun.” Long bikpela respek, daun pasin, na tinting, Moses rausim ol su long lek bilong em na redim em yet long harim tok bilong Bikpela na ekspiriensim holi presens bilong Em.

Dispela sekred samting i kamap long maunten bin wanpela ekspiriens i pulap wantaim , we i putim Moses long save tru long nem bilong em God i givim, tru tumas, i wanpela ki samting we i senisim em long wanpela man i save lukautim sipsip i go long wanpela pawaful profet, lidim em long wokabaut long nupela rot long laip. Wankain olsem, yumi wanwan i ken senisim ol wok disaipel bilong yumi i go moa yet taim yumi i respektim sekred samting long ol pasin bilong yumi long spirit.

Dispela wod respek yumi ken painim long latin veb revereri, we i minim long “sanap wantaim bikpela respek.” Long gospel samting, dispela mining i mix wantaim strongpela pasin respek, lav, na pasin bilong tenk yu. Dispela pasin bilong sekred samting long husat lain igat bel sore na strongpela pasin long bihainim God na Jisas Krais i save kamapim hamamas insait long ol sol bilong ol.

Respek long ol sekred samting em i bikpela samting long lukaut long ol spiritual kwalati; em i narapela samting long koneksen bilong yumi long holines na i soim lav bilong yumi long Papa long Heven na Seivia bilong yumi, Jisas Krais. Em i wanpela bikpela samting yumi ken ekspiriensim long sol bilong yumi. Dispela ol samting save lidim ol tingting bilong yumi, long stap wantaim God. Tru tumas, respek em i no samting bilong spirit tasol; em i as tru bilong—faundesen antap long we yumi bildim pasin bilong spirit, long kamapim wanwan koneksen i go long God, olsem ol pikinini bilong yumi taim ol i singim: “Taim mi gat respek, mi save olsem long bel bilong mi Papa long Heven na Jisas Krais i stap klostu.”

Olsem ol disaipel bilong Jisas Krais, yumi mas kamapim dispela presen bilong respek insait long ol laip bilong yumi long larim yumi toktok wantaim God na Pikinini Man bilong Em Jisas Krais, long olgeta taim strongim pasin bilong spirit bilong yumi. Sapos yumi gat planti dispela kain ol pilin insait long bel bilong yumi, i bai gat hamamas i stap moa yet long laip bilong yumi, na bai gat liklik spes bilong wari na sore. Yumi mas tingim olsem long soim respek long ol sekred samting save givim moa mining long ol samting yumi mekim olgeta de na bai strongim piling long yumi long tok tenk yu—mekim ai i op, respek, na lav long ol holi samting.

Sori tumas olsem, yumi stap long wol we long soim respek long ol sekred samting i no kamap tumas moa. Tru tumas, dispela wol planti taim nogat respek, olsem ol megasin bilong tok baksait, televisen program, o long intanet. Taim respek i no stap long ol sekred samting i save kamapim pasin bilong i no tingting gut, we i ken hariap tru bringim wanpela jeneresen long les pasin na narapela jeneresen i go long hevi.

Pasin bilong nogat respek i ken lidim yumi go aut long ol koneksen we kavanen wantaim God save kamapim na rausim tingting bilong mekim gut wok long ai bilong God. Olsem tu, yumi bai wari long sindaun gut bilong yumi tasol; long hamamasim hangre bilong yumi; na bai kamap long ples i no holi long tok bilas long ol sekred samting, wankain long God, olsem tu long neisa bilong yumi olsem pikinini bilong Papa long Heven. Pasin bilong nogat respek long ol sekred samting i save mekim man nogut bagarapim rot bilong kisim revelesen we i impoten long spirit bilong yumi long dispela taim.

Mining na impotens bilong gat respek long wanem i sekred em i klia insait long ol skripsa. Wanpela eksampel insait long Doktrin na ol Kavanen i soim olsem respek i go long Papa long Heven na Pikinini Man bilong Em Jisas krais em i wanpela impoten pasin bilong ol lain husat bai go long selesel kingdom.

Olsem wanpela Sios yumi traim long holim Papa na Pikinini insait long holi ples na respek long olgeta samting, wantaim hau yumi makim ol. Gaidens bilong Holi Gos em impoten samting long soim hau dispela ol piksa i mas reflektim sekred wei, pasin, na pasin bilong God bilong Papa na bilong Pikinini. Yumi mas lukaut long soim ol samting we i ken aburusim nambawan fokas bilong yumi long Papa long Heven na Pikinini Man Jisas Krais na ol tising bilong ol, wantaim hau yumi yusim ol tul teknoloji i givim,olsem long yusim atifisel intelejens (AI) long kamapim ol konten na ol piksa.

Dispela wankain tok tru em i go wantaim olgeta kain toksave i stap thru long ofisel komunikesen sanel bilong Sios. Olgeta leson, buk, manual, na toksave em wantaim lukaut ol i kamapim na givim tok orait aninit long daireksen bilong Spirit long mekim sua yumi karim dispela sekred pasin, veliu, na standed bilong gospel bilong Jisas Krais. Long wanpela mesej bilong ol yangpela manmeri long Sios, Elda David A. Bednar i tisim: “Long wokabaut long dispela strongpela bung bilong spirit na teknoloji, ol Leta-De Seint i mas daunim ol yet na pre long (1) luksave long ol gospel tok tru we inap gaidim ol long yusim artifisel intellijens na (2) traim long kisim poroman bilong Holi Gos na ol presen bilong revelesen.“

Ol dia brata na susa bilong mi, olsem teknoloji bilong nau i antap tumas, em i no inap long senisim tingting, na kirap nogut bai kamap long dispela kain respek i kam long Holi Gos. Olsem ol disaiple bilong Krais, yumi nid long lukaut long noken mekim koneksen bilong yumi wik wantaim God na Pikinini bilong Em long yusim AI konten na ol piksa i no stret. Yumi mas tingim olsem long rilai long teknoloji bilong nau “han bilong bodi” em ino stret na nogat respek long inspiresen, idifikesen, na witnes we i ken kam thru long pawa bilong Holi Gos. Olsem Nifai i tok aut: “O Bikpela, mi bin bilip long yu, na mi bai bilip long yu oltaim. Mi bai no inap putim bilip bilong mi long han bilong bodi.”

Long narapela revelesen, profet Joseph Smith i bin kisim instraksen olsem ol temple i kam long Bikpela i mas kamap wanpela ples bilong respektim Em. Long ministri bilong em, dia profet bilong yumi, Presiden Russell M. Nelson, i tok strong long wosip bilong yumi long soim respek insait long sekred temple. Insait long haus bilong Bikpela yumi kisim lainim long go insait long holi stap bilong Papa na Pikinini. Mi save painim olgeta taim instraksen na tu kisim strongpela tingting olsem wanpela bilong ol nambawan samting yumi save mekim long go insait long temple na redim yumi yet long tek pat long sekred odinens i gat long rausim ol su bilong yumi na senis i go long ol waitpela ol kolos bilong yumi. Olsem Moses, sapos yumi i mekim wantaim tingting, yumi inap luksave olsem taim yumi rausim ol su bilong dispela wol, em i stat bilong yu long sanap antap long holi graun na stat long senis i go long haia na ol holi wei.

Ol brata na susa, yumi i no nid long kalap i go antap long mauten, olsem Moses bin mekim, long painim respek long ol sekred samting na senisim disaiplesip bilong yumi i go long dip level bilong spirit na divosen. Yumi inap stretim, olsem eksample, taim yumi traim long banisim hom na stap bilong yumi long influens bilong wol. Dispela yumi inap kisim thru long prea wantaim wanbel long ai bilong Papa long Heven long nem bilong Jisas Krais na save gut long Seivia bilong yumi thru long dilijen stadi long toktok bilonglijen stadi long tokttok bilong God i stap insait long ol skripsa na insait long ol tising bilong ol profet bilong yumi. Moa yet, dispela kain ol senis i kam long spirit inap kam taim yu traim long honaim ol kavanen yumi bin mekim wantaim Bikpela long stap long bihainim ol komanmen bilong Em. Dispela ol hat wok inap bringim bel isi long bel bilong yumi. Foksa long dispela kain pasin inap tru helpim yumi senisim ol hom bilong yumi i go long ol ples bilong stap isi bilong spirit—ples bilong yu yet long tingting klia long feit we spirit i bai stap, wankain olsem maunten ekspirisn bilong Moses.

Yumi tu inap ekspiriensim dispela kain spirituol senis taim yumi feitful wantaim tek pat insait long wosip servis bilong Sios, wantaim long tanim ol bel bilong yumi i go long Bikpela thru long ol singsing bilong yumi long ol sekred lotu singsing. Tanim go narapela rot—olsem Moses—long ol samting bilong wol, olsem ol mobail fone bilong yumi o olgeta samting i no stap wanbel wantaim ol sekred taim, save mekim yumi long tanim atensen bilong yumi long tek pak long sakramen, wantaim ol tingting na bel bilong yumi i stap long Sevia na atoning sakrifais bilong Em wantaim ol kavanen bilong yumi. Dispela tingting bilong fokas long sakramen bai bringim wanpela klinpela na bikpela bel isi long komunien bilong yumi wantaim Sevia, na bai mekim Sabat i kamap hamamas na senisim laip bilong yumi.

Long las, yumi ken ekspiriensim dispela senis long spirit insait long disaiplesip bilong yumi taim yumi wosip olgeta taim long maunten long haus bilong Bikpela—ol holi temple bilong yumi—na traim long stap wantaim ol kavanen konfidens, long taim yumi bungim ol traim bilong dispela laip.

Meri bilong mi na mi i gat ol wanwan ekspiriens long ol sampela ol samting long soim respek taim yumi traim long putim dispela ol prinsiple insait long ol laip bilong yumi, we i givim gutpela senis long disaiplesip bilong yumi. Mi tingim olsem i bin aste taim wokabaut thru long matmat bipo long mipela i planim nambatu pikinini bilong mipela, husat bin bon long taim i no stret yet na i bin dai, long taim meri bilong mi stap rikava long haus sik. Mi tingim long taim mi pre wantaim bikpela laik long God, long askim em long helpim mi long karim hevi bilong mi wantaim ol triam mi bungim. Long dispela taim, mi kisim wanpela klia na pawaful filing i kam long spirit insait long bel bilong mi: olgeta samting bai orait insait long laip bilong mipela sapos mi na meri bilong mi i sanap strong, long holim strong hamamas we i save kam long stap aninit long gospel bilong Jisas Krais. Dispela samting i luk olsem wanpela bikpela hevi, sore long dispela taim i tanim i go long wanpela sekred, ekspiriens bilong respek, nambawan samting we i helpim yumi long holim feit bilong yumi na i givim yumi strong insait long ol kavanen yumi bin mekim wantaim Bikpela na insait long promis bilong Em bilong mi na famili bilong mi.

Ol barata na susa bilong mi, soim respek long ol sekred samting i save kamapim bikpela pasin tenk yu long bel, givim bikpela hamamas tru, save lidim ol tingting bilong yumi long revelesen, na bringim moa hamams long laip bilong yumi. Em i save putim lek bilong yumi long holi graun na save apim bel bilong yumi i go long God.

Mi testifai long yupela olsem taim yumi traim long putim dispela kain gutpela pasin long wanwan laip bilong yumi, mipela bai inap long apim daun pasin bilong yumi, save bilong yumi long laik bilong God bai moa yet, na strongim yumi long ol promis bilong ol kavanen yumi bin mekim wantaim Bikpela. Mi witnes olsem taim yumi holim strong dispela presen bilong respektim ol sekred samting—maski long maunten bilong haus bilong Bikpela, long wanpela miting haus, o insait long haus bilong yumi yet— yumi bai kirap nogut taim yumi konek long stretpela lav bilong Papa long Heven bilong yumi na Jisas Krais. Wantaim respek mi witnes long dispela ol tok tru long sekred nem bilong Seivia na Ridima bilong yumi Jisas Krais, amen.