Lotu

Wanpela samting wer em i save kamap planti taim na em i bikpela samting tru long sait bilong lotu em long bung wantaim long wanpela hap we ol i maikim bilong mekim ol wok bilong lotu. Bikpela i tok, “Na taim yu lukautim yu yet gut tru long weir long dispela graun , yu mas go long haus lotu na givim ol sakramen bilong yu long holi de bilong mi ” Dispela, em i namba wan as bilong yumi long wokim ol haus lotu. Tasol, sapos i gat nid, wanpela spes we ol i no blesim i inap sapos yumi i ken yusim wantaim pasin holi.

Bikpela samting em i wanem samting yumi wokim taim yumi bung wantaim long dispela de bilong Bikpela. Tru tumas, yumi mas bilas gut tru long mak bilong yumi—i no ova tumas, tasol long rot we yumi soim rispek na moa rispek long Bikman. Pasin bilong yumi i wankain tu soim rispek na bikpela rispek tru. Yumi lotu taim yumi bung long prea , yumi lotu taim yumi singim ol hymn ( i no bilong harim tasol tasol long singim ol hymn); yumi lotu taim yumi tisim na lainim narapela . Jisas i tok, “ tingim long dispela de, long de bilong Bikpela, yu mas givim ol ofaring bilong yu [ em i minim, ol ofaring bilong yu … bilong taim, ol talen, o ol mani, insait long sevis bilong God na ol narapela manmeri’] na ol sakramen bilong yu givim go long God i stap antap tru, tokaut ol nogut pasin bilong yu long ol brada bilong yu, na long ai bilong Bikpela.” Yumi kam bung wantaim i no long amamas or long kisim amamas—kain olsem wanpela singsing grup, olsem—tasol long tingim Em na kisim skul gut tru insait long gospel bilong Em.

Long wanpela jenerel konferens i no long taim tumas, Elda Patrick Kearon i tokim yumi olsem yumi no save bung long Sabat long sakramen miting tasol na makim em long lis. Yumi bung waintaim long lotu. I gat bikpela narakain namel long tupela. Long i go i minim long stap long hap. Tasol long lotu em i long tingting long litimapim nem na lotu long God bilong yumi long wei wer i ken senisim yumi!”

Givim ol Sabat bilong yumi i go long Bikpela na ol as tingting bilong Em, em yet i wanpela pasin bilong lotu. Sampela yia i go pinis, Elda Russell M. Nelson long dispela taim i bin lukim olsem:: “Hau yumi save rispekim Sabat de? Long yangpela yia bilong mi, mi bin stadim wok bilong ol narapela lain husait i mekim lis bilong ol samting yu ken mekim na ol samting yu mas noken mekim long Sabat. I no long tumas mi lanin long tok bilong God olsem pasin na tingting bilong mi long de Sabat i kamapim wanpela mak namel long mi na Papa long Heven [lukim Exodus 31:13; Ezekiel 20:12, 20]. Wantaim despela tingting, mi no moa nidim lis bilong ol samting long mekim na noken mekim. Taim mi tingting long meikim disisen sapos samting i orait o no orait long Sabat, mi save askim mi yet, ‘Wainem sain bai mi givem go long God?’”

Lotu long de bilong Bikpela i gat mak wer bikpela fokas i stap long bikpela sakrifais bilong Jisas Krais. Yumi amamasim Kirap Bek bilong Em long Ista gut, tasol tu olgeta wik taim yumi kisim sakramen em mak bilong Atonmen bilong Em, na tu Kirap bek bilong Em. Long ol manmeri husait i tanim bel, kisim sakramen em i bikpela samting bilong Sabat de lotu.

Lotu wantaim olsem “bodi bilong Krais” i gat spesel pawa na ol gutpela somting taim yumi tis, sev, na sapotim narapela. Wanpela gutpela samting em i olsem, long wanpela stadi wer i kamap i no long taim tumas husait lain i lukim spiritual laip bilong ol olsem bilong ol yet ol i bai nonap meikim spritsol gro bilong ol kamap numba wan, o long tok olsen feit bilong ol bikpela somting turu, o long gat devosenal taim bilong ol wantaim God. Olsem komuniti bilong ol Seint, yumi mas strongim wanwan long lotu na feit.

Na tu, yumi mas noken lustintin long pasin bilong lotu olgeta de we yumi save mekim wanwan na long haus. Seivia i tokim yumi gen, “Tasol ol promis bilong yu bai kamap long stretpela pasin long olgeta de na long olgeta taim.” Wanpela sista i bin luksave gut, “Mi no inap tingim wanpela gutpela rot bilong lotu long God tasol long welkamim ol liklik pikinini bilong Em i kam insait long laip bilong yumi na lukautim ol na tisim ol long plen bilong Em long ol.”

Alma na Amulek i lanim ol Zoramite husait ol i bin tambuim ol long go insait long haus lotu bilong ol long noken lotu long God wanpela taim long wik, tasol olgeta taim, na “ long wanem hap ol i stap long en ” Ol i toktok long prea olsem lotu:

“Yupela mas kapsaitim sol bilong yupela long rum bilong yupela, na ples hait bilong yupela, na long ples we nogat man i stap bilong yupela.

“Ye, na taim yu i no krai long Bikpela, larim bel bilong yu i pulap, beten i go long em olgeta taim.”

Ol i toktok long painim long ol skripsa, tokaut long Krais, pasin bilong givim na helpim na givim sevis, kisim Holi Spirit, na stap laip long pasin bilong tok tenkyu long olgeta de. Tingim dispela tingting: “stap laip long pasin bilong tenkyu long olgeta dei.” Em i toktok long namba tu tingting bilong mi:

Pasin bilong pilim na tok tenkyu long God em, tru tumas, i samting we i save givim amamas long taim bilong lotu na i no tingim olsem em i wanpela wok nating tasol.

Trupela lotu i min long lavim God na givim laik bilong yumi long Em—dispela em i naispela gif yumi inap givim long Em. Taim ol askim wanem namba wan lo long olgeta lo, Jisas i bekim, “Yu mas lavim Bikpela God bilong yu wantaim olgeta lewa bilong yu, na sol bilong yu, na tingting long yu.” Em i kolim dispela tu bikpela lo.

Dispela em i we bilong Jisas yet long lotu long Papa. Laip bilong Em na sakrifais bilong Em i bilong givim glori go long Papa. Mipela i tingim gut dispela askim bilong Jisas long taim bilong bikpela pen na karai: “O Papa bilong mi, sapos em i orait, larim dispela kap i abrusim mi,” tasol stap aninit bilong em “tasol em orite i no laik bilong mi, “tasol olsem laik bilong yu.”

Lotu em i long bihainim dispela gutpela eksampel. Yumi no inap long kamap gutpela stret long dispela rot hariap tru, tasol sapos long wan wan de yumi “givim sakrifais long [Em] wanpela bruk bel na marimari spirit,” Em bai baptaisim yumi gen wantaim Spirit bilong Em na pulapim yumi wantaim stron bilong Em.

Insait long namba wan seksen bilong Doktrin na ol Kavanen, Bikpela i autim dispela tok lukaut long wol.

“Ol i go lus pinis long ol odinens bilong mi, na ol i brukim avalastin kavanen bilong mi ;

“Ol i no painim Bikpela long kamapim stretpela pasin bilong em, tasol olgeta man i wokabaut long wan wan rot bilong ol yet, na bihain long piksa bilong god bilong ol yet, husait piksa bilong em i wankain olsem long dispela wol.”

Em i gutpela long yumi tingim eksampel bilong tripela Jewish yangpela man, Hananiah, Mishael, na Azariah, ol i bin kisim ol i go kalabus long Babilon i no long taim bihain long Lihai na famili bilong em i lusim Jerusalem. King Nebuchadnezzar i senisim nem bilong ol olsem Shadrach, Meshach, na Abed-nego. Bihain, taim dispela tripela i no laik long lotu long wanpela piksa em i bin wokim, Nebuchadnezzar i tokim ol long tromoi ol i go insait long wanpela bikpela paia, na em i tokim ol olsem, “na husait dispela God bai kisim bek yupela long han bilong mi?”

Yu tingim strongpela bekim bilong ol.

“God bilong mipela, husait mipela i wokim wok bilong em, em inap long kisim bek mipela long dispela bikpela paia, na em bai kisim bek mipela long han bilong yu, O king.

“Tasol sapos nogat, yu mas save olsem … mipela bai no inap long lotu long ol god bilong yu, o lotu long ol samting yu sanap we yu mekim wantaim gol.”

Paia i hat nogut tru na i kilim dai ol man husait i tromoi ol i go insait , tasol Shadrach, Meshach, na Abed-nego i no kisim wanpela bagarap. “Na Nebuchadnezzar i tok, Blesin long God bilong Shadrach, Meshach, na Abed-nego, husait i bin … dilivarim ol wokman bilong em husait i trastim em, … na givim bodi bilong ol, olsem ol bai i no nap long sevim o lotu long narapela god, tasol God bilong ol yet.” Ol i trastim Jehova long dilivarim ol, “tasol sapos nogat,” dispela i minim olsem, maski God long save bilong Em i no larim ol long dai, ol bai stap tru long Em.

Wainem samting i go pas long lotu long Papa na Pikinini man bilong em i bai kamap olsem wanpela aidol. Ol lain husait i sakim God olsem as bilong tok tru, o ol i no laik dinaim Em, ol i senisim ol yet olsem god bilong ol. Wanpela husait i bihainim wanpela pati o ol samting pas long divine direkses i lotuim giamum god. Maski ol dispela lain i tok ol i lotu long God tasol ol i no bihainim ol lo bilong Em, ol i wokabaut long rot bilong ol yet: “Ol i kam klostu long mi long maus bilong ol, tasol bel bilong ol i stap longwe long mi.” As tingting bilong lotu bilong yumi em i “wanpela trupela God tasol, na Jisas Krais, husait [Em] i bin salim i kam.”

Na long pinis, hau yumi long stap em i ken gutpela, trupela pasin bilong lotu. Long soim devosen bilong yumi i min olsem yumi mas bihainim eksampel bilong Papa na Pikinini—kamapim ol weirs na pasin bilong ol insait long laip bilong yumi. Sapos, olsem ol i save tok, pasin bilong bihainim narapela em i gutpela pasin bilong tok gris, orait yumi ken tok olsem yumi rispekim God, bihainim ol pasin bilong em i pasin bilong lotu long em. Dispela i soim olsem yumi wok strong long painim pasin holi. Tasol long kamap moa olsem Krais em i tu samting we i save kamap long ol wok bilong lotu bilong yumi. Toktok bilong Elda Kearon wer yumi lukim pastaim long lotu, “ insait long wanpela rot wer i save senisim yumi,” em i bikpela samting. Trupela lotu i save senisim manmeri.

Dispela em i naispela samting bilong kavenan rot—rot bilong lotu, lav, na stap tru long God. Yumi kam insait long dispela rot thru long baptaism, na tok promis long kisim neim bilong Krais na bihainim ol lo bilong Em. Yumi kisim gif bilong Holi Spirit, em i man bilong bringim tok bilong marimari bilong Sevia we i sevim na klinim yumi long sin taim yumi save tanim bel. Yumi ken tok olsem taim yumi tanim bel yumi lotu long Em.

I gat sampela moa prishud odinens na ol kavenan ol i save mekim insait long Haus bilong Bikpela we i save mekim yumi kamap moa holi. Ol seremoni na ol odinens bilong tempel i kamapim wanpela lotu we i antap tru.

Presiden Russell M. Nelson i bin tok strong olsem “olgeta man na meri husait i tekpat insait long ol prishud odinens na husait i save meikim na save kipim ol kavenan wantaim God i gat direk ekses long pawa bilong God.” Dispela em i no wanpela pawa tasol we yumi save kisim long sevim na blesim. Em tu i pawa bilong heven we i save wok insait long yumi long klinim na mekim yumi kamap klin. Taim yumi wokabaut long dispela kavanen rot, dispela “pawa bilong God long klenin i bai kamap ples klia” insait long yumi.

Yumi ken, olsem ol lain bilong Nifai na lain bilong Laman bilong bipo, “pudaun long lek bilong Jisas, na … lotu long em.” Yumi ken, olsem Jisas i bin tokim yumi, “pudaun na lotu long Papa long nem [bilong Pikinini Man].” Yumi ken kisim Holi Spirit na givim bel bilong yumi long God, na yumi no ken i gat ol narapela god pastaim long Em, na olsem ol disaipel bilong Jisas Krais, yumi ken bihainim pasin bilong Em long laip bilong yumi yet Mi tokaut olsem taim yumi mekim dispela, yumi bai save long amamas bilong lotu. Long nem bilong Jisas Krais, amen.