Olsem wanpela Liklik Pikinini

Jisas i statim laspela yia bilong laip bilong Em long graun na hariapim treining bilong ol Aposel. Sapos toktok na Sios bilong Em bai mas stap, i mas gat moa skul bai go insait long bel bilong 12-pela man nating husat i save long em klostu olsem 24-pela mun.

Wanpela de Jisas i witnesim wanpela kros namel long ol Twelve pela yet na i askim, “Wanem samting ino stret namel long yupela yet?” Ol i sem, na “wanbel gen,” olsem istap long rekot. Tasol dispela namba wan tisa i lukim pinis tingting bilong ol na luksave long pasin bilong paitim bros. So Em i “singautim wanpela liklik pikinini i kam long em, …

“Na i tok, Mi tokim yupela stret, sapos yupela i senis, na kamap olsem ol liklik pikinini, yupela bai i go insait long kingdom bilong heven.

“Man i daunim em yet olsem dispela liklik pikinini, dispela man bai bikpela tru long kingdom bilong heven.”

Pastaim long Krais i bon, King Benjamin i mekim laspela toktok bilong em na i toktok long stap isi bilong wanpela pikinini. Em i tok: “Man i nogat Holi Spirit i birua bilong God, … na bai olsem, oltaim oltaim, tasol em …bai kamap seint thru long atonmen bilong Krais i Bikpela, na kamap olsem pikinini, i givim em yet, stap isi, … pulap long lav, … olsem pikinini [i bekim] papa bilong em.”

Nau, i gat sampela pasin bilong ol pikinini yumi no sapotim. 25 yias i go pinis, 3 yias old bubu man bilong mi i kaikai susa bilong em long han bilong en. Tambu-pikinini-man bilong mi, i lukautim ol pikinini long dispela nait, i traim long skulim pikinini meri bilong em long pogivnes, na pinisim olsem ating liklik brata ino save pen bilong tit long han i olsem wanem. Dispela hap toktok bilong papa i wok inap olsem wanpela minit, inap wanpela bikpela krai tru kamap insait long rum bilong ol pikinini, na tumbuna pikinini meri bilong mi i singaut isi, “Em save nau.”

Olsem na wanem samting yumi mas luksave long ol liklik pikinini? Wanem samting i mekim Krais i gat aiwara long wanpela naispela hap tru bilong Buk bilong Momon? Jisas i bin tisim wanem taim Em i singautim paia i kam daun long heven na ol ensel long banisim ol dispela pikinini, na tokim ol bikpela lain long “lukim [ol] liklik pikinini bilong ol”?

Yumi no save wanem i kirapim olgeta dispela samting, tasol mi ting em bikos long klinpela pasin bilong ol, daun pasin ol i bon wantaim, na wanem em i ken bringim long laip bilong yumi sapos yumi holim.

Wai na ol nogut de bilong yumi i olsem“giaman bilong olgeta giaman”? Hau na “giaman tingting na pasin praid bilong ol pikinini bilong man”i olsem toktok i makim bikpela haus tru igat planti spes, nogat spirit long driman bilong Lihai? Na ol lain bilong Joram, ol husat i save beten bilong apim ol yet? Long ol Alma i tok, “O God, ol [beten] long yu long maus bilong ol yet tasol, taim ol i pulap wantaim … ol samting bilong dispela graun.”

Yumi sklelim, i gat wanpela samting i moa swit, moa klin, igat moa daun pasin olsem liklik pikinini i pre? I olsem heven i stap long rum. God na Krais tru ol stap, tasol long ol narapela bihain taim, dispela eskpiriens i olsem ino tru.

Olsem Elda Richard L. Evans i tok sampela 60 yias i go pinis: “Planti bilong yumi i tok yumi Kristien, tasol yumi… i no save kisim Em siries. … Yumi rispetim Em, tasol yumi i no bihainim Em. … Yumi tokim toktok bilong Em, tasol yumi i no bihainim ol.” “Yumi mangalim Em, tasol yumi i no lotuim Em.”

Laip bai narakain olsem wanem sapos dispela wol i lukim lukim Jisas antap long ol tok nogut olgeta taim.

Tasol ol pikinini ol i save lavim Em tru, na dispela lav ol i ken kisim i go long ol narapela sindaun long laip bilong ol. Olsem wanpela rul, maski ol i yanpela, ol pikinini bai lavim narapela isi tru, pogiv isi tru, ol i save lap nais tru bai ken senisim strongpela, hatpela bel.

List i go on na on. Klinpela pasin? Bilip? Strong? Pasin?

Kam wantaim mi long lukim pasin stap isi bipo long God bilong wanpela yangpela poro bilong mi.

Long Janueri 5, 2025,—91-pela de i go pinis—Easton Darrin Jolley i kisim Aronik Prishud na ol makim em kamap dikon bilong Sios bilong Jisas Krais bilong ol Seint long Las De.

Longpela taim, Easton i laik tru long pasim sakramen bilong Kaikai bilong Bikpela. Tasol dispela sekred opotuniti ikam wantaim dispela poret olsem em bai i no mekim gut, bai em i pundaun, bai ol tok bilas long em o semim em yet na famili bilong em.

Yu lukim, Easton i gat wanpela kain nogut sik, Ullrich congenital muscular dystrophy. Dispela i pulapim yangpela laip bilong em wantaim ol bikpela hevi na i rausim ol gutpela tingting na driman bilong bihain bilong em. Ino long taim em bai sindaun long wil sia olgeta. Ol famili bilong em i no save toktok long wanem bai kamap bihain.

Sande bihain long odinesen bilong em, Easton bai pasim sakramen namba wan taim tru. Em kisim strong long tingting olsem em bai prisentim em yet na ol dispela sekred samting long papa bilong em, husat em bisop bilong dispela wod. Long mekim dispela wok, em i askim na krai na askim, kisim toksave olsem nogat wanpela nogat wanpelabai traim long helpim em. Long planti as, em yet i save, em mas mekim dispela em yet na nogat helpim.

Bihain long pris i brukim bret na i blesim—makim bodi bilong Krais i bruk—Easton, wantaim bodi bilong em i bruk, i pulim em yet long kisim trei bilong em. Tasol, i bin gat 3-pela bikpela step long flo bilong mitinghaus i go antap long sten. Olsem na, bihain long em kisim trei bilong em, em putim go antap long hanreil. Bihain, em i sindaun long wanpela step antap, wantaim tupela han em i pulim han sut lek bilong em i go antap long namba wan step. Na em i pulim han kais lek bilong em go antap long dispela step, na i go het inap, em i bin stap antap long 3-pela step Maunt Evares bilong em yet.

Em muvim em yet go long wanpela pos bilong helpim em long sanap. Em go bek long kisim trei. Sampela moa steps na em sanap long ai bilong bisop, papa bilong em, husait wantaim ai wara pundaun long ai bilong em, i stopim em yet long holim pasim dispela pikinini man husat i gat strong na bikpela bilip. Na Easton, wantaim bikpela smail long pes bilong em, i ken tok, “Mi givim biknem long [papa bilong mi na] pinisim wok [em givim] mi long mekim.”

Bilip, wanpela tingting tasol, klinpela pasin, tingting bilong apim nem, na bihain, laikim bilong dispela papa em i laik amamasim. Dispela na ol narapela moa pasin i mekim yumi tok tu, “Man… husait i daunim em yet na kamap olsem dispela liklik pikinini, dispela man bai i gat biknem tru long kingdom bilong heven.”

Ol susa na brata na ol frens, antap long lis bilong olgeta gutpela piksa mi save em ol bebi na ol pikinini na ol yut i dia tumas na i nogat prais i olsem ol husat nau yumi stori long ol tude. Mi testifai em ol piksa bilong kingdom bilong God i kamap nais tumas long dispela graun wantaim olgeta strong na luk nais bilong em.

Long dispela seim spirit bilong testimoni, Mi berim witnes olsem long yut bilong em, Joseph Smith i lukim wanem em tok em lukim na toktok wantaim ol husat em tok em toktok wantaim. Mi testifai olsem man i gat klinpela na daun pasin Russell M. Nelson em i odein na i gat presen olsem profet na sia bilong God. Long laiptaim bilong mi long rit, Mi berim witnes olsem Buk Momon i wanpela gutpela buk mi bin ridim na em i ki ston bilong liklik stap bilong mi long kingdom igat planti haus. Mi berim witnes olsem prishud na prea i save restorim laip bilong mi—prishud bilong krais na prea bilong yu. Mi save olgeta dispela em i tru na mi berim witnes long dispela long nem bilong namba wan pikinini man—Alfa na Omega, Bikpela Tru, Husat ol i nilim Em long diwai kros, na feitful witnesBikpela Jisas Krais, amen.