Long Ai Bilong Yumi Yet

Ol brata susa, mi amamas tru long stap wantaim yupela. Mipela i laikim yupela tru; mipela i tenkyu long yupela; na mipela filim bles long beten bilong yupela.

Presiden Russell M Nelson i tok long laspela konferens bilong yumi: “Yupela i lukim ol samting i kamap long ai bilong yumi? Mi pre yumi bai no inap abrusim ol dispela bikpela taim! Tru Bikpela i hariapim wok bilong Em.

Em i hariapim wok bilong Em. “Hariapim” dispela tok em i bikpela samting. Em i toktok long muv hariap, hariap tru, na imas hariap moa yet. Long gro bilong Sios na plen bilong Krais, hariapim i wok long kamap. Na yumi olgeta i stap long dispela.

Long Epril 1834, long Kirtland, Ohio, Profet Joseph Smith i bungim olgeta man i holim prishud insait long wanpela liklik haus skul inap olsem 4.3 mita. Yumi ken putim ol dispela haus skul insait long dispela Konferens Senta, na planti rum bai stap yet. Joseph Smith i tok, “Em i liklik lain tasol bilong ol prishud yupela i lukim hia nau nait, tasol dispela Sios bai pulapim Not na Saut Amerika, em bai pulapim olgeta hap bilong graun.”

Dispela profesi i wok long kamap tru “long ai bilong yumi yet.” Sios Bilong Jisas Krais Bilong ol Seint long Las-de i gro long ol memba na ol famili, ol misin na ol misinari, ol miting haus na ol temple, na enrolmen long semineri, institud, na ol yunivesiti long olgeta hap bilong graun.

Mipela i amamas long stap long graun taim Sios i gro long namba na senisim pasin, tasol moa impoten long ol bel na laip bilong ol memba. Ol i save long yumi olsem ol disaipel bilong Jisas Krais. Mipela i save autim tok bilong em, na bilong sios bilong em, na bilong ol pasin bilong em, na bilong kavanen rot bilong em. Yumi ol pipel bilong Em, na em i Seivia bilong yumi.

Mi mangalim wanem President Nelson i kolim “strongpela pawa bilong dispela taim” na tenkim Bikpela long wok bilong Em. Mi enkarijim yumi long sanap olsem ol disaipel bilong Em, ol ai witnes long inapim dispela profesi bilong bipo na nau.

Sample man i singaut, “‘Lukim, hia!’ na … ‘Lukim, long hap!’” olsem ol i bin mekim long taim bilong Profet Joseph Smith. Tasol, ol bai stap olsem ol liklik hap toktok long dispela bikpela wok tru. Tingim tok bilong Joseph Smith: “Nogat wanpela han ino holi i ken stopim dispela wok long go het; ol hevi bai kam… tasol tok tru bilong God bai go het moa strong, wantaim pawa na em bai inapim olgeta hap bilong dispela graun, olgeta ples, na iau bai harim, inap em i inapim olgeta wok bilong God na dispela Bikpela Jehova bai tok wok i pinis.”

Long ol asainmen bilong mi dispela yia, mi bin sindaun long namba wan sit long lukim Bikpela i hariapim wok bilong Em. Sios i bildim ol temple long wanpela kain wei ino save mekim bipo, i givim ol memba sans long lotu insait long haus bilong Bikpela. Namba tu, wok misineri i wok long bungim planti man moa i kam insait long lain sipsip bilong Gutpela Wasman, Jisas Krais. Na namba tri, Sios edukesen long planti hap i stap long nupela level long tisim ol lain husat i “painim dispela Jisas.”

Tede Sios i gat 367 temple istap long ol kain stej olsem disain, konstraksen, o operesen. Na bilong wanem samting tru? Ansa i stap olsem tokaut long wanwan temple: “Holines igo long Bikpela.” Ol temple i opim rot bilong kisim ol bikpela blesing Papa bilong yumi long heven i save givim long yumi olgeta wan wan. Ol brata susa, yumi hariapim wok bilong yumi kamap holi taim yumi stap woti long temple, taim yumi lotu long haus bilong Bikpela, na taim yumi mekim kavanen wantaim God bilong yumi na ol tumbuna bilong yumi long hapsait bilong veil.

Presiden Nelson i tok: “Ol birua i strong long mekim nogut pasin moa yet, nogut tru na long planti kain kain wei. Nid bilong yumi long kam long temple olgeta taim i kamap bikpela moa. Mi plid long yupela long pre na skelim hau yupela yusim taim bilong yupela.” Long haus bilong Em yumi ken pilim holines bilong Bikpela na bel isi.

Las yia, mi gat blesing long prisaid long dedikesin bilong Mendoza Ajentina Temple. Long toktok bilong mi, mi stori long Elda Melvin J.Ballard na 1926 profesi olsem wok bilong Bikpela bai i gro isi isi long South America, “olsem diwai oak i save gro bikpela isi isi long wanpela pikinini diwai. Em bai i no kamap long wanpela de,” tasol planti tausen lain bai joinim Sios, na ol nesen bilong Saut Amerika bai kamap “wanpela pawa insait long Sios.” Mi lukim dispela profesi i kamap long ai bilong mi yet.

Mendoza, em wanpela liklik diwai, nau i kamap wanpela traipela diwai oak. Dispela gro i kamap long olgeta hap bilong graun na ol ailan bilong solwara.

Yumi lukim Bikpela i hariapim wok bilong Em long ol misin. Long 2024, 80,000 misinerii wok long 450pela misin. 36 bilong ol dispela em ol nupela misin. Las yia misinari wok i bringim moa long 308,000 nupela memba ikam insait long Sios. Moa long ol namba, spirit bilong bung i bringim ol sol i kam long Jisas Krais na long gospel bilong Em.

Mi tingim ol aposel Brigham Young na Heber C. Kimball, husat long 1839 i go mekim wok misinari long British Isles. Ol i bin sik, ol i bin lusim ol famili i sik na tarangu. Tasol maski, tupela i kalap long wagon na taim ol i lukim ol famili bilong ol, Heber i tok, “Yumi kirap na givim amamas long ol.” Tupela i hatwok long sanap na singaut, “Hurrah, hurrah long Israel”

Mi lukim wankain pasin long wok bilong Bikpela long Lima, Peru, taim mi bung wantaim ol misinari long misinari treinin senta na misin long lima Mi lukim wanem! Mi lukim dispela wok i hariap long ai bilong mi yet. Nau igat 7-pela misin long siti bilong Lima tasol.

Long pinis bilong miting, ol misineri i gat wanpela samting long mekim mi kirap nogut. Ol i kirap na singaut, “Hurrah long Israel.” Mi no inap lus tingting long dispela taim; mi wis olsem yupela bin stap. Long ai bilong mi em ol misineri husat i lusim ol “samting bilong dispela wol”{ long sevim Bikpela na hariapim Kam bek bilong Em.

Yumi lukim Bikpela i hariapim ol edukesen opotuniti bilong ol memba bilong yumi na tu ol narapela. Wanpela samting i mekim yumi narakain olsem Sios em strong yumi putim long edukesen. Bikpela i tok strong long stat bilong Restoresen long “painim pasin bilong lainim, long stadi na long feit.” Dispela i kamap tede na yumi ken singaut “hurrah.”

Nau yet moa long 800,000 sumatin long olgeta hap bilong wol i enrol long seminari na institut dispela em i bikpela namba tru long histori bilong Sios. Ol yut bilong yumi i bung long kain kain wei, long bik moning taim, long san, na long avinun klas igo long onlain na long hom-stadi. Ol i wanpela strongpela na stretpela lain, ol i kisim strong long wanpela narapela taim ol i lainim long Jisas Krais, bihainim em, na testifai Em i Pikinini bilong God.

Las yia long fol mi toktok long wanpela devosinel long hap i pulap long ol seminari na institut sumatin na ol papamama bilong ol long University bilong Utah. Kamap bilong ol i soim laik bilong ol long save long na bihainim Jisas Krais. Toktok bilong mi long ol dispela sumatin i klia: Givim Bikpela inap taim. Mi kaunselim ol long skelim gut ol skul bilong ol wantaim ol bikpela skul tru, na tu, ol i mas stadi long Pikinini bilong God i stap laip.”

Mi askim olgeta long wankain samting tede: Wanem i stap long list bilong yu long wokim, givim wankain taim, ino spea taim, long Bikpela long stadi taim bilong yu wan, famili stadi taim bilong Kam, Bihainim Mi, beten, Sios koling, ministering, kisim sakramen, lotu insait long temple, na tingting long ol samting bilong God. Bikpela na Seivia bilong yumi i tok, “Lainim long mi … na yu bai painim malolo bilong sol bilong yu.” Kisim Em long tok bilong Em. Na givim wankain taim long Em.

Presiden Nelson i tok: “Mi plid wantaim yupela larim God stap insait long laip bilong yupela. Givim Em sampela taim bilong yupela. Taim yupela mekim olsem, lukim wanem bai kamap long gutpela spiritual laip bilong yupela.”

Yumi lukim dispela pasin i kamap strong long ol semineri, na ol institut na ol Sios univesiti. Long kain ples olsem, Bikpela i namba wan tru. Olsem na Em i mas i insait long laip bilong yumi wan wan.

Narapela hap i lukim bikpela gro bilong edukesen insait long Sios em long BYU–Pathway Worldwide. Long olgeta wol, enrolmen i go nap klostu olsem 75,000 na i wok long gro hariap. Planti em ol membas, na planti moa long stap long Africa. Pathway em long helpim olgeta long kisim edukesen. Taim ol i pinisim dispela skul, ol bai kisim wok mani, na dispela bai helpim ol famili long i stap gut na i opim rot long ol i ken mekim wok bilong Bikpela.

Taim mi bung wantaim ol steik lida long Uganda, mi lainim olsem olgeta steik presidensi i stap insait long BYU–Pathway. Sapos yumi redi gut long ol samting bilong nau na long ol samting bilong spirit, bai yumi inap daunim ol trik bilong birua. Tingim tok bilong Pita: “Satan, i olsem wanpela laion i singaut strong, i wokabaut nabaut, painim husat em bai kaikai”

Mi luksave olsem namel long gutnius bilong gosgpel, i gat ol man i wok strong, na bilip bilong ol i gat hevi, na ol i gat tupela tingting, na ol i gat ol askim i olsem ol i no gat bekim bilong en. Ol brata susa, Jisas Krais em i ansa. Start wantaim Em. Painim han bilong Em long laip bilong yu. Harim Em. “Larim bel bilong yu i noken hevi,” Em i tok long laspela aua bilong Em long ol disapel pastaim long Gethsemane, pastaim long Em i karim kros long ol rot long Jerusalem, pastaim long Golgotha, we Em i pinisim dispela atoning sakripais bilong Em—wanem Em tasol, Pikinini Man bilong God tasol, i ken mekim.

Save olsem Em i klia moa. Em i karim olgeta sin bilong yumi, ol rong, ol sore, na ol taim nogut bai yumi ken i stap laip gen wantaim Papa bilong yumi long heven oltaim oltaim. Em i bin tok, “Lukluk ikam long mi long olgeta tingting; noken tubel, noken pret.”. Bilip long Jisas Krais bai litimapim yu na oraitim sol bilong yu. Trastim Em na yu bai hariapim go bek bilong yu long “ol han bilong em i gat lav.”

Mi tok strong gen ol toktok bilong profet bilong yumi i stap laip: “Yu lukim wanem samting i wok long kamap }long ai bilong mipela? Mi beten yumi bai no inap abrusim dispela bikpela taim! Bikpela i hariapim wok bilong Em. Bai yumi ol ol disaipel bilong nau i singaut, “Hura long Israel” taim yumi redi long Bikpela na Seivia bilong yumi. Long nem bilong Jisas Krais, amen.