Sel Taem ra Olutel a Bek el Tekoi

Sel blebelel a chelchad e ra Ikelesia ra Jesus Kristo ra Uriul-klebesei el Santo a milchelii a mlo rengii el luldelid el longasireng el blekeradel. A mle kot e ra ikal blekeradel a mlo rengii ra teruich el rak ruchei ersel mats e ra New York.

Sera lorael mo bedul a ongeteruich el buil ra 1820, a ngeasek el chad el ngklel a Joseph Smith a mirael elmo ra chelsel oreomel el kmeed e ra blil elmo meluluuch. Ng mla er ngii a keril kirel a osebelel a delebengel, e meketeket el loureng elmo medengei “el ngeral ra ikal rokui el [ikelesia] a merang, me [ngii] bol lodengei el ngera er ngii bol chedal.” A Joseph a ulemerang el kmo a Dios a mo onger a nglunguchel e mekrolii.

Kulengit me betebengar el kmo a Joseph a diak el dil lululuuch elmo medengelii a klemerang. Ngbai, miluluuch elmo medengei el kmo ngera melmalt me bol sebechel kutmeklii sel ngii a mekmalt. Joseph a ulengit el lokiu ra klaumerang e mle keltmokl elmo uedikel el loltirakl ra ikel nger el ngaii.

“Me ngkoiu a [nger] er a [meral] nglunguchel, ea Dios el Chedam me a Ngelekel Sechal, el Jesus Kristo, a mlo chemolt el mo er a Joseph e childolii a ‘olutel a rokui el tekoi’ (Rellir 3:21el mla medung er a chelsel a Biblia. Chelsel tia el ues, eng mlo medengei el kmo a uriul er a kodellir tirkel mle kot el re Apostol, e sel Ikelesia er a Kristo er a Beches el Renged a mlo dibus er tia el beluulechad.” Joseph Smith ea mo imal a ureor el lmuut el churengelii sel losisechakl, deruchelel, me a ikel telbiil ma chedaol lureor ersel chuodel Ikelesia ra Osobel.

”A Joseph a ulterkeklii: “Ak milsterir a reterung el Chad, el didichir me a klebkellir a diak a ngerang el sebechel smodii, el dechor er a mellaongel. A ta er tir a milngedecheduch er ngak, el ulemekedong ra ngklek, e melutk ra chimong—Ngika Betik ra Renguk el Ngelekek el Sechal. Mrengesii!

Ngokiu er tial ues me a merael mei el longasireng el blekeradel, a Joseph Smith a mlo medengei el kmo a Dios ma Jesus Kristo a medengelii el kmong techang, tulmekereu el kirel sel diak a ulebengelel klengar er ngii, e ngarngii a mision er ngii el kirel a kutmeklii. Ngii a dirrek el milsuub a meklou a ultutelel suobel el kirel a teletelir, blekerdelir me a klikiid el Kle Dios—ea Chedam ma Ngalk a kakerous e bleketakl el meral Chad. Jesus Kristo a meral Ngelekel a Dios e ra reng me a tech.

Joseph Smith a milketeklii el kmo a Demad ra Babeluades me a Jesus Kristo a meral chad. Ng dilul kmo, “A Chedam a ngarngii a bedengel ra tech ma iuuis eldi ua chad; ma Ngelekel dirrek; ngdi Chedaol Reng a diak a bedengel ra tech me a iuuis, ngding Reng uai ea chad.”

A kuchais el kmo sel lotngelel a Chedam ma Ngelekel el mora Joseph Smith a mle uchelel a tekoi el kirel sel smiich el “oltel a rokui el tekoi el mildung ra ngerir a rokui el chedaol profet sera lomuchel a beluulechad.”

Sel longerung el terebel ra ongasireng el blekeradel el lultireklii sera longederodel ra mocha moluut el Ikelesia ra Osobel mesel loidel ma tebedel a Babier ra Mormon.

“A Joseph Smith a ngiluu sel sengk me a klisichel a Dios el mo oleluiid a cheuodel el rekord: el Babier er a Mormon—Tiang a Dirrek el Ouchais el Kirel a Jesus Kristo. A ika el chedaol llechukl a uldimukl a cheldechedechal a urerel a Jesus Kristo er a delongelir a rechad el ngara beluu el mle bedul Ngebard er a uriul ra Okisel er a Kodall. A Babier ra Mormon a olisechakl er a moktek er a klengar e smodii a osisecheklel a Kristo, el ngii a chedul tia el moktek. Me sel kldemel a chedaol llechukl el mo er a Biblia, ea Babier er a Mormon a ouchais a klaumerang el kmo a rokui el chad a ngelekel a betik er a rengud el Chedam er a Babeluades el sechal me a redil, e Ngii a ngarngii a chedaol moktek er a klengar er kid, e a Ngelekel Sechal, el Jesus Kristo, a mengedecheduch el merkid er a chelechal sils el di uai a sils er a chuodel.”

Mesel de chedal a oltel Ikelesia ra Osobel, “Aki oumerang er a Biblia el kmo ng tekingel a Diosse el loltirakl ra melemalt el oidel; aki dirrek el oumerang el kmo a Babier er a Mormon meng tekingel a Dios.” A Babier ra Mormon a tara testament e ra Jesus Kristo, a olterkokl el kmo a Biblia a klemerang, e oltel a bleketakl e kesiokel el klemerang el ririid e ra Biblia.

A Ikelesia ra Jesus Kristo ra Uriul-klebesei Santo olisechakl el kmo sel mle kot el Ikelesia el le kiltmeklii a Osobel, lulebang a chedaol klisiich, llach, me a telbiil ma chedaol ruoll, a mlo dibus er tial beluulechad. Me a telkib ersel lulaoch e ra oltel a rokui el tekoi ra ikal luriul sil, a re profet e ra uodel me a re apostol a mlei el lolterkokl ra klisichel a priesthood e ra Joseph Smith e milsang a kiis e ra priesthood. Tiang a mle ongedei e ra ikal terebel ra ongasireng el blekeradel el ultireklii sel mlorsel teletelel a chelchad e ra oltel a Ikelesia ra Osobel.

A klisichel a priesthood a msa mesiungel a Dios el “lomtechei er [Ngii] e oureor lobang a Ngklel.” “A kiis e ra priesthood ea klisiich el lomekrael e ra usbechelel a priesthood el kirir a rengelekel a Dios.”

Ngokiu a dereder er a Chedam me a Ngalek, e a mla mekiis er a kodall el Johanes el Techolb a ulutii, er sera 1829, a klisiich er a techolbechelid el kirel a ngbetel a klengit. Osisiu el rak, e a retedei er tirkel mle kot el Teruich me a teru el Apostol el—Petrus, Jakobus, me a Johanes—a ulutii a kleapostol me a lmuut el ngerachel me a kiis er a priesthood.

Elolem el rak ra uriul ersel lultireklii sera longederodel ra mocha moluut el Ikelesia, el ngara Templo ra Kirtland, ea Moses, Elias, and Elijah a ulterkokl el mora Joseph a bebil ra klisiich el kirel elmo kutmokl a urellel a Dios ra uriul klebesei.

A Moses a ulterkokl a ikel kiis elmo mengudel ra Israel.

Elias a ulterkeklii sel olutel sel ebangkelio ra Abraham, luldimukl e ra oltel sel telbilel a Abraham.

Elijah a ulterkeklii sel kiis e ra klisichel a omak, el msa sel klisiich el sebechel a chedaol lureor el meketmokl ra beluulechad elmo melmolm elmo cherechar, el ua sel domak e ra telungalk el ngara diak a ulebengelel deliongel el ngelakl e ra kodall.

A Joseph Smith a uleiuid e ra Babier ra Mormon, ng milai ocholt lochotii el kmo a Ikelesia e ra Jesus Kristo a lmuut el melketek. Ngdi Rubak a diluu ra Joseph me lak el longederodel e ra Ikelesia er Ngii eldi mereched. Ng bai, “okiu ra reng e ra ulaoch ma ocholt,” ea Rubak a mochotii el mora Joseph “sel lulterkokl el sils … el [ngii] a kirel elmo muchel el mengederodel e ra Ikelesia er Ngii el [lmuut,] el mei er a beluulechad.”

A Ikelesia a milchederodel lokiu a ungil klebechel el terebel ra disel luriul e ra oltel a priesthood me a loluches era Babier ra Mormon. A mle kot el lecheklel a Babier ra Mormona mlo rengii er sera Ongedei el buil 26, 1830, ea Ikelesia a milchederodel sera Ongeuang el buil 6.

“A Ikelesia er a Jesus Kristo er a Uriul-klebesei el Santo … a Ikelesia er a Kristo el Beches el Renged ra oltel a Ikelesia. Tia el Ikelesia a omak er a cherrungel el klengar er ngkel mesisiich el bad lorreked el rokir, a Jesus Kristo, me a sel Klou el Tngakireng er Ngii me a Okiis er a Kodall. A Jesus a mla lmuut el omekedong er a re Apostol e mla mesterir a klisichel a priesthood. Ngii a olengit er kid el rokui el mo er Ngii me a Ikelesia er Ngii, e mo nguu a Chedaol Reng, chedaol ruoll er a mo suobel, e mo nguu a deurreng.”

Tial mle emolt ra Chedam ma Ngalk el mora Joseph Smith, ma mloiuid e merma tuobed el Babier ra Mormon, me a oltel a klisichel a priesthood ma kiis a mle usbechal el lureor elmo toketekii sel oltel Ikelesia ra Rubak el mocha meng dart ma oketiu ma eim el rak er chelechal sils.

Ngara Uodel Renged, ea profet Daniel a ulemult e ra berous el kirel a bad elmo medasech e ra rois el diak a imal e mekekii a beluulechad el rokir. Tal rak ra uriul ra le mechederodel a Ikelesia, a Rubak ulsisecheklii a Joseph Smith el kmo a ikel kiis e ra rengedel a Dios a mla lmuut el “modars el mora chad el ngara beluulechad” ea “ebangkelio [ra Jesus Kristo a mo] berek el mora ulebengelel a beluulechad, eldi uai sel bad el mildasech ra rois el diak a imal.”

A kuuchais el kmo: A Rubak a mengedmokl er a yaksok er Ngii. A oltel a Ikelesia e ra Osobel a mla berek el meliuekl e ra beluulechad el donguu ra Dios el “mengudel elmo dmak elmo imong ra bekl el tekoi el ngara Kristo, el diul ngara babeluades, me a beluulechad; molmuut er ngii.”

A urellel a Rubak e ra uriul-klebesei “ea uchul meng mla chau ra re bekbedengir a rechad el chedal a Dios; ngii ea kerbai e luchul me a re profet, priest ma re kings a ngelomel lomes er ngii el ngara deurreng; tomes el bedul luchei loba deurreng el mengiil ersel sils el bode ngar er ngii; and fired with heavenly and joyful anticipations they have sung and written and prophesied of this our day.”

Tiakid el kot klou e ulebongel ra rokui el olutel a ebangkelio, “a cherrungel e selmosem e klebechel el dmak, el ulsiich loldak a olutel, me a kiis, ma klisiich, me a klebkall a kirel mo tmaut, e mocholt er sera temel a Adam el melmuut er chelechal taem. E diak el dil tiang, ng dirrek el likel klaleu el direkak a tal belcholt ra uchelel a beluulechad … a me emolt … er tial, ngii a olutel a cherengelel a taem.”

A Profet Joseph a liluut el smodii, “A rokui el chedaol ruoll ma ngerachel el direkak el meketmokl ra Priesthood, lokiu a osisechakl ma lechul a Dios ra ngii di el taem, a rokui el di morngii er sel lulebongel loluut, … el mildung er a ngerir a rokui el chedaol el Profet.”

Ak mla melasem elmo mesaod a ikel beot el lombil aikel kot el meklou a belkuk e klebokel el “meang el chais” el ngidil chad el kmung ngar ker ra beluulechad a sebechel nguu—sel klemechel a Rubak el Jesus Kriston a mla olutii a ebangkelio er Ngii me a Ikelesia ra ikal luriul klebesei.

Ak siotai ra re bekl el chad me losuub el kirel el lesang el kmo ng klemerang tial klumech. Aki ouchais el kmo tirkel chad ngara “nglunguuch e mesuub er a klemechel Oluut e ultuil er a klaumerang a mo ngeltengat el mo nguu a sioning er tir el kirel a chedaol moktek er ngii el kirel a kedmeklel a beluulechad er sel telib Longeru Lemei a Rubak e Osobeled, el Jesus Kristo.” A bol blak a rengmiu el meluluuch el mengichiil el diul melai e ouedikel el kirel a nger ra Dios, el ua ngeasek el Joseph Smith, esel klisichem elmo medengelii e ouedikel el kirel sel chedaol el sioning a merael elmo klou.

Ak sioning el kmo a Dios, el Diak a Ulebengelel Chedam, a Demad. A kuchais e sioning el kmo a Jesus Kristo a Betik era Rengul Ngelekel a Demal e Dital Ngelekel Sechal ra tech. Ngii a Osobeled e mo Olsobel er kid.

Ak dmeu a renguk el sioning el kmo a Chedam me a Ngalek a dilum er a buik el Joseph Smith, el milchelii a urerel a Olutel a ebangkelio er a Osobel er a Uriul-klebesei. A Babier ra Mormon a tara sioning e ra Jesus Kristo e ngarngii a tekingel a Dios. A deruchelel a Priesthood el lomtechei ra Osobel e loltirakl e ra Ngklel a ngarngii e ra beluulechad. Ea Ikelesia er a Jesus Kristo er a Uriul-klebesei el Santo a Ikelesia er a Kristo er a Beches el Renged e mla moluut. Ak kuchais lek sioning el kmo a ikal rokui el tekoi a klemerang el ngara chedaol ngklel a Rubak el Jesus Kristo, amen.