El Uaia Kekerei el Ngalek

A Jesus a ulemuchel er sel ulebongel el rak er a klengar Ngii er a beluulechad el melisiich osisechakl er a re Apostol er Ngii. Omko osischeklel me a Ikelesia er Ngii a melemolem louchais el Kirel, eng lmuut el betok el tekoi a kirel soiseb er a rengir a reteruich me a terung el di hutsu el chad el dirk lluich me a eua el buil Lodengelii.

A tara klebesei e a Jesus a miltebengar a mondai er a delongelir me nguleker, “Ngera kom kaumondai er ngii er a delongeliu?” E mlo merur, me te “di liluk,” meng llechukl el uaisei. Ngdi ngkal kot el ngarbab el sensei a millechesuar aikel mlara rengrir e millechesuar a kot el ochotel a keldidai el reng. Me Ngii “a milekedongii a tal kekerel ngalek el mor ngii, …

“E dilu el kmo, Ak meral dmu er kemiu el kmo, a lak mobult, el mo uai a kekerei el ngalek, eng diak el sebechem el mo soiseb er a rengedel a babeluades.

“Me ngike el nguu a rengul me riou el uaia kekerei el ngalek, a ngii a ngarbab er a rengedel a babeluades.”

Ng dirrek el kired el mo medengei el kmo uchei er a cherellel a Kristo, e a King Benjamin a dirrek lullisechakl er tial dmolech el tekoi er a klengarou el reng er a ngalek. Ng dmung, “A klechad er a tech a cheraro el mo er a Dios, … me a mormedad el diak a ulebengelel, ng di merekmo … bol santo, lokiu a tngakireng er a Kristo el Rubak, e mo uaia ngalk el bekongesengs, … e ngariou a rengul, … e mui er a beltik el reng, … el di uaia ngalk el [orrenges] er a demal.”

Chelecha, e ngarngii a bebil er a bleketakl el blekerdelir a re rengalek el diakdoldubech. lluich me a eim el rak er a mla me mong, e a mle edei a rekil el sechal ngelekel a ngeleked a milengchii chimal eim a rekil el odechal. Ngika el bechil a ngelekek, a ulmes er a rengelkir seikid el kesus, e mlo tmaut el olisechakl er a ngelkel redil aikel rokui el lodengei er a tekoi er a klausubes, e dmul kmo ngkal kekerei lochedal a locha diak lodengelii a ringelel a debengchii chimal a chad. Sel telitur el uldasu lolsischeklel ngkal chedam a mle ungil loureor el locha di mle tal bung, eng tmaut a klou llangel er a delmerab er a rengalek e a ngelekir el redil oldiu el kmo, “Ngkakid el mla mo medengei.”

Me ngera kede mesa er tial blekerdelir tirkal ngalek? Ngera sel lulengelii a Kristo er a chelsel a rokir el Babier er a Mormon? Ngera sel mle osischeklel er a lotengelii a ngau me a reanghel el mlo iliuekl er a rengalk, e ledu er a remeklou el chad el kmo “mesterir [tirkal] ngelkiu”?

Ng diak dodengelii a uchelel a ikal rokui, ngdi ak omdasu el kmo locha tir el dirk mekekerei e klikiid, oba kle ngariou el reng, el ngii a mosebeched el nguu el mei er a klengar er a kid alsekum me ke dorkedii.

Ngerang me a ikel sils el dilubech a ringel a lomekedong a tara profet el “kot el ngarbab el kelsuul?”? ngerang me a “kelsuul el uldasu me a keldidai el reng er a rengalk el chad” a olengchelel sel klou e meteu el blai, el ulekoad a chedaol klengar er a chelsel a berusel a Lehi? Me a re Zoramites, tirkel meluluuch el kuk mal di kirir? A Alma smodii el kmo te [meluluuch] el mo er a Dios el diolab a ngerir eng di ng mekedidai a rengrir … lolab a tekingel a beluulechad.

A dongaisisiu er tiang, e ngarngii a lmuut el ungil, lmuut el klikiid, malchub eng lmuut el medemedemek er a nglunguchel a ngalek? Ng di uaisel el de ngara babeluades. A Dios me a Kristo a merang, engdi a kuk rebebil sel uriul, aikel bo loruul a diak el meral ngara rengrir.

A ua le dilu a Elder Richard L. Evans er a okolem el rak er a mla me mong: “Betok er a kid a dmu el kmo kede kristiano, ngdi … ke de kora diobang er a kemikl kung. … Kede melengmes er a Ngii, e ng di diak doltirakl er a Ngii. … Kede omelekl a Tekingel, e ng di diak doltirakl er a klengar er a kid.” “Kede chemat er a Ngii, e ng di diak dongull er a Ngii.”

Ng mo uangerang a klengar er a belulechad a dolengmes er a Jesus el ngarbab er a merrekakl er a ngklel.

E ng di a rengalek a meral betik a rengrir er a Ngii, e sel beltik el reng a lousbech er ngii er a deleuill el mora rebebil er a klengar er tir. E uaisei, el dirke kekerei, e a rengalek a beot er tir loubeltik el reng, beot er tir el ousubes, e chocherchur ngii mesel ngarngii a mekngit, el suldii a mekngit el reng.

Me a lmuut el betok. Klikiid? Oumerang? Diak el medakt? Blekeradel?

A kulengit mei e mesa klengariou el reng er medal a Dios el ulechotii a tal ngeasek, el sechelik.

Sera January 5, 2025,—oketiu me a ta el klebesei er a memong—ea Easton Darrin Jolley a ngiluu a Aaronic Priesthood e mloterekokl el deacon er a Ikelesia er a Jesus Kristo er a Uriul-klebesei el Santo.

A Easton a kmal meketeketa loureng el mo sebechel merous er a sakrament er a Rubak. Eng di tial chedaol techall a dirrek el milsa klou el dektel el uase ng mol mo diak el sebechel, ngmol mesibas, a lechub e luchul a ulekakou el kirel a lechub e ngii me a telungalek er ngii a mo el mo merur.

Ka mesang, a Easton a smecher er a mekngit el rakt, el melemall a techel a bedenged el ngii a Ullrich a ngkel. Tial rektel a mla rulii meng betok el tekoi a meringel er ngii el meruul e tomer ngii er a ikel urungulel me a soal mo meruul tekoi. Ng di telkib el taem eng mo kirel di mereko el ngara wheelchair. A telungalek er ngii a diak lodengei el kmo ngera mo duubech er a tara klebesei er ngii.

Sel Sandei ruriul er a le nguu a priesthood, e a Easton a ua bol ketengel merous er a sakrament. Sel kmal silsichii a rengul a sel techall el merous er tial chedaol lomeruul el mo er a demal, el mle bisop er a ward. A uldesuel kirel tial urreor, eng ullengit, e lmangel e melekoi, el kmo ng kmal diak a chad ngii di el chadel mo olngeseu er ngii. Ng mle betok a uchul, di ngii a medengei, ngii a mle soal kudmeklii el diak olngeseu er ngii.

Uriul er a lomached el mukngeltengat a blauang—el ngii a olchotel a telemall el bedengel a Kristo—ea Easton, el smecher a bedengel, a melechedoi el mo nguu a tray. Eng di, ngarngii a kldei el terebel el kirel mo merael er ngii el mo er bab. Me tia, sera lenguu a tray er ngii, eng kmal mirrengul nguu el kmedir bab er tial dorreked er kid er ngii. E, mocha dengchokl er a tara ngarbab el terebel, e a ikal teblo el chimal a kursii a kadikm er a ochil longesechii er a kot el terebel. E kuk mocha kursii a katur er a ochil mo er a osisiu el terebel, e uaisei el merengul lolingatech el mol ngmasech el me er bab el de nguu er ngii eng Rois er a Everest.

E mocha mekekokil merech er ngii el mol mocha ulsirs er a chelsakl mel sebechel mo dechor. E mocha melai er tial tray er ngii. Meng di mle telal lomakes e mocha dechor medal a bisop, el demal, el merberebet a chiuosech er a medal, e mocha melsam el mengellakl er ngii el diak el bekiis el mo omechull er ngika el blak a rengul e mesisiich a klaumera er ngii el ngelekel. Ea Easton, a mocha otuu a telil e klikmechur, e locha mle sebechel kmo, “Ak mla kobkelii [a demak e] mla rokir a ureor el [ngii a milskak] el mo meruul er ngii.”

Klaumerang, duchelreng, klikiid, oumerang, omengull, e sel ulebongel, a beltikelreng el mo er a chedam el ngii a mle soal meruul er a rengul. Aikaikid me a lmuut el betok el blekeradel a rullidel dirrek el kmo, “Ngike … el nguu a rengul meriou el uaia kekerei el ngalek, a ngii a kot el ngarbab er a rengedel babeluades.”

Rodam me a rodos, a kuuchais el kmo a kot el ngarbab el beldeklel a klebokel tekoi el kudengei a retolechoi me a renglaek me a rengeasek el kmal mekreos el di ua ikel bla dosaod er chelechal sils. A kuuchais el kmo tir a llecheklel a rengedel a Dios el omerk er tial beluulechad er a rokui el klisichel me a klebekelel.

El okiu a osisiu el olchotel a klaumerang, ak mo sioning el kmo sera le ngeasek, a Joseph Smith a milsang aikel dilu el kmong miles e milngedcheduch el mor tirkei el dilul kmo ng milngedcheduch er tir. A kuuchais el kmo a Russell M. Nelson a ngii a mla moterekokl er a Dios el profet e chad er a ues. Lokiu a klengar el mui er a omenguiu, ak mo sioning el kmo a Babier er a Mormon a kot e betok a sengk er ngii er a ngidi el babier el blak chuiu e ngii a bad el titechel a kekere el blik er a chelsel a rengedel a betok el delemerab. Ak mo sioning el kmo a priesthood me a nglunguuch a mengerrungel er a klengar er a ngak—priesthood me a nglunguchiu. Ak medengei ikal rokui el kmo ng klemerang el ngak a sioning el ngara ngklel a kot el ngaruchei lolngesenges el ngariou a rengul el ngelekel a Dios—Alpha e Omega, el Ngarbab el Ngak a Ngii, el mlekerus, e sioning — el ngii a Rubak el Jesus Kristo, amen.