Mujeres Jóvenes omba’apóvo

Ojapo peteĩ áño, sesión general del sacerdocio conferencia-hápe, obispo Gérald Caussé oñe’ẽ Tupaogua kuimba’ekuérape ha omombe’u mba’eichaitépa umi orekóva Sacerdocio Aarónico ha Melquisedec oñoirŭ ojueja’ỹvaha ko obra de salvación apópe. Ko mensaje ha’ékuri tovasapy tuicháva oñeipytyvõkuévo umi mitãkuimba’e Sacerdocio Aarónico-guápe oikuaávo pe papel orekóva hikuái Tupã rréino yvy árigua ñemongakuaápe. Pe servicio joja omombarete Tupaópe ha ogueru peteĩ conversión ha peteĩ compromiso ipypukuvéva umi ñande mitãkuimba’ekuéra korasõme omyesakãvo ohóvo mba’eichaitépa ovale i-contribución ha mba’eichaitépa i-glorioso ko tembiapo.

Ko árape aipota che ñe’ẽ oñemoĩve upe mensaje-re añe’ẽ aja mba’eichaitépa Tupaogua mujeres jóvenes-re avei oñeikotevẽ ha oimeimprescindible ojejapo hağua Ñandejára rembiapo Itupaópe.

Pe obispo Caussé-icha, heta jey che adolescencia aja aiko peteĩ tupao rama michĩmívape ha py’ỹi ojejerure chéve takumpli asignación ha llamamiento-kuéra ojapo’ỹ meméva umi kakuaa. Ejemplo-rã, roĩvaguive imitãva programa-pe romoñepyrŭ jepi iniciativa roipytyvõ hağua rombosako’i ha rojapo hağua ore actividad ha umi acontecimiento especial-kuéra.Ro’escribí obras de teatro, rojapo aty puraheirã romokyre’ỹ hağua umi actividad rama-pegua ha roparticipapaite umívape. Añehenói rama kóro directora ramo , ha káda semana adirihi purahéi reunión sacramental-hápe. Peteĩ experiencia tuicháva niko peteĩ mitãkuña dieciséi áño orekóvape ğuarã oñemoĩ káda domingo miembro-kuéra rama-pegua rovái ha odirihi himno-kuéra purahéi. Añandu oñeikotevẽha cherehe ha aikuaa oĩha mba’e ikatúva ame’ẽ. Tekovekuéra ojerovia che aĩtaha upépe, ha che’enkanta añeñandu útil. Upe experiencia chepytyvõ amongakuaa hağua che testimonio Jesucristo-re ha, ojehuhaguéicha obispo Caussé-pe, omombyta che rekove Evangelio servicio-pe

Káda miembro oikuaava’erã heta oñeikotevẽha hesekuéra. Káda tekove oreko peteĩ mba’e importante ome’ẽva’erã ha oreko talento ijojaha’ỹva ha habilidad oipytyvõva ko importante obra oñemotenonde hağua. Ñane mitãrusukuéra oreko deber Sacerdocio Aarónico-pe oñemombe’úva Doctrina ha konveniope , ha ko’ãva tuicha ojehecháva jepi ha ojehechakuaáva.Mitãkuñakuéra Tupaogua, itúva ha ilíderekuérape, ikatu ndohechakuaái, ára oñemongarai rire, ha’ekuéra orekoha responsabilidad ojapyhýva konvenio rupi “hasẽséramo umi hasẽva ndive; heẽ, ha… omoangapyhyse umi oikotevẽvape, ha ha’eséramo Tupã testigo opa ára, ha opa mba’épe ha opa tenda [peimehápe], jepe pemano meve”. Umi imitãva oreko oportunidad okumplívo ko’ã responsabilidad ojapóvo servicio umi presidencia de clase, consejos de la juventud ha ambue llamamiento-kuérape.Káda mitãkuña Tupaogua oñeñanduva’erã valorada, orekóvo oportunidad oservívo ha oñandu orekoha mba’e de valor ikatúva ome’ẽ ko obra rembiapópe ğuarã.

Pe Manual 2:Administración de la Iglesia-pe, jaikuaa pe obra de salvación barrio-kuéra oikeha “miembro-kuéra obra misional, la converso-kuéra ñemombyta, miembros menos activos activación, templo rembiapo ha historia familiar, Evangelio mbo’epy”. Ko tembiapo barrio-pe odirihi ñande fiele obispo-kuéra, orekóva sacerdocio llavekuéra ivárriope ğuarã.Heta áño aja, ore presidencia ojapo oikóvo ko porandu: “¿Máva umi área oje’évape ndo participava’erãi ore mitãkuñakuéra?”. Ñembohovái ha’e ha’ekuéra orekoha mba’e ome’ẽkuaáva opa ko’ã tembiapo área-pe.

Ejemplo-rã, nda’aréi aikuaa heta mitãkuñakuéra Las Vegas áreape oñehenóiva oservi hağua consultora ramo templo ha historia familiar barrio-guápe.Omimbi hikuái kyre’ỹgui ikatútagui ombo’e ha oipytyvõ i-barrio miembro-kuérape ojuhu hağua iñemoñeréme.Oreko hikuái habilidades informáticas ovaléva, oikuaa mba’eichapa oipuruva’erã FamilySearch ha ikyre’ỹ omoğuahẽ hağua pe jeikuaa ambue tekovekuérape.Ojekuaa orekoha hikuái testimonio ha hesakã chupekuéra importancia orekóva ñane ñemoñarekuéra omanóva réra jeheka, umi ordenanzas de salvación imprescindibles ikatu hağuáicha ojejapo hesekuéra.

Ojapo mése areko oportunidad omoĩvo a prueba peteĩ idea mokõi mitãkuña catorce áño orekóvandi.Ajapo mokõi agenda kópia peteĩ consejo de barrio añetégui ha ame’ẽ Emma ha Maggie-pe.Ajerure chupekuéra tolee pe agenda ha tohecha oĩpa peteĩ punto de acción umi consejo de barrio-pe ha’ekuéra ikatuhápe oipytyvõ.Emma ohecha peteĩ familia pyahu ovataha barrio-pe, ha he’i ikatutaha oipytyvõ jeva ha ñemohendarãme.Opensa ikatu oñemoamíga familia mitãkuéra ndive ha ombo’e chupekuéra mbo’ehao pyahu.Ha’e ohecha oikotaha petei cena barrio-pe, ha oñandu oĩha heta ikatuhápe ojapo servicio.

Maggie ohecha oĩha heta tekove kakuaa barrio-pe oikotevẽva visita ha hermanamiento-re.He’i iporãitetaha chupe ovisita ha oipytyvõ umi miembro-kuéra kakuaa porãitépe.Avei oñandu ikatuha oipytyvõ umi barrio-gua miembro-kuérape oikekuaa hağua ha oipuru hağua umi red social.¡Añetehápe, ndaipóri mba’eve ko’ã mitãkuña’i agenda-kuérape ikatu’ỹhápe oipytyvõ hikuái!

Umi oguapýva consejo-pe ha orekóva llamamiento barrio-pe, ¿pehecha umi mitãkuñáme recurso valioso-icha oipytyvõ hağua umi tekotevẽ oĩvape ivarriokuérape? Pe lista de situaciones oikotevẽva servicio, ipuku jepi, ha py’ỹi ñapensánte umi kakuaáre barrio-pegua oñangarekova’erãha umi tekotevẽre. Oñe’invita haguéicha ñande poseedores del Sacerdocio Aarónico-pe omba’apo hağua itúva ha kuimba’ekuéra Sacerdocio de Melquisedec-peguándi, ñande mitãkuñakuéra ikatu oñehenói ome’ẽ hağua servicio ha oñatende umi barrio miembro-kuéra tekotevẽre isy ha ambue hermana-kuéra fiel ndive. ¡Ha’ekuéra ikatupyry ha oĩ ansiosa ha dispuesta ojapóvo hetave ke pe ohónte Tupaópe domingo-kue!

Oñekonsiderávo umi rol oñeha’arõva ñande mitãkuñakuéra ojapo ára oğuahẽmbotávape, ikatu ñañeporandu mba’eichagua experiencia-pa ikatu ñame’ẽ chupekuéra ko’áğa ñaipytyvõ hağua chupekuéra oñembosako’i hağua misionera-rã, eruditas del Evangelio, líderes umi tupaogua organizaciones auxiliares-pe, templo obrera ramo, tembireko, sy, mentóra ha amiga ramo. Ha’ekuéra ikatu oñepyrŭ ko’áğa ojapóvo heta umi rol. Py’ỹi ojerure imitãvape toipytyvõ ombo’e hağua mbo’epy clases dominicales-pe. Ko árape ñande mitãkuñakuéra oreko ohupyty hağuáicha oportunidad ojapóvo peteĩ servicio témplope ko’áğa peve ojapóvantekuri umi obrero de ordenanza térã voluntario-kuéra ohóvo templo-pe ambue imitãvandi, ojapo hağua omanóva ñemongarai. Ko’áğa oñeinvita mitãkuña’i Primaria-pegua oúvo preparación atyhápe templo sacerdocio-pe ğuarã, oipytyvõtava chupekuéra oikuaávo ha’eha avei participante importante sacerdocio obra oguerahávape Ha’ekuéra oikuaáva’erã kuimba’e ha kuñakuéra, imitãva ha mitã umi sacerdocio rovasapy receptore-paiteha , ha umi ikatúva o’asumi peteĩ papel activo obra odirihíva sacerdocio ñemotenondépe.

Obispo-kuéra, roikuaa pene rembiapo py’ỹi ipohyiha, ha katu umi prioridad ijyvatevévaicha ha’e umi cuórums del Sacerdocio Aarónico jepresidi, pe Manual 2 he’i “obispo ha ikonseherokuéra ome’ẽha liderazgo sacerdocio organización de las Mujeres Jóvenes-pe. Oñangareko peteĩteĩ mujeres jóvenes-re ha omombarete chupekuéra, omba’apo ağuivo túva ha líderes de las Mujeres Jóvenes ndive ko ñeha’ãme”. Avei he’i: “Obispo ha ikonsejerokuéra oparticipa meme atyhápe, proyectos de servicio ha Mujeres Jóvenes actividades-hápe”. Roime agradecida umi obispo ome’ẽva tiempo ovisitávo umi kláse Mujeres Jóvenes-pegua ha ome’ẽ umi mitãkuña ivarriokuéraguápe oportunidad taha’eve espectadora-gui ko obra-pe.¡Gracia yvágape umi obispo-kuérape o’aseguráva umi mitãkuña ha’eha participante valiosa oñangareko hağua barrio miembro-kuéra tekotevẽrel!Umi oportunidad ojeservi hağua significativa-háicha ohovasave chupekuéra umi actividades o’entretenéntevagui.

Peẽme, mitãkuñakuéra Tupaoguápe: pene adolescencia áñope ikatú okuchu ha py’ỹi i-desafiante.Rohecha heta pende apytépe oluchaha hína autoestima problema-re, ansiedad, tuicha estrés nivel-re ha ikatu avei depresión. Ñamaña oka gotyo ñamaña rãngue ñane problema-kuérare ikatu omyatyrõ umi téma, ha katu pe servicio py’ỹi ombovevýi ipohýiva ha ojapo umi desafío ha’ete naimbaretetereíriva.Petemba’éichapa omongakuaáta sentimiento de autoestima ha’e ohechauka, ñane interés ha ñande servicio opavavépe, jarekóva heta ñame’ẽva’erã. Pomokyre’ỹ Mujeres pemopu’ã hağua pende po ha peservi voluntariamente umi pehechahápe oĩha tekotevẽ.Ojejapóvo umi responsabilidad ojejapyhy’akue ojejapokuévo konvenio ñemba’aporã Tupã rréino oñemopu’ã hağua, tovasapy oñehẽne hekovépe, ha oikuaáta pe discipulado gozo pypuku ha opave’ỹva.

Hermano ha hermana-kuéra, ñane mitãkuñakuéra niko ñaimo’ã’ỹháicha.Oreko hikuái talento, peteĩ kyre’ỹ ha mbarete opa’ỹva ha oporiahuverekokuaa ha oporohayhukuaa. Ha’ekuéra oipota oikose utilidad-pe.Tekotevẽ oikuaa hikuái i-valiosa ha imprescindible-ha obra de salvación ryepýpe.Sacerdocio Aarónico ombosako’iháicha mitã kuimba’ekuérape peteĩ servicio tuichavépe ğuarã oñemotenondévo ohóvo Sacerdocio de Melquisedec gotyo, ñande mitãkuñakuéra oñembosako’i hína oiko hağua chuguikuéra miembro kuña organización tuichavévape ko yvy ári: Sociedad de Socorro.Oñondive, umi iporãitéva, mbarete ha fiel kuimba’e ha kuñakuéra imitãva oñembosako’i hína oiko hağua chuguikuéra tembireko ha ména, sy ha túva omongakuaátava familia digna Tupã rréinope.

Atestifika Túva Yvagagua rembiapo ha’eha ome’ẽ inmortalidad ha tekove opave’ỹva Ita’yrakuérape. Ñande mitãkuñakuéra porãite oreko peteĩ importante papel ojapótava oipytyvõhápe oñekumpli hağua ko obra tuichaite. Jesucristo rérape. Amén.