Hentekuéra ningo pe iñimportánteva

Oñembosako’i aja Paris, Francia Templo ñemopu’ãrã, aguerekókuri peteĩ experiencia ndacheresaraimo’ãiva araka’eve. 2010-pe, oñekonsegui jave yvy templo-pe ĝuarã, alcalde pe tavagua oñerreunise orendive oikuaave haĝua ñande tupaógui. Upe reunión ha’ékuri peteĩ paso crítico ojehupyty haĝua permiso oñemopu’ã haĝua pe templo. Roñeha’ã meme rojapo peteĩ presentación porã, heta Santo de los Ultimos Dias templo ra’anga hechapyrãva reheve. Aha’arõ’asy umi templo ñemopu’ã porãngue ohupyty oconvense haĝua alcalde-pe ome’ẽ haĝua ipytyvõ upe proyecto-pe.

Che ñemondyirã, pe alcalde he’i ohecharangue ore presentación, ha’e ha ijequípo o’investigase ijeheguínte oikuaa porã haĝua mba’eichagua tupaópa ñande. Mes oúvape, ore’invita rohendu haĝua informe ome’ẽtava peteĩ consejera municipal, ha’éva avei historia religiosa mbo’ehára. Ha’e he’i: “Opa mba’e mboyve, roikuaase mba’eichaguápa pende tupaogua miembrokuéra. Ñepyrũháme roho pende reunión sacramental-pe. Roguapy pe salón rapykuépe ha romañaporã umi congregación hentekuérare ha mba’épa ojapo hikuái. Upéi roñe’ẽ vecino kuéra ndive – umi oikóva icentro de estaca jerére – ha roporandu chupekuéra mba’eichagua héntepa umi mormonkuéra”.

Oĩporã ¿há mba’épa pende conclusión?”. Aporandu jepy’apy’imi reheve. Ha’e ombohovái: “Rohechakuaa Iglesia de Jesucristo de los Santos de los Ultimos Dias ha’e pe iñaĝuivéva Jesucristo Tupao original-gui ambue tupao che aikuaávagui”. Che haimete a’objeta upéva ha’évo: “¡Upéva nda’añetepái! Ndaha’éi Tupao iñaĝuivéva; ha’etevoi Jesucristo tupao, Itupaoite, pe Tupaoañetéva!”. Ha katu ajejoko ha upéva rangue ame’ẽ aguije ñembo’e kirirĩme. Alcalde he’i oréve, ojebasávo umi ohechakuaava’ekue ári, ha’e ha ijequipo ndo guerekói objeción templo oñemopu’ã haĝua icomunidápe.

Ko’ã árape, chemandu’ávo upe experiencia milagrosa-re, che’aguije pe alcalde arandu ha espíritu de dicernimiento rehe. Ha’e oikuaa ontende haĝua pe tupaópe,ndohupytýi ohechávo okáguio umi edificio apariencia terá mba’eichaitépa oñe’organiza institución ramo, ha katu omañava’erã umi millones miembro hekojojávare oñeha’ã meméva osegui haĝua Jesucristo-pe.

Tupao definición ikatu ojei pe’a peteĩ versículo Mormón kuatiañe’ẽmegui he’íva: “Ha…umi [Ñandejára discipulokuéra] oñemongaraiva’ekue Jesús rérape, oñehenói Cristo tupao.”

Ambue ñe’ẽme, Tupaópe iñimportánteva ningo hentekuéra. Peẽ, Ñandejára discipulokuéra ha’e pe iñimportánteva—umi ohayhúva Ñandejárape ha oseguíva chupe ojagarrávo hi’ári Héra konvénio rupive.

Presidente Russell M. Nelson peteĩ jave o’compara ko Tupao peteĩ vehículo iporãitevare. Ñande jahayhu ñande vehículo omimbipáva ha ipotĩva. Ha katu pe vehículo propósito ndaha’ei tojehecharamo iporãhaguére; sino ko vehículo omongu’eva’erã héntekuérape. Péicha avei, ñande, Tupao miembrohaicha, jaguerovy’a jareko rupi ko’ã lugar de adoración iporãite ha ojeguereko porã ha ipotĩva, ha avei jaguerovy’a umi programakuéra oiko porãiteva. Pero ko’ãva ha’e sistema de apoyo añónte. Ñande objetivo principal ha’e ña’invita Tupã ra’ykuéra ha tajyrakuérape tou Cristo rendape ha jagueraha chupekuéra pe konvénio rapére. Ndaipori mba’eve iñimportantevéva. Ñane rembiapo ha’e héntekuéra ha ikonvéniokuérape ĝuarã.

¿Ndahechapyrãipa pe téra oñeme’ẽva’ekue Tupao rrestaurádope pe ombojoajuha mokõi elemento iñimportantevéva opa Evangelio konvéniope? Tenondetépe oĩ Jesucristo réra. Ko tuapo ha’e Imba’e. Ha Ijexpiasiõ ha Ikonveniokuéra ñanesantifikáva ha’e úniko Salvación ha exaltasión rape. Mokõiha réra ojapo mención ñanderehe: umi santo, térã ambue ñe’ẽme, Itestigo ha Idiscipulokuéra.

A’aprende mba’éichapa iñimportante ñañecentra hentekuérape aservívo presidente de estaca ramo Francia-pe. Añepyrũvo che servicio, aguereko heta meta ambiciosa pe estaca-pe ĝuarã: barrio pyahu jejapo, centro de reunión pyahu ñemopu’ã ha jepe peteĩ templo ñemopu’ã ore región-pe. Seis años rire, ajerrelevávo, ndojehupytýi ni peteĩ umi objetivo. Ikatukuri añeñandu ndavaleietereiha, che objetivo kuéra noñemoambuéi rire umi seis año-pe.

Aguapývo pe estrado-pe ajerreleva árape, aguereko peteĩ aguije ha jehupyty remiandu pypukúva. Amañávo umi centenar miembro rova oĩva upépe rehe, Chemandu’ávo umi experiencia espiritual che mbojoajúva hendivekuéra.

Oĩ hermano ha hermanakuéra oikeva’ekue bautismo ýpe; ambuéva afirmava’ekué pe irrecomendación peteĩha ikatu haĝuaicha orrecibi umi ordenanza sagrada templo-pe ha oĩ jóvenes ha matrimonios a’aparta térã arrelevava’ekue misionero de tiempo completo ramo. Oĩ heta ambuéva, amistrava’ekuépe ohasa aja prueba ha jehasa’asy hekovekuérape. Añandu mborayhu pypuku opavave ha’ekuérare. Añandu mborayhu potĩ aservívo chupekuéra ha avy’a hekojoja ha ijeroviakakuaa pe Salvador rehe.

Presidente M. Russell Ballard ombo’e: “Iñimportantevéva ñande responsabilidad tupaópe ndaha’éi umi estadística ñainformáva ni umi reunión jajapóva, ha katu umi hénte – umi ñaministrávape individualmente pe Salvador ojapohaguéicha – toñemopu’ã, torrecibi mokyre’ỹ ha ipahápe, tokambia.”

Che hermano ha hermanakuéra pohayhuetéva ¿ñaime piko activo evangelio-pe térã ñanerembiapónte tupaópe? Pe clave ha’e jasegui pe Salavador ehemplo opa mba’épe. Jajaporõ upéicha, ñañesentráta naturalmente jasalva haĝua individuo-pe jajaporangue tarea térã ñamoĩ programakuéra.

¿Peñeporandu piko sapy’ánte mba’épa oikóne pe Salvador ovisitárõ pende barrio térã rama domingo oúva? ¿Mba’e piko ojapóne Ha’e? ¿Oiméne piko Ha’e ojepy’apýne ayuda visual-pa iporã térã silla kuéra-pa oñemoĩporã salón-pe? ¿Térã ohekáne Ha’e mávape ohayhu, ombo’e ha ohovasa haĝua? Oiméne Ha’e ohekáta peteĩ miembro pyahu térã peteĩ angirũ omoĝuahẽporã haĝua chupe, peteĩ hermano hasýva, térã peteĩ hermana oikotevẽva angapyhy, terá Peteĩ mitã karia’y okacháva ha oikotevẽva oñemokyre’ỹ ha oñemopu’ã.

¿Mba’e clase-pa ovisitáne Jesús? Na che sorprendemo’ãi Ha’e ohora’ẽramo ovisita mitãnguera Primariaguápe. Oiméne oñesũta ha oñe’ẽta chupekuéra hovápe. Ohechaukáta chupekuéra Imborayhu, omombe’úta historiakuéra, omomba’eguasúta iñemoha’angakuéra ha otestifikáta chupekuéra Itúva Celestial-gui. ¿Ikatupiko jajapo upéicha avei?

Apromete peẽme peñeha’ãrõ peĩme Ñandejára agenda-pe, mba’eve naiñimportantevemo’ãi pejuhúgui tapicha peipytyvõ ha pehovasa haĝua. Tupaópe, peẽ peñesentráta pembo’évo individuokuéra ha pepoko ikorasõre. Pejepy’apýta toguereko hikuái peteĩ experiencia espiritual peorganiza rangue peteĩ actividad perfecta; peministráta pene hermanokuéra miembro-pe peñeñandu rangue importante pejapo haguére heta visita. Peẽ ndaha’emo’ãi iñimportantevéva, ha katu ha’ekuéra umi ñahenóiva ñande hermano ha hermanakuéra.

Sapy’ánte ja’e jahataha tupaópe. Ha katu tupao ha’eve peteĩ óga térã tenda particular-gui. Pe tupao hi’añete ha oikove umi tendápe imirĩvéva oĩva mombyry ko mundo-pe ha’e háicha icentro Lago Salado-pe. Ñandejaraite he’í kuri: Oĩhápe mokõi térã mbohapy ijatýva che rérape, upépe aĩ che imbytepekuéra.”

Jagueraha tupao ñanendive jahahápe: ñamba’apohápe, mbo’ehaópe, vacacionhápe ha especialmente, ñanderógape. Ñande presencia ha influencia añóntevoi ikatu ohupyty opa tenda ñaimehápe oiko haĝua chugui peteĩ tenda marangatu.

Chemandu’a peteĩ ñemongeta aguerekova’ekue peteĩ che amigo ndaha’éiva ñande tupaogua ndive. Ha’e oñesorprende oikuaávo ñande tupaópe opaite kuimba’e hekojojáva ikatu orrecibi pe sacerdocio. Oparandu chéve: “¿Mbo’y poseedor del sacerdocio piko oĩ nde barrio-pe?

30 ha 40 rupi, ambohovái.

Opensa’imi ha he’i: “Che congregación-pe roguereko peteĩ sacerdote añónte.¿Mba’erã piko peikotevẽ hetaite sacerdote domingo pyhareve?

Apensávo iporandúre, añeñandu inspirado ha’évo chupe: “Aĩ nendive. Ndaroviai roikotevẽha hetaite poseedor del sacerdocio tupaópe domingo.Ha katu si o si roikotevẽ peteĩ poseedor del sacerdocio cada ógape. Ha umi óga ndaiporihápe sacerdocio, oñehenói ambue poseedor del sacerdociokuéra-pe oñangareko haĝua umi familia-re ha oministra haĝua chupekuéra”.

Ñande tupao ndaha’éi tupao domingo-guánte. Ñande adoración oho meme semana ára ha ára, ñaime ñaimehápe ha tajajapo jajapóva. Ñande rogakuéra ha’e, en particular, “ñandejerovia santuario principal.” Ha’e ñande rógape hetave ñañembo’éva, jahovasa, ja’estudia, ñambo’eTupã ñe’ẽ ha jaservihápe mborayhu potĩ reheve. Che experiencia personal rupi, ikatu atestifika peẽme ñanderogakuéra ha’e tenda marangatu Espiritu ikatuhápe oĩve ñande adoración formal rendakuéragui.

Ame’ẽ testimonio koTupao ha’eha Jesucristo tupao. Imbarete ha kyre’ỹ ou umi millones miembrokuéra rembiapo meme rupive, ára ha ára oñeha’ãva osegui haĝua Iñehemplo supremo oñangarekóvo hapichakuérare oĩ oĩháme. Cristo oikove ha Ha’e odirigi ko tupao. Presidente Russell M. Nelson ha’e profeta Ha’e oiporavova’ekue ñande dirigi ha ñande guia haĝua ko’ã árape. Ko’ã mba’égui atestifika, Jesucristo rérape. Amén.