Peteĩ Profeta korasõ
Ikatukuaa javy’a pe Ñandejára profeta oikémagui en función ha pe Ñandejára obra ojejapoha hina Ha’e divinamente omoĩhaguéicha.
Chepy’aite guive añembo’ékuri pe Espíritu Santo oĩ haĝua opavavendi ko ára celestial. Ko oñondivepa jahechava’ekue hechapyrãite: pe 17.º profeta ko dispensasiõgua oñesostenékuri Asamblea solemne-pe.
Añeha’ã jave arrecibi guia aikuaa haĝua mba’épa Ñandejára oipota ha’e ko ára, chemandu’a peteĩ ñomongeta nda’aréi arekoakue pe Primera Presidencia pyahu miembro ndive. Upe ñomongetápe, peteĩ umi konsehéro he’i ko’ã ñe’ẽ: “Aha’arõite ningo pe Tupao miembrokuéra toikuaa pe tuichaite mba’e oikoakue oñehenóivo peteĩ profeta pyahu, presidente Russell M. Nelson, ha mba’eguasu ha santida orekóva pe Asamblea solemne ojejapótava conferencia general-pe”. Ha’e he’ive: “Ohasáma diez ary ha oĩ heta, especialmente umi jóven de la iglesia, naimandu’ái ni ndohasáiva ko’ã mba’e upe mboyve”.
Péva rupi añepy’amongeta umi experiencia che areko’akuére. Primer profeta chemandu’áva ha’e presidente David O. McKay. Ha’e omanóvo guare che areko’akue 14 ary. Chemandu’a pe sentimiento de pérdida oñeñandu’akue ha’e omanóvo, umi che sy resay ha ñembyasy oñandúva mayma che familiagua. Chemandu’a mba’éichapa umi ñe’ẽ “Ehovasami presidente David O. McKay-pe”, osẽ pe che jurúgui naturalmente che ñembo’épe, ha ndajesarekóiramo, ha’e omano rire jepe, ajejuhu ha’énte hina umi ñe’ẽ. Che añeporandúmi che apytu’ỹ ha che korasõpa orekóne péichagua temiandu ha jekuaa añete umi Profeta oúvare ha’e rire. Ha katu, haimete pe tuvakuéra ohayhuháicha opavave ifamilia, che añandúkuri mborayhu, joaju ha testimonio presidente Joseph Fielding Smith-re, ou’akue presidente McKay rire, ha opaite profeta oúvare upe rire: Harold B. Lee, Spencer W. Kimball, Ezra Taft Benson, Howard W. Hunter, Gordon B. Hinckley, Thomas S. Monson ha, ko’ára, presidente Russell M. Nelson. Che asoste’akue opaite profeta chepy’aite guive, che po ha che korasõ mopu’ã reheve.
Opa ára peteĩ ñande profeta jahayhúva omanovove, hekopegua ningo ñañandu vy’a’ỹ ha peteĩ mba’e oñehundivaicha. Ha katu pe vy’a’ỹ michĩve, gozo ha esperanza jarrecibívagui ñañandúvo peteĩva pe Restauración jehovasa guasu: peteĩ profeta viviente pyahu ñehenói ha ñesostene ko yvy’ári.
Pévare, añe’ẽta ko proceso divino ojehechava’ekue rehe ko’ã noventa diá paha. Amboja’óta cuatro hendápe: primero, ñande profeta ñemano ha pe Primera Presidencia mbojei ojuehegui; segundo, pe ára oñeha’arõva Primera Presidencia oñe’rreorganisa haĝua; tercero, pe profeta pyahu ñehenói; ha cuarto, peteĩ profeta pyahu ha pe Primera Presidencia ñesostene Asamblea solenme-pe.
Peteĩ Profeta ñemano
Pe 2 de enero de 2018, ñande profeta jahayhúva, Thomas S. Monson, ohasákuri pe velo mboypýri. Akóinte Ha’e orekóta peteĩ tenda ñane korasõme. Pe presidente Henry B. Eyring he’iakue presidente Monson omanorõguare omombe’u porãite umi ñañandúva: “Pe hekove sello distintivo, Salvador rekovéicha, ha’éta jepy’apy individual ha’e orekóva oipyso haĝua ipo umi imboriahúva, umi hasýva ha opa tapicha yvy’ariguáre”.
Presidente Spencer W. Kimball he’iakue:
“Peteĩ mbyja okañyháicha ararapópe, ambue osẽ hendaguépe, ha pe ñemano ogueru jeikove.
“Ñandejára rembiapo ndaijapýrai. Omanóramo jepe peteĩ líder guasu, ni sapy’ami pe Tupao ndopytái sin dirección, gracias pe benévola Providencia ome’ẽakue Irréinope continuidad ha perpetuidad. Ojehúma haguéicha …ko dispensasiõ mboyve, peteĩ tavaygua omboty kirĩháme peteĩ ñeñotỹha, omokã umi hesay ha omoĩjey hova tenonderã gotyo”.
Pe pa’ũ apostólico
Pe ára profeta ñemano ha Primera Presidencia ñe’rreoganisa aja, ojehero “pa’ũ apostólico”. Upe ára aja, pe Quórum de los Doce, Presidente del Quórum sãmbyhy guýpe, oreko oñondivepa umi lláve oadministra haĝua pe Tupao liderazgo. Presidente Joseph F. Smith ombo’eakue: “Tapiaite oĩ máva pe Tupao akãme; ha pe Presidencia de la Iglesia ndaiporivéiramo ñamano térã ambue mba’ére, upévo osegui umi Doce Apóstol pe Tupao akã ramo oñemoĩjey peve peteĩ presidencia”.
Pe pa’ũ apostólico ipyahuvéva oñepyrũkuri presidente Monson omanóvo, pe 2 de enero , ha opákuri dóce diá upe rire, pe Domingo 14 de enero. Upe día de reposo pyhareve, pe Quórum de los Doce oñembyatýkuri sala superior Templo Lago Salado-pe, espíritu de ajúno ha ñembo’épe, presidente Russell M. Nelson sãmbyhy guýpe, ha’éva Apóstol iñantiguovéva ha Presidente del Quórum de los Doce.
Peteĩ Profeta pyahu llamamiento
Upe ñembyaty sagrado ha memorable-pe, ojeseguívo peteĩ mba’e oñemoĩmava’ekue, oñondivepa ha peteĩ ñe’ẽme, ko’ã Autoridad General oguapýkuri por antiguedad 13 asiento en semicírculo-pe, ha omopu’ãkuri hikuái ipo osostene haĝua, en primer lugar, pe organización de la Primera Presidencia ha, upéi, osostene haĝua presidente Russell Marion Nelson-pe, Iglesia de Jesucristo de los Santos de los Últimos Días Presidente ramo. Pe sostenimiento rire, pe Quórum de los Doce roñembyaty en círculo ha romoĩkuri ore po Presidente Nelson akã ári ro’ordena ha ro’aparta haĝua chupe, pe Apóstol iñantiguovéva oactuávo como portavoz.
Ha upéi, presidente Nelson onombra ikonseherokuéra: presidente Dallin Harris Oaks ha presidente Henry Bennion Eyring, presidente Oaks ndive, Presidente del Quórum de los Doce Apóstoles ramo ha Presidente Melvin Russell Ballard, Presidente en funciones del Quórum de los Doce Apóstoles ramo. Umi voto de sostenimiento rire, presidente Nelson oapartákuri opaite umi hermano irrespectivo kárgope. Péva ha’ékuri peteĩ experiencia isagradoitéva, henyhẽva pe manifestasiõ del Espíritu-gui. Ame’ẽ peẽme che testimonio paha pe Ñandejára rembipota, roñembo’e mbaretehague, oñemanifestahague poderosamente umi actividad ha acontecimiento upe ára oikoakuépe.
Presidente Nelson ordenasiõ ha Primera Presidencia ñe’rreorganisa reheve, opákuri pe pa’ũ apostólico ha, pe Primera Presidencia pyahu oñekonstituipyre oñepyrũ omba’apo, oñembopa’ỹre ni peteĩ segundo pe gobierno del Reino del Señor sobre la tierra.
Pe Asamblea solemne
Ko pyhareve oĝuahẽ hu’ãme ko proceso divino pe mandato ojehaiháicha Doctrina y Convenios-pe: “Porque es preciso que todas las cosas se hagan con orden y de común acuerdo en la iglesia, por la oración de fe”, ha “mbohapy Sumo Sacerdote Presidente…oñesostenéva pe Tupao confianza, fe ha ñembo’e rupi, oforma peteĩ quórum de la Presidencia de la Iglesia”.
Elder David B. Haight omombe’u peteĩ mba’e oiko’akue ko acontecimiento japarticipahague ko ára mboyve:
“Ko ára ñande ha’e testigo ha partícipe peteĩ suceso isagradoitéva: peteĩ asamblea solemne jatrata haĝua umi asunto yvagagua. Yma oikohaguéicha, umi santo opa yvy’arigua ojapókuri heta ajúno ha ñembo’e orrecibi hetaporã haĝua pe Ñandejára Espíritu, hatã oñeñandúva… ko ára.
“Peteĩ asamblea solemne, héra he’iháicha, ha’e peteĩ ára sagrado, serio ha rreverente santokuéra oñembyatyha pe Primera Presidencia sãmbyhy guýpe”.
Hermano ha hermanakuéra, ikatukuaa javy’a—jasupái jepe “Hosanna”!— pe Ñandejára portavoz, peteĩ Tupã profeta, oikehague en funciones ha Ñandejára horýgui ojejapoháre hina Hembiapo pe Ha’e divinamente omoĩhaguéicha.
Pe presidente Russell M. Nelson
Ko proceso divinamente ordenado rupive jareko ambue profeta divinamente llamado. Presidente Monson ha’ehaguéicha tuichavéva tekove yvy’ári oikoakue, péicha avei pe presidente Nelson. Ñandejára oprepara pukuakue chupe ha ohembo’ékuri chupete ñande lidera haĝua ko ára de la historia del mundo. Tuichaite jehovasa ha’e jareko haĝua ko ára ojehayhúva presidente Russell M. Nelson ñane amoroso ha devoto Profeta ramo, pe Tupao Presidente número 17 kóva, ko dispensasiõ pahápe.
Presidente Nelson ha’e añetehápe peteĩ yvypóra jepigua’ỹ. Arekókuri po’a aservívo pe Quórum de los Doce-pe, ha’évo ha’e che Presidente del Quórum, mokõi ary pukuvemi. Aviahákuri hendive ha amomorã pe mbarete orekóva. Pya’ete ningo rehova’erã resegui haĝua ipáso! Hekovépe, ha’e osivitákuri, en total, 133 tetã.
Ha’e oipyso ipo maymávape, imitã ha itujáva. Ha’ete ku entérope oikuaáva ha ivalete umi téra imandu’a haĝua. Maymave oikuaáva chupe oñandu ha’erõguáicha imehor amigo. Ha péicha opavave ñanendivekuéra, pe mborayhu ha jepy’apy añete oñandúva rupi opa tekove rehe.
Che relación principal presidente Nelson ndive ha’éramo jepe en funciones eclesiásticas, aikuaaporãkuri avei pe vida profesional presidente Nelson oreko’akue oñehenói mboyve Autoridad General ramo. Heta peẽkuéra peikuaaháicha, presidente Nelson ha’eakue peteĩ cirujano del corazón oñemomba’eguasúva ikarrera ñepyrũmby guive; ha’ékuri peteĩ desarrollador pionero de la máquina cardiopulmonar. Ha’e oĩkuri pe equipo de investigación oapojava’ekue pe primera operación a corazón abierto en un ser humano, 1951-pe, oiporúvo peteĩ baipás cordiopulmonar. Presidente Nelson ojapoakue peteĩ operación de corazón Presidente Spencer W. Kimbal-pe ha’e mboyvemi presidente Kimball pe Profeta.
Iñinteresante jahecha haĝua pe llamado del presidente Nelson al Quórum de los Doce ojapo 34 ary, ombopákuri pe ikarreramédica profesional omombarete ha omyatyrõ haĝua umi korasõ, ha péva omoñepyrũ iministério Apóstol ramo, ojededikáva omombarete ha omyatyrõ haĝua jaipapakuaa’ỹva decenas de miles de personas korasõ opa yvy’apére, oje’eleva ha okueráva umi iñe’ẽ arandu ha hembiapo de servicio ha mborayhu rupi.
Peteĩ Korasõ kristiano
Aimo’ã vove peteĩ korasõ kristiano omba’apóva ára ha ára, ahecha Presidente Nelson-pe. Ndaikuaáiva mavave péva ohechauka porãvéva presidente Nelson-gui. Chéve guarã ha’ékuri extraordinariamente instructivo ahecha haĝua de primera mano Presidente Nelson korasõ kristiano ñemanifesta.
Unas semanas che llamamiento rire los Doce-pe, octubre 2015-pe, arekókuri oportunidad ahecha haĝua Presidente Nelson rekove profesional oñehenói mboyve chupe a los Doce, 1984-pe. Añe’invitákuri aha haĝua peteĩ evento oñedistinguihápe chupe pionero ramo en la cardiocirugía. Aikévo upépe, chemondýi ahechávo hetaite profesional oĩva omomba’e ha ohechakuaa haĝua tembiapo presidente Nelson ojapo’akue heta ary upe mboyve médico ha cirujano háicha.
Upe pyhare, heta profesional oparticipa ha he’i rrespeto ha admirasiõ tuichaite orekóva pe contribución presidente Nelson ome’ẽakue rehe hi’especialidad médica-pe. Opaite umi orador upe pyhare odescribi porãitéramo jepe presidente Nelson rembiapokue, che impactavéntema peteĩ ñomongeta areko’akue peteĩ kuimba’e oguapýva ndi che ykére. Ha’e ndoikuaáikuri mávapa che, ha katu oikuaákuri presidente Nelson-pe, Doctor Nelson ramo, ha’erõguare director del programa de residencia de cirugía torácica de la Facultad de Medicina, 1955-pe.
Ha’ékuri presidente Nelson alumnokue, ha okomparti chendive heta mandu’a. Chéve guarã, pe imba’eguasuvéva ha’ékuri pe estilo de enseñanza del presidente Nelson, pe he’iháicha, ome’ẽhague chupe tuicha terakuãporã. Ha’e he’i chéve una buena parte pe instrucción a los residentes de cardiocirugía ojejapohague umi sala de operación-pe. Upépe, umi residente ohecha ha ojapo cirugía bajo supervisión docente ha’erõguáicha peteĩ laboratorio ha salón de clases. Omombe’u chéve, que con sierto cirujano de la falcultad, ivaietereiha pe ambiente sala de operación-pe, ikompetitivo, heta presión ha egocentrismo. Ha’e odescribi peteĩ ambiente difícil ramo, ha a véce, idenigrante jepe. Péicha rupi, umi cirujano residente py’ỹi oñandúva pe ikarrerakuéra osãingoha peteĩ ílore.
Upévo, he’i chéve pe ambiente singular oĩva presidente Nelson sala de operación-pe. Entéro mba’e ipacífico, itranquilo ha idigno. Ojetrata con respeto umi médico residentepe. Upevére, Dr. Nelson ohechauka rire peteĩ procedimiento, oha’arõva pe más alto nivel de desempeño apa umi residente-gui. Ko kuimba’e he’i chéve umi mejores resultados en los pacientes ha umi cirujano ivalevéva osẽhague Dr. Nelson sala de operasiõgui.
Ko mba’e ni michĩmi nachesorprendéi. Péva ha’égui ahecha’aguĩ’akue ha che rovasa guasuete pe Quórum de los Doce-pe. Añandu, en cierto modo, che ha’ehague peteĩva umi “irresidente en formasiõ”.
Presidente Nelson oreko peteĩ manera única ohekombo’e ha okorrehi haĝua de forma positiva, respetuosa ha inspiradora. Ha’e ningo pe korasõ kristiano moha’angaha ha peteĩ ehémplo opa ñandéve ĝuarã. Chugui ña’aprende tañaime oimeraẽ circunstancia, pe ñane conducta ha ñane korasõ ikatuha oĩ a tono Jesucristo evangelio principio-kuéra ndive.
Ko’ãga jareko jehovasa ñasostene haĝua ñande profeta, presidente Russell M. Nelson. Hekove pukukue aja, ha’e omagnifikava’ekue hetaite función ojapo’akue, estudiante, túva, mbo’ehára, ména, doctor, líder del sacerdocio, abuelo ha Apóstol ramo. Ha’e okumplíkuri ifunción en el pasado, ha ojapónte péicha ohóvo, peteĩ Profeta korasõ reheve.
Hermano ha hermanakuéra, pe jahechava’ekue ha japarticipahague ko ára, peteĩ Asamblea solemne-pe, okonfirma che testimonio presidente Russell M. Nelson ha’eha Ñandejára portavoz viviente opa yvypórape ĝuarã. Ambojoapy avei che testimonio Tupã pe Túva-gui, Jesucristo-gui, ha Hembiapo ñande Salvador ha Redentor ramo. Jesucristo rérape. Amén