Umi ordenanza de salvación ome’ẽta ñandéve peteĩ tesape iporãmbajepéva

Pe Leales a la Fe-pe he’i: “Peteĩ ordenanza ha’e peteĩ acto sagrado ha formal ojejapóva autoridad del sacerdocio-re.[Umi] ordenanza-kuéra [ha’éva] esencial exaltación-rã… héra ordenanzas de salvaciónHa oĩ ipype ñemongarai, confirmación, ordenación Sacerdocio de Melquisedec-pe (kuimba’ekuérape ğuarã), investidura del templo ha sellamiento ñemenda rehegua”.

Éder David A. Bednar ombo’e: “Umi ordenanzas de salvación ha exaltación ojejapóva Ñandejára Tupao restaurado-pe … ha’e canales autorizados ikatuha rupi ojehykuavo tovasapy ha yvága pokatu opa tapicha rekove ári”.

Peteĩ moneda hova mokõivaicha, opa ordenanzas salvadoras oñemoirŭ Tupã konveniokuérare. Tupã opromete tovasapy ña’onrrávo fielmente umi konveniokuéra.

Profeta Amulek he’i: “… ko tekove ha’e pe ára yvypóra oñembosako’iva’erãha oñemoĩ hağua Tupã renondépe …” (Alma 34:32). ¿Mba’éicha ñañembosako’i? Ñamoğuahẽvo ordenanza-kuéra dignamente. Avei, presidente Russell M. Nelson ñe’ẽme, “[japytava’erã] konvenio rapépe”. Presidente Nelson he’ive: “I-compromiso osegívo Ñandejárape, ojapóvo konveniokuéra Hendie ha upéi oñongatúvo umi konvenio, oipe’átaha okẽ káda privilegio ha bendición espiritual-pe ğuarã oĩva kuña, kuimba’e ha mitãme ğuarã opa hendápe”.

Heta peẽicha, John ha Bonnie Newman omoğuahẽ umi bendiciones espirituales opromete’akue presidente Nelson.Peteĩ domingo, oho rire tupaópe mbohapy imitã michĩvandi, Bonnie he’i John ndaha’íva tupao miembro-pe: “Ndaikatúi ajapo kóva cheaño;Redesidiva’erã rejútapa orendive Tupaópe térã eiporavo peteĩ Tupao ikatutahápe jaha oñondive, ha katu ko’ã mitã tekotevẽgui oikuaa itúva avei ohayhuha Tupãme”.Domingo oúvape ha káda domingo upe rire, John ndaha’éi oúnteva, sino áño pukukue avei ojapo servicio ombopúvo piano heta barrio, rama ha Primaria-hápe.Areko privilegio ajejuhúvo John ndive abril 2015-pe, ha pe atyhápe ro’e iporãveháicha ha’e ohechauka imborayhu Bonnie-re ha’éta ogueraha chupe templo-pe, ha katu upéva ndaikatúimo’ãi ndaikaraíriramo.

Oho rire Iglesia de Jesucristo de los Santos de los Últimos Días-pe 39 áño aja, John ikarai 2015-pe. Peteĩ áño rire, John ha Bonnie ojesella Templo de Memphis, Tennessee-pe, 20 áño tembireko omoğuahẽ riréma iñinvestidura.Ita’ýra 47 áño orekóva, Robert, he’i itúvare: “Papá añete oho tenondeve omoğuahẽ rire sacerdocio”.Bonnie he’ive: “John akóinte ha’e peteĩ tekove hory ha ovy’áva, ha katu ordenanza-kuéra ñemoğuahẽ ha o’onrra ikonveniokuéra omongakuaa i-benignidad”.

Ojapo heta áño, presidente Boyd K. Packer o’adverti: “Peteĩ comportamiento porã ordenanzas del Evangelio’ỹre norredimimo’ãi ni ndo’exaltamo’ãi humanidad-pe” .Upéicha, ñaikotevẽ ndaha’éinte ordenanzas ha konveniokuérare jajevy hağua ñande Rúpe, sino avei Ita’ýra Jesucristo ha iñexpiasiõre.

Rey Benjamín ombo’e Cristo rérape añónte ha ha’e rupi ikatu oğuahẽ salvación kuimba’e ra’ykuérape (tojehecha Mosíah 3:17; tojehecha avei Artículos de Fe 1:3).

Iñexpiasiõ rupi, Jesucristo ñanerredimi umi Adán je’a consecuencia-kuéragui ha ohupytyka ñane arrepentimiento ha exaltación oútava.Hekove rupive, Ha’e ome’ẽ ñandéve ejemplo ñamoğuahẽ hağua ordenanzas de salvación, umi “ojehechaukahápe divinidad pokatu” (D. y C. 84:20).

Ñandejára omoğuahẽ rire ñemongarai ordenanza “okumpli hağua opa tekojoja” (tojehecha 2 Nefi 31:5–6), Sataná otenta chupe. Upéicha avei, ñane tentación-kuéra ndopái ñemongarai térã sellamiento rire, ha katu umi sagradas ordenanzas ñemoğuahẽ ha umi konveniokuéra ohóva hendie ñe’onrra, ñanemyenyhẽ tesape iporãmbajepévagui ha ome’ẽ ñandéve mbarete jarresisti ha jasupera hağua tentacion-kuéra.

Isaías oprofetisa umi ára pahápe “… yvy oñemongy’a… ojejapo haguére… ordenanza-kuéra ñemoambue…” (Isaías 24:5; tojehecha avei D. y C. 1:15).

Peteĩ advertencia ohóva hendie ojerrevela’akue profeta José Smith-pe, ha’e oĩha umi “… hembépe… o’onrra [Ñandejárape], ha katu… ombo’e doctrina ramo umi kuimba’ekuéra mandamiento, orekóvo apariencia de piedad, ha katu onegávo ipokatu” (José Smith—Historia 1:19).

Pablo avei o’adverti heta orekoha “… apariencia de piedad, ha katu [onegáta] ijefikásia; umívape omboyke” (2 Timoteo 3:5). Ha’ejey: umívape omboyke.

Umi distraccion ha tentacion-kuéra tekovegua ha’e “lobo ñarõicha”(Mateo 7:15).Pe pastor niko añete pe ombosako’íva, omo’ãva ha o’advertíva ovechakuéra ha ovecha’atýpe oñemoağui vove umi lobo (tojehecha Juan 10:12). Umi siervo-kuéra oñeha’ãvaicha o’emula pe Buen Pastor rekove perfecto, ¿ndaha’éi piko ñandete ñane ánga pastor-kuéra, avei ambuéichavagui? Profeta-kuéra, vidente ha revelador ñasostene ramóva konseho, ha Espíritu Santo pokatu ha don reheve, ikatu jahecha oúvo lobo-kuéra ñaimérõ alerta ha ñembosako’ípe. Mbohovakévo, ja-pastorea vove ñane ánga ha ambue tekove mba’e oimehaichareinte, ikatu ñaha’arõ oĩ víctima. Ñeñangareko’ỹ ogueru víctima. A’invita peteĩteĩ peẽme ha’e hağua peteĩ pastor fiel.

Santa Cena peteĩ ordenanza ñanepytyvõva japyta hağua tapépe, ha oje’uvo dignamente, ojehechauka ñañongatuha umi konveniokuéra ohóva hese ambue ordenanza-kuéra ndive. Ojapo áño, che rembireko Anita ha che rojapo aja servicio Misión Arkansas Little Rock-pe, asẽ ambo’e mokõi misionero mitãndi.Mbo’epy aja, pe buen hermano rombo’évape hína he’i: “Ahákui pende tupaópe; ¿mba’ére pe’uva’erã pan ha pey’uva’erã káda domingo?Ore tupaópe, rojapo mokõi jeýnte áñope, Pascua ha Navidápe, ha upéva tuicha isignificativo”.

Rokomparti hendie oñemandaha “[ñañembyaty] py’ỹi ja-participa pan ha vino-gui” (Moroni 6:6; tojehecha avei D. y C. 20:75). Rolee hatãMateo 26 ha 3 Nefi 18. Ombohovái upeichavérõ ndohechaiha oñeikotevẽha.

Upémarõ rokomparti ko ñembojoja: “Eñeimaginami rerekoha peteĩ accidente de tráfico tuicháva; rejejuhu herido ha inconsciente. Oĩ ohasáva uperupi, ha ohechávo reime inconsciente, ohenói emergencia número, 911.Oñangareko nderehe hikuái ha rereko jey consciencia”.

Roporandu ko hermano-pe: “Nde ikatu vove rehechakuaa nde jere, ¿mba’épa reporandúne?”.

Ombohovái: “Aikuaaséta mba’éichapa ağuahẽ upépe ha mávapa chejuhu. A’agradeseva’erã opa ára osalva haguére che rekove”.

¡Rokomparti ko hermano ndive Ñandejára osalvahague ñande rekove ha ja’agradeseva’erãha ára ha ára, opa ára!

Upéi roporandu chupe: “Reikuaávo Ha’e ome’ẽha Hekove nderehe ha orerehe, ¿mba’e py’ỹipa re’use pan ha rey’use Hete ha Huguy ra’anga?”.

Ha’e he’i: “A’entende, a’entende. Ha katu peteĩ mba’eve: Pende tupao andaivy’arekói ore mba’éicha”.

Rombohováiva: “¿Mba’e rejapóne Ñandejára Jesucristo oikéramo okẽ rupi?”.

Ombohovái: “Pya’e añemoĩne ñesŭháme”.

Roporandu chupe: “¿Ndaha’éi piko pe reñandúva reikévo peteĩ Santo de los Últimos Días kapíllape: reverencia Salvador-re?”.

Osapukái: “¡A’entende, a’entende, a’entende!”.

Ou tupaópe pe domingo de Pascua de Resurrección-pe ha ouve.

A’invita peteĩteĩ peẽme peñeporandu: “¿Mba’e ordenanza-pa, umíva apytépe Santa Cena, tekotevẽ amoğuahẽ, ha mba’e konveniokuéra tekotevẽ ajapo, añongatu ha a’onrra?”. Apromete peẽme japarticipa ordenanza-kuérape ha konveniokuéra ñe’onrra ojoajúva hendie, ome’ẽtaha pe tesape iporãmbajepéva. Jesucristo rérape. Amén.