Akoiete pemombytáta pende pekadokuéra remisión.

Tekove yvy ariguápe niko, ña’experimenta nacimiento físico ha pe oportunidad ñanase jeývo espiritualmente. Umi profeta ha apóstolekuéra ñanemokyre’ỹ “japáy umi Tupã reheguávape”, ha “[ñanase] jeývo” ha tañağuahẽ oikóvo ñandehegui “criatura pyahu Cristo-pe” ñamoğuahẽvo ñande rekovépevo Jesucristo Expiasiõ hovasapy ohupyty’ukáva. “Umi méritos, ha misericordia, ha Santo Mesías gracia” ikatu ñanepytyvõ ñavense hağua umi tendencias egocéntricas ha egoístas hombre natural rehegua ha oikóvo ñandehegui ñane abnegado, benevolente ha ñane santo-ve. Oje’e ñandéve jaikove hağua ikatu hağuáicha “ára pahápe [ñeñepresenta] pe [Ñandejára] rovake mancha’ỹ reheve”.

Profeta José Smith omombyky pe función esencial orekóva sacerdocio ordenansakuéra Jesucristo evangelio-pe: “Pe ñenase jey ou Tupã Espíritu rupi ha ordenansakuéra rupive”. Ko declaración mbarete ohechauka pe Espíritu Santo rembiapo ha umi ordenanzas sagradas-icha avei upe proceso ñenase jeývo espiritualmente-pe.

Pe Espíritu Santo niko upe Trinidad miembro mbohapyha. Ha’e niko peteĩ personaje de Espíritu ha ome’ẽ testimonio opa añeteguágui. Umi Escritura-pe, oje’e Espíritu Santo Consolador-ha , peteĩ Mbo’ehára ha peteĩ Revelador. Avei, Espíritu Santo peteĩ Santificador omopotĩva ha ohapýva mba’eky’a ha mba’evai kuimba’ekuéra ángagui tatapeguáicha ramo.

Umi sagrada ordenanza niko ifundamental Ñandejára evangelio-pe ha upe proceso Hendápe jajúvo ha ñañeha’ãvo pe renacimiento espiritual. Umi ordenanza niko tembiapo sagrado orekóva significado espiritual, importancia ijapyra’ỹva ha oĩva relacionados umi Tupã leyes ha estatutokuéra ndive . Opa umi ordenanzas de salvación ha Santa Cena-gua oje’autorisava’erã pe orekóvare umi sacerdocio llavekuéra oñeikotevẽva.

Umi ordenanzas de salvación ha exaltación oñe’administráva Ñandejára Tupao restaurado-pe hetave umi rituales térã representaciones simbólicas-gui. Uvei, ha’ekuéra niko canales autorizados ohasataha rupi umi jehovasa ha yvága poder opavave tekovépe.

“Ha ko sacerdocio mayor o’administra pe evangelio ha oreko upe lláve misterios del reino rehegua, heẽ, pe lláve Tupã jeikuaa rehegua.

“Upéicha, iñordenansakuérape ojechauka idivinidad poder.

“Ha iñordenansakuéra ha sacerdocio autorida’ỹ rehe, pe divinidad poder noñemanifestái kuimba’ekuérape ho’ópe”.

Ordenansakuéra ñemoğuahẽ, ha ñe’onrra integridad reheve, iñesencial oñemoğuahẽ hağua divinidad poder ha opa jehovasapy ikatúva ojehupyty Ñandejára expiación rupi.

Hesakã porãve hağua upe proceso ikatutaha rupi ñamoğuahẽ ha ñamombyta akoiete umi ñande pekadokuéra remisión, hesakã raẽveva’erã ñandéve pe relación inseparable oĩva umi mbohapy ordenansa sagrada apytépe omoingéva yvága poder: ñemongarai ñeñapymi, po ñemoĩ oñekomunikávo Espíritu Santo don ha Santa Cena.

Ñemongarai ñeñapymi pekadokuéra remisión-rã “ha’e pe Evangelio ordenanza ñepyrῦ” Jesucristo mba’éva ha ojepresedeva’erã Ñandejárare fe ha arrepentimiento añetére. Ko ordenanza “ha’e peteĩ señal ha Tupã mandamiento ome’ẽva [Ita’yrakuérape] oike hağua Irréinope”. Ñemongarai oñeadministra Sacerdocio Aarónico autoridad rupive. Pe proceso Ñandejárape jeju ha ña’experimenta pe renacimiento espiritual, ñemongarai ome’ẽ oñeikotevẽva pemopotĩ ñepyrῦ pekadokuéragui ñane ángape.

Pe convenio bautismal oreko mbohapy cometido fundamental: (1) Ñaime dispuestos jajapyhývo ñande ári Jesucristo réra, (2) ñanemandu’ávo hese tapiaite ha (3) jajapóvo Imandamientokuéra. Pe jehovasapy oñeprometéva oñe’onrra jave convenio ha’e “akoiete [ikatu jareko] Ijespíritu [ñanendive]”. Upéicha pe ñemongarai niko peteĩ ñembosako’i esencial jarresivívo pe oportunidad autorizada jareko meme hağua pe Trinidad miembro mbohapyha ñemoirῦ.

“Ñemongarai rire [y rupive] oñemoğuahẽva’erã [ñemongarai] Espíritu Santo-gua ikatu hağuáicha oĩmba”. Ombo’e haguéicha Ñandejára Nicodemo-pe: “nonaséiva y ha Espíritu-gui ndaikatúi oike Tupã rréinope”.

Mbohapy profeta José Smith declaraciones-pe ojejapo hincapié upe nexo vital oĩva ñemongarai ñeñapymi ordenansa pekadokuéra remisión-rã ha po ñemoĩ oñekomunika hağua Espíritu Santo don apytépe.

Declaración nro. 1: “Ñemongarai niko peteĩ ordenanza santa oporombosako’íva Espíritu Santo ñemoğuahẽrã; ha’e tape ha lláve ikatutaha rupi oñe’administra Espíritu Santo”.

Declaración nro. 2: “Iprovechosoiteva’erã piko ñamongarai peteĩ vosa yvy peteĩ kuimba’éicha, iñemongarai ndorekói rire objeto ramo pekadokuéra remisión ni Espíritu Santo ñemoğuahẽ. Pe ñemongarai y rupive niko ñemongarai nungánte, ha ndovaléi mba’eve ambue imitad’ỹre, oje’eháicha, Espíritu Santo ñemongarai”.

Declaración nro. 3: ““Ñemongarai y rupive, noñemoirῦi ramo ñemongarai tata ha Espíritu Santo-re, ndovalei mba’eve; ojoaju hikuái necesaria ha inseparablemente”.

Escritura-kuérape he’i jey jey pe relación constante oĩva principio apytépe ñemongarai, ordenanzas ha Espíritu Santo don ñemoğuahẽ ha pe arrepentimiento jehovasa glorioso pekadokuéra remisión-rã apytépe.

Nefi he’i: “Pe okẽ peikeva’erãháre niko arrepentimiento ha y rupive ñemongarai; ha upéicha ou upe pende pekadokuéra remisión tata ha Espíritu Santo rupive”.

Ñandejaraite he’i’akue: “Ha kóva ha’e pe mandamiento: Peñearrepenti, opavave peẽ, yvy apy, ha peju cherendápe ha peñemongarai che rerápe, peñesantifika hağua Espíritu Santo ñemoğuahẽ rupi, ikatu hağuáicha upe ára pahápe peñepresenta che renondépe mancha’ỹ reheve”.

Upe po ñemoĩ oñekomunika hağua Espíritu Santo don niko peteĩ ordenanza oñeadministráva Sacerdocio de Melquisedec autoridad guýpe. Pe proceso Ñandejárape jeju ha renacimiento espiritual ñe’experimenta, pe Espíritu Santo poder santificador ñemoğuahẽ ñande rekovépe ogueru ikatu peteĩ ñemopotĩ meme pekádogui ñane ánga. Ko jehovasa gozoso niko ikrucial ndaikatúire “mba’eveichagua mba’e ky’a oikove Tupã ndive”.

Oikóvo ñandehegui miembro Ñandejára Tupao restaurado-gua, jajehovasa peteĩ ñemopotĩ ñepyrῦ pekádogui ohóva ñemongarai-re, avei peteĩ ñemopotĩ meme pekádogui ikatúva ojehupyty Espíritu Santo ñemoirῦ ha poder rupive, upe tercer miembro Trinidad-gua.

Pepensa mba’éichapa peteĩ granjero oikotevẽ oikuaa hağua pe secuencia invariable oĩva ñeñotỹ ha ñemono’õpe. Iñentendimiento conexión oĩvare ñeñotỹ ha ñemono’õ apytépe peteĩ fuente constante motivación-rã ha o’influi opa decisión ha tembiapo ojapóvape upe granjero opa áño estacion aja. Upéicha avei, upe conexión inseparable oĩva ñemongarai ñeñapymi ordenansakuéra pekádo remisión-rã ha po ñemoĩ oñekomunika hağua Espíritu Santo don o’impactava’erã káda aspecto ñande discipulado-pe opa ñande rekove estacione-pe.

Pe Santa Cena niko ordenanza mbohapyha oñeikotevẽva ojeike hağua divinidad poder-pe. Ikatu hağuáicha ñañekonservapaite mancha’ỹre ko mundo-gui, oñemanda ñandéve jaha ñembo’e rógape ha ja’ofrese ñande sacramento-kuéra Ñandejára ára santo-pe. Pehecha umi emblema-kuéra Ñandejára rete ha ruguy rehegua, pe pan ha y, ojehovasa ha oñesantifika: “Oh Tupã, Túva Ijapyra’ỹva, Jesucristo rérape, nde Ra’y, rojerure rehovasa ha re santifika ko pan [térã ko y] opa umi ánga opartisipátavape ğuarã [térã hoy’útava] chugui”. Santificar niko he’ise ojejapo sánto ha puro. Umi Santa Cena emblema niko oñesantifika Cristo pureza ñeromandu’ávo, ñane dependencia total Iñexpiasiõre ha ñande responsabilidad ña’onrrávo ñane ordenansa ha ñane konvéniokuéra “ikatu hağuáicha ára pahápe [ñañepresenta] hovái [Hovake] mancha’ỹre”.

Santa Cena ordenansa peteĩ invitación sagrada ha recurrente ñañearrepenti añetévo ha ñañembopyahu espiritualmente. Pe Santa Cena-pe jepartisipa, ijeheguínte, ndoguerúi pekadokuéra remisión. Ha katu ñañembosako’ívo conscientemente ha japartisipa ko ordenanza sagrada-pe peteĩ korasõ quebrantado ha espíritu contrito reheve, jareko promesa akóinte jarekotaha Ñandejára Espíritu ñanendive. Ha upéa rupi Espíritu Santo poder santificador ñemoirῦ meme, ikatu ñamombyta akoiete ñande pekadokuéra remisión.

Añete jajehovasa káda semana pe oportunidad ja’evaluávo ñande rekove Santa Cena ordenanza rupi, ñambopyahúvo ñane konveniokuéra ha ñamoğuahẽvo upe konvénio promesa.

Sapy’ánte, umi Santos de los Últimos Días he’i oñemongarai jeyseha, ikatu hağuáicha ipotĩ jey ha oĩ digno pe ára orresivi ñepyrῦ haguéicha Evangelio ordenanza salvadora. Ta’emína peẽme respetuosamente ñande Ru Yvagagua ha Ita’ýra Ojehayhuetéva nopretendeiha ña’experimenta upe sentimiento de renovación, resurgimiento ha restauración espiritual peteĩ jeýnte ñande rekovépe. Pe jehovasa oúva Evangelio ordenanzakuéragui akói ñemoğuahẽ ha ñemombyta ñande pekadokuéra remisión rupi opermiti ñandéve ñakomprende pe ñemongarai ha’eha peteĩ punto ñepyrῦ ñane jornada espiritual ko yvy áripe; ndaha’éi peteĩ destino ikatuhápe jaju jey jeyse.

Umi ñemongarai ñeñapymi ordenansa, po ñemoĩ Espíritu Santo don oñekomunikávo ha Santa Cena ndaha’éi evento ha’eño ha iñambuéva; ha katu, ha’e umi elementos peteĩ esquema interrelacionado ha progreso redentor ñemongakuaápe. Káda ordenanza sucesiva omboyvate ha omongakuaa ñane determinación, ñande potapy ha umi ñande logro espiritual. Pe ñande Ru plan, Ñandejára Expiación ha umi Evangelio ordenanzas ome’ẽ gracia ñaikotevẽva jaha hağua tenonde ha japrogresa hağua línea línea-re ha precepto precepto-re ñane destino eterno gotyo.

Ñande niko yvypóra imperfecto ñañeha’ãva jaiko mortalidad-pe he’iháicha Túva Yvagagua plan perfecto-pe ñande progreso eterno-rã. Umi Iplan ojeruréva niko iglorioso, misericordioso ha riguroso. Ikatu ñanerenyhẽ determinación-gui sapy’ánte, ha sapy’ánte katu, ñañandu ikatu’ỹete. Ikatu ñañeporandu espiritualmente-pa ikatúne ipahápe jajapo mandamiento-kuéra ikatu hağuáicha ñañepresenta Hovái mancha’ỹ rehe ára pahápe.

Ñandejára pytyvõ ha Ijespíritu poder rupi, umi “ñanembo’éva [ñandéve] opa mba’e”, upéicha ikatúta jajehovasa añete hesakã hağua ñandéve umi ñande posibilidad espiritual. Umi ordenansakuéra ogueru determinación ha poderes espirituales ñande rekovépe, ñañeha’ãháicha ñanase jey ha oiko ñandehegui Cristo kuimba’e ha kuña. Ñane kangykue ikatu oñemombarete ha ñane limitacione-kuéra, ojesuperakuaa.

Ni peteĩva ñande apytépe ndaikatúiramo jepe jahupyty upe perfección ko tekove yvy ariguápe, ikatu ñaime digno ha mancha’ỹ rehe, ñaimévo “purifikádo Cordero ruguýre”. Che apromete ha atestifika jajehovasataha peteĩ Ñandejárare fe ñemongakuaáre ha peteĩ seguridad espiritual tuichavére ñañeha’ãvo ñamombyta akoiete ñande pekadokuéra remisión ha, ipahápe, ñañepresenta mancha’ỹre Ñandejára rovake ára pahápe. Upévagui atestifika Jesucristo rérape. Amén.