Consejos familiares

Hermano ha hermana-kuéra, túvaramo jeiko ironía niko heta jey ñandevaleve upévape ñane familia-kuéra okakuaapama rire. Ko ka’aru akompartíta penendive peteĩ mba’e iporãva’erãmo’ã aikuaa porã yma Bárbara ha che roñepyrῦ ramoguare romangakuaa ore familia rohayhuetéva.

Che ministerio apostólico aja, py’ỹi a’enfatisa poder ha importancia orekóva umi Tupaópe ñembyaty, avei umi consejos de misión, estaca, barrio ha organizaciones auxiliares.

Arovia umi consejo rupi ikatuha ojehupyty porãve umi resultado añete. Avei aikuaa umi consejo rehe Ñandejára omba’apo ha Ha’e ojapoha opa mba’e ko arapýre consejo celestial rupive, he’iháicha Santas Escrituras-pe ¹.

Ha katu, ko’áğa peve, araka’eve noñe’ẽñe’ĩva’ekue conferencia general-hápe pe consejo básico ha fundamental-vévagui; ha ikatu pe iñimportantevéva opavavégui: pe consejo familiar.

Akoiete niko oñeikotevẽ consejos familiares-re. Upéicha, ndopái. Ñande existencia premortal-pe, jaiko ramoguare Ñande Rukuéra Yvagaguándi ita’ýra heñóiva espíritu-icha, ñapertenese’akue peteĩ consejo familiar-pe.

Peteĩ consejo familiar oiko jave mborayhu ha atributos cristianos ndive, okontrarresta pe tecnología impacto umi py’ỹi ñandesareáva jahasa hağua tiempo por ã oñondive ha avei ogueruséva mba’evai ñande róga ryepýpe.

Penemandu’amína umi consejos familiares iñambueha noche de hogar-gui ojejapóva lunekue. Pe noche de hogar oñe’enfoka principalmente Evangelio enseñanza-kuérare ha umi actividades familiares-pe. Umi consejos familiares, katu, ikatu ojejapo oimaraẽva árape ha ha’e principalmente aty tuvakuéra oñehenduhápe ojupe ha ohenduhápe ifamiliakuérape.

Aimo’ã oĩha irundyháichante jepe consejos familiares:

Peteĩha, pe consejo familiar general oĩháme familia completa.

Mokõiha, peteĩ consejo familiar ejecutivo oĩháme sy ha túva.

Mbohapyha, peteĩ consejo familiar limitado oĩháme tuvakuéra ha peteĩva ifamilia.

Irundyha, pe consejo familiar peteĩteĩ oĩháme peteĩ túva ha peteĩ ita’ýra.

Opa umi consejo familiar escenarios-pe, umi dispositivos electrónicos oñembogueva’erã ikatu hağuáicha omaña ojuehe ha oñohendu hikuái. Umi consejos familiares aja ha sapy’ánte iporãva umi familia oñembyatyha, ikatu pemoĩse peteĩ ajaka umi dispositivos electrónicos-pe ğuarã ikatu hağuáicha—avei túva ha sy— omoĩ iteléfono, tabletas ha reproductores de MP3 upépe. Upe rire, ikatu peñomongeta consejo-pe peñandu’ỹre pe tentación pembohováivo mensaje Facebook-pegua, texto, Instagram, Snapchat térã correo electrónico.

Pepermitimína chéve takomparti mbykymi mba’éichapa ikatu omba’apo peteĩteĩva umi consejo familiar.

Peteĩha, pe consejo de la familia oĩmbávapeoike opavave miembro-kuéra.

Pe Tupaogua folleto hérava Guía para la familia-pe he’i: “Umi aty oiko … ojerresolve hağua umi problemas familiares, oñeñe’ẽ asuntos financieros-re, ojejapo planes, oje’apoya ha oñemombarete ojupe, oñekomparti testimonio-kuéra ha oñembo’e peteĩva ambuére [ha familia ñembojoajúre]”².

Ko consejo oñembyaty peteĩ momento oje’emava’ekuépe ha iformalve oimeraẽva consejo familiar-gui.

Oñepyrῦva’erã ñembo’e rehe, térã ikatu peteĩ ñomongeta extensión natural ramo oñepyrῦmava’ekue ambue hendápe. Pehechami peteĩ consejo familiar nameméi oñepyrῦ térã opa peteĩ manera formal-pe.

Tuvakuéra oñembosako’íramo ha ifamiliakuéra ohendu ha oparticipa intercambio de ideas-pe, ¡upe consejo familiar añete oiko!

Oñe’importa’ỹre mba’épa ñande situación familiar, ifundamental ñakomprende umi circunstancias peteĩteĩ familia miembro orekóva. Ñakomparti ramo jepe ADN, ikatu oĩ situaciones ha circunstancias ñande apytépe ikatúva tuicha iñambue ojuehegui ha oikotevẽva pe consejo familiar pytyvõ misericordioso-re.

Techapyrã, opa mborayhu ko mundo-pe, umi ñomongeta ha ñane sentimiento-kuéra ikatu ndorresolvéi peteĩ problema médico térã peteĩ desafío emocional orekóva peteĩ térã hetave familia miembro-kuérare. Upéicha jave, pe consejo familiar-gui oiko peteĩ ñembojoaju renda, lealtad ha mborayhu apoyo ojehupyty aja ñeipytyvõ okáragui ojehekakuévo solución.

Umi hermano-kuéra, tuichavéva, ikatu oiko mentor mbarete ramo umi mitã michĩvévape ğuarã tuvakuéra oipururamo consejo familiar ojerure hağua ñepytyvõ umi ára dificultad ha adversidad oĩ jave.

Upe sentido-pe, peteĩ familia ojogua peteĩ barrio-pe. Pe obispo o’involucra miembro-kuérape consejo de barrio-hápe, ikatu orresolve problemas ha ohupyty heta mba’eporã ikatu’ỹtavakuri ohupyty ipytyvõ’ỹre. Upéicha avei, tuvakuéra oikotevẽ opavave familia miembro-kuérare ombohovái hağua umi desafío ha adversidad. Upéicha, pe consejo familiar poder oñemomba’apo. Consejo familiar miembro-kuéra oñandu jave ha’eha upe decisión parte, oiko chuguikuéra partidario ha ikatu ohupyty resultados positivos específicos.

Nda’opavavéi consejo familiar oreko mokõivéva tuvakuéra ha ita’yrakuéra. I-consejo familiar ikatu ojehecha iñambuete pe ojehechava’ekuégui yma romongakuaa jave umi siete ore familiakuéra. Ko’áğa ore consejo familiar-pe roĩ Bárbara ha che, roraha’ỹ ramo peteĩ consejo de familia extendida omoingéva umi ore familiakuéra tuichavévape, iména ha hembirekokuéra ha sapy’ánte ore nieto ha ore bisnieto-kuérape.

Umi omenda’ỹva gueteri ha umi estudiantes oikóva mombyry hógagui ikatu ogueraha pe modelo divino consejo-kuéra rehegua oñembyatývo iñamigokuéra terã iñinrῦnguéra hogapeguándi oñomongeta hağua consejo-pe.

Pehecha mba’éichapa iñambuéne pe ambiente peteĩ apartamento-pe umi oñoirῦnguéra oñembyaty meméramo oñembo’e hağua, ohendu, ohesa’ỹijo ha oplanea hağua oñondive.

Opavave ikatu o’adapta peteĩ consejo familiar oguenohe hağua provecho upe modelo divino-gui omoĩva’ekue Túva Yvagaygua oporohayhúva.

Ha’eháichakuri, sapy’ánte umi consejo de familia iñasãiva ikatu oipytyvõ. Peteĩ consejo de familia iñasãivape ikatu oĩ abuelo-kuéra ha ta’yrakuéra tuichámava ndoikovéimava ógape. Avei abuelo-kuéra orekóva ta’yrakuéra tuicháva oikóva mombyry, ko’ãva ikatu oparticipa telefóno, Skype térã FaceTime rupi.

Ikatu pekonsiderase pejapo peteĩ consejo familiar general domingo aja, ha’éva ára semana-gua peteĩha, umi familias ikatu o’evalua upe semana ohasáva’ekue ha ojapo planes semana oútavape ğuarã. Kóva ikatu upe pene familia oikotevẽva penepytyvõ hağua pejapóvo día de reposo-gui peteĩ día deleitable.

Mokõihaichagua consejo familiar ha’e peteĩ consejo familiar ejecutivo oikehápe tuvakuérante. Upéva aja, tuvakuéra ikatu o’evalua umi necesidades físicas, emocionales ha espirituales, ha peteĩteĩ ita’yrakuéra progreso.

Pe consejo familiar ejecutivo avei ha’e peteĩ momento porã umi ména ha tembireko ikatuhápe oñemongeta irrelación personal-re. Élder Harold B. Lee ojapo jave ore sellamiento, orembo’e peteĩ principio ikatúva hi’útil opa pareja-pe ğuarã: “Ani peho peke peñesu’ỹre oñondive, pejojagarrávo pende pógui peñembo’e hağua. Umichagua ñembo’e o’invita Túva Yvagaguápe toñemoñe’ẽ Espíritu poder rupive”.

Mbohapyhaichagua consejo familia ha’e peteĩ consejo familiar limitado. Kóvape, mokõivéva túva ohasa tiempo peteĩva ita’ýrandinte taha’e formal térã informal. Kóva peteĩ oportunidad oñeñe’evo umi decisiones jejapo anticipación rehe umi mba’e ta’yrakuéra ojapótava terã ojapo’ỹtava uperire. Umi decisiones ojejapóvo, ikatu oñe’anotase ojehecha hağua upe rire oñeikotevẽ ramo. Pende ra’y térã tajýra pende rechávo tuvakuéra ramo o’apoyáva chupekuéra firmemente, umi aty consejo-gua ikatu ojapo metas ha objetivos upe rire ğuarã. Kóva ha’e avei peteĩ momento ñahendu porã hağua umi jepy’apy isériova ha umi desafíos ta’ýra ikatúva hína ombohovái ko’ã asunto-re confianza’ỹ, abuso térã jejahéi, acoso escolar térã kyhyje rehegua.

Irundyhaichagua consejo familiar ha’e peteĩ consejo familiar peteĩteĩ oikehápe peteĩ túva ha peteĩ ta’ýra. Kóichagua consejo familiar oikónte. Techapyrã, túva ha ta’ýra ikatu oipe’a provecho umi oportunidades-gui oho aja kóchepe térã omba’apo aja hógape. Peteĩ paseo peteĩva ta’ýra ndive ha túva térã sy ndive ikatu ogueru peteĩ tiempo especial ojejapo hağua lazos emocionales térã espirituales. Peprograma umi ocasion anticipación reheve ikatu hağuáicha ta’yrakuéra oha’ãrõ ha ohasase hağuáicha tiempo especial ha’eño sy térã túvandi.

Ko’áğa, hermanos ha hermana-kuéra, oĩ peteĩ tiempo umi ñande róga parede-nte oguereko haguépe opa defensa ñaikotevẽva umi intromisiones ha influencias okáragui. Ñamboty umi okẽ, umi ventana ha ja’asegura umi portón, ha ñañeñandúma a salvo, seguro ha protegido ñande refugio’ípe mundo exterior-gui.

Umi ára ohómakuri. Umi pared física, okẽ, cerca ha portón ñande rogaygua ndaikatúi omombia oñeñandu’ỹvaicha umi invasión oguerúva internet, Wi-Fi, ha umi redes telefonía móvil rehegua; ko’ãva ikatu oike ñande rógape sa’imi clics ha teclas pulsaciones rupivénte.

Iporãvéva niko, Ñandejára ome’ẽ peteĩ mba’éichapa jakontrarrestava’erã invasión negativa oúva tecnología-gui ikatúva ñandedistrae jahasa hağua tiempo porã oñondive. Ojapo upéva ome’ẽvo pe sistema de consejos ñamombarete, ñamo’ã, ñañongatu ha ñamongaru hağua umi ñande relaciones ovalevéva.

Mitãnguéra niko oikotevẽterei tuvakuéra oĩva dispuestos ohendúvo, ha pe consejo familiar ikatu ome’ẽ peteĩ tiempo familia miembro-kuéra ikatutahápe oikuaa mba’éichapa oñokomprende ha ojohayhuva’erã.

Alma ombo’e: “Eporandu Ñandejárape opa ne rembiapo, ha ha’e ndegueraháta mba’e porãr㔳. Ña’invita Ñandejárape oike hağua ñande consejo familiar-pe ñembo’e rupive omoporãvéta ñane relación-kuéra. Túva Yvagaygua ha Ñandejára ñeipytyvõme, ikatu oiko ñandehegui ñanepasienteve, ñanderechakuaa, ñandeservicial, indulgentes ha comprensivos jajerurévo jahávo ñembo’épe. Ipytyvõme, ikatu jajapo ñande rógagui peteĩ yvága pehẽnguemi ko yvy ári.

Peteĩ consejo familiar ohóva umi consejos celestiales modelo ndive, henyhẽ mborayhu cristianogui ha ojeguerahávo Ñandejára Espíritu-re ñanepytyvõta ñamo’ã hağua ñanderogayguakuérape umi distracciones-gui ikatúva omonda ñandehegui ñande preciado tiempo oñondive ha ñanemo’ãta umi mundo-gua mba’evaígui.

Ñembo’e ndive, peteĩ consejo familiar o’invitáta Ñandejára oĩ hağua, Ha’e opromete haguéicha: “… oĩhápe mokõi térã mbohapy oñembyaty che rérape, upépe aiméta che imbytepekuéra”⁴. Ñandejára Espíritu ña’invita oĩ hağua ñande consejo familiar-pe oguerúta tovasapy ikatu’ỹva oñemombe’u.

Ipahápe, penemandu’amína pe consejo familiar ojejapo meméva ñanepytyvõtaha jahecha hağua umi problemas familiares oñepyrῦ guive ha ojerresolve tuicha mboyve; ome’ẽta peteĩteĩ umi familiakuéra miembro-pe peteĩ sentimiento ovaleha ha iñimportateha; ha umíva ári ñanepytyvõta ñande exitosos ha javy’ave hağua umi preciadas relaciones-pe ñande róga pared-kuéra ryepýpe. Jesucristo rérape. Amén.