Pe tenda sagrado Restauración rehegua

Peteĩ che amigo porã Tupao miembro-va oñeha’ã, heta áño aja, chembo’évo pe familia eterna rehegua evangelio; ha katu ndaha’éi aha peve puertas abiertas-hápe São Paulo Templo-pe, octubre 1978 jave, aikekuévo sala de sellamiento-pe, upe familias eternas doctrina oğuahẽhague che korasõme, ha heta ára añembo’e aikuaa hağua kóvapa ha’e Tupao añete.

Che ndacherreligiósoiva, ha katu chemongakuaa’akue tuvakuéra marangatu ohecháva iporãva opavave religion-pe. Ko che rekove período-pe, apensa opa umía oĩporãha Tupã rovake.

Che visíta rire programa de puertas abiertas-hápe templo-pe, aheka peteĩ ñembohovái, ñembo’e rupi, fe ha plena confianza-re Tupã ombohovaitaha chéve mávapa ha’e Itupao añete ko yvy ári.

Peteĩ lucha espiritual tuicha rire, ipahápe oğuahẽ chéve peteĩ ñembohovái hesakãva, ha che’invita hikuái chekarai hağua, upéva ipahápe oiko 31 de octubre 1978 jave, upe pyhare ojededika mboyve São Paulo Templo.

Añeme’ẽ en cuenta Ñandejára oikuaaha mávapa che ha ojepy’apyetereiha cherehe, ombohovái haguére che ñembo’e.

Ko’ẽ rire, che rembireko ha che roho São Paulo-pe roime hağua templo sesión dedicatoria-hápe.

Roime upépe, ha katu añete ndaikuaái gueteri mba’éichapa amomba’éta upe maravillosa oportunidad. Ára oúvape katu roho peteĩ conferencia de Área-hápe.

Romoñepyrῦkuri ore rape Tupaópe rojuhuhápe amigo marangatu ome’ẽva oréve ñeğuahẽ porã upe transición aja ore rekovépe.

Umi kláse miembro pyahúpe ğuarã niko iporãiterei; oremyenyhẽ kuaapýgui ha roipota pe semana tohasa pya’e ikatu hağuáicha domingo vove roreko jey upe sustento espiritual.

Che rembireko ha che roha’ãrõ asy roike templo-pe rojesella hağua ore familia eternidad-re; upéva ojehu peteĩ áño ha siete   ára ore ñemongarai rire, ha’eva’ekue peteĩ momento maravilloso. Pe altar rovái, añandu umi eternidad oñemboja’óvaicha sellamiento mboyve ha upe rirépe.

Aikogui’akue Estados Unidos costa Este-pe heta áño inmigrante legal ramo, aikuaa umi táva, ha hetavéva michĩ.

Amoñe’ẽ térã ahendu jave Primera Visión rehegua, oñeñe’ẽ heta persona-re, ha péva ndorekói sentido chéve ğuarã.

Oñepyrῦ osẽ porandukuéra che akãme. ¿Mba’ére Tupao ojerrestaura Estados Unidos-pe ha ndaha’éi Brasil térã Italia-pe, che ypykuéra yvy?

¿Moõ oĩkuri umi hetaite oje’éva, umi personas opartisipava’ekue ñemombáy religioso-pe ha religion confusión-hápe, opa umi oikova’ekue peteĩ tenda apacible ha ipy’aguapývape?

Aporandu hetápe umívare, ha katu ndarekói ñembohovái. Amoñe’ẽmba portugués-pe ha upéi inglés-pe, ha katu ndajuhúi mba’eve omboguapýva che korasõ; ha katu aguerahánte pe jeheka.

Octubre 1984-pe, aha conferencia general-hápe consejero ramo presidencia de estaca-pe. Upéi, aha Palmyra, Nueva York-pe, ahekasévo pe ñembohovái.

Ağuahẽvo upépe, añeha’ã akomprende: ¿Mba’ére restauración oiko ko’ápe, ha mba’ére oiko pe alboroto espiritual? ¿Moõgui ou umi persona oje’éva José ñemombe’úpe? ¿Mba’ére upépe?

Upe jave, ha’ete chéve ñembohovái oĩporãvéva Estados Unidos Constitución ogarantiságui pe libertad.

Upe pyhareve, avisita Edificio Grandin, oñeguenohẽ haguépe Libro de Mormón peteĩha. Upéi aha Arboleda Sagrada-pe, heta añembo’ehápe.

Ndaipóri avave nunga upe tava’i Palmyra kállere. ¿Moõ piko oĩ umi hetaite José he’i’akue?

Upe ka’aru adesidi aha Peter Whitmer granja-pe ha, ağuahẽvo upépe, ajuhu peteĩ kuimba’e ağui pe cabaña ventana-gui. Omimbiete umi hesa; amomaitei chupe ha upéi añepyrῦ ajapo chupe opa umi porandu.

Upémaro, oporandu chéve: “¿Rerekópa tiempo?”. Ha’e chupe sí.

He’i chéve umi lago Erie ha Ontario ha, Este iguy peve, río Hudson, oĩ upe región-pe.

1800 ñepyrῦme, ojedesidi ojejapo peteĩ canal navegación-rã, ohasátava upe región-re ha iñasãitava 483 km rasa oğuahẽ meve río Hudson-pe. Ha’ékuri empresa tuicha upe épokape, ha odependéntekuri kuimba’e rembiapo ha mymba mbaretégui.

Ojeiporavo Palmyra construcción pehe rendarã. Oñeikotevẽkuri ivaléva, técnicos, familias ha amigo-kuéra. Heta oĩ oñepyrῦva oğuahẽ opa táva ykereguágui, ha tenda mombyrýgui Irlandaicha, omba’apo hağua upe canal-pe.

Upéva peteĩ momento tuichaite isagrado ha ijespirituálva, ipaha niko ajuhu umi multitud, umi oguerúva hendive ijepokuaa ha ha ijerovia. Pe kuimba’e omombe’úvo ijerovia, che akã hendy ha Tupã oipe’a che resa espiritual.

Upe jave, hesakã chéve mba’éichapa Tupã po, ñande Ru, Iñarandu tuichaitépe, ombosako’íkuri Iplánpe peteĩ tenda oguerutahápe mitãrusu José Smith-pe, omoĩvo chupe confusión religiosa mbytépe, upépegui, Cumorah-pe, oñemokañy’akuégui umi Libro de Mormón plancha ovaleitéva.

Upéva ha’ekuri Restauración renda, oñehendu haguépe Túva ñe’ẽ haimete mokõi milenio rire, peteĩ maravillosa visión-pe, oñe’ẽvo mitãkuimba’e José Smith-pe, ohokuévo Arboleda Sagrada-pe oñembo’e hağua ha ohendúvo: “Kóva che Ra’y Ojehayhuetéva: ¡Ehendu Chupe!”¹

Upépe ohecha mokõi Personajes imimbikue ha igloria ikatu’ỹva oñemombe’u. Heẽ, Tupã ojerrevela jey Ijupe kuimba’épe. Arapytu ojaho’íva ko yvy oñepyrῦma ogue.

Umi Restauración rehegua profecía oñepyrῦ oñekumpli: “Ha ahecha ambue ángel oveve yvága mbytére, orekóva pe evangelio eterno ojepredika hağua umi oikóvape ko yvy ári, ha opa nación, ha tribu, ha lengua ha pueblo-pe”².

Sa’i áño rire, José ojegueraha umi profecías anales-kuéra peve, umi convenios ha ordenanzas ohejava’ekue profeta-kuéra ymaguare: ñande Libro de Mormón jahayhuetéva.

Jesucristo Tupao ndaikatúikuri ojerrestaura evangelio eterno’ỹre, ojerreveláva Libro de Mormón-pe ambue Jesucristo testamento ramo, heẽ, pe Tupã Ra’y, pe Cordero de Dios, oipe’áva mundo pekádo.

Cristo he’i Ipueblo-pe Jerusalén-pe:

“… areko ambue ovecha ndaha’éiva ko redil-pegua”³.

“Che ha’e ovecharerekua marangatu ha aikuaa che ovechakuéra, ha umi chemba’éva chekuaa”⁴.

Ahávo Whitmer granja-gui, nachemandu’ái ha’épara’e adiós; chemandu’ánte tesay oguejýva ohóvo che rováre, ha pe kuarahy okañy peteĩ yvága porãitépe.

Che korasõme, vy’a ha py’aguapy tuichaitéva omboguapy che ánga ha añeñandu cherenyhẽ gratitud-gui.

Ko’ağa hesakã chéve mba’érepa. Peteĩ jeyve, Ñandejára ome’ẽ chéve kuaapy ha tesape.

Aha aja ógape, oúnte che akãme umi Escritura pasaje-kuéra; umi promesa ojejapova’ekue túva Abraham-pe, iñemoñarépe ojehovasataha opavave familia yvy arigua⁵.

Ha upeva’erã, oñemopu’ãta templo-kuéra poder divino ikatu hağuáicha oñekonferi jey kuimba’épe yvy ári umi familia-kuéra ikatu hağuáicha oñembojoaju, ndaha’éi ñemano mevánte, sino eternidad peve.

“Ha ojehúta umi ára pahápe oñemoĩta Jehová róga mónte, montekuéra akã ramo, ha oje’exaltáta umi collado ári, ha oñaníta hendápe opavave naciones”⁶.

Umi cherendúva oreko ramo peteĩ dúdante jepe ikorasõme, ¡ani peñeme’ẽ por vencido!

Po’invita pejegueraha hağua profeta José Smith ejemplo-re, omoñe’ẽvo Santiago 1:5: “Ha oĩrõ pende apytépe iñarandu’ỹva , tojerure Tupãme, ome’ẽva opavavépe hetaiterei ha reproche’ỹre, ha oñeme’ẽta”.

Ojehuva’ekue Cumorah-pe ha’e petei parte importante Restauración-pe, José Smith orresivíre umi pláncha orekóva Libro de Mormón. Ko libro ñanepytyvõ ñañemoağuive hağua Cristo-re ambue libro-gui yvy ári⁷.

Ame’ẽ che testimonio Ñandejára omopu’ã hague profeta-kuéra, videntes ha reveladores ogueraha hağua Irréino ko’ã ára pahápe, ha Iplan eterno-pe, umi familia-kuéra oĩva’erã oñondive araka’eve peve. Ha’e ojepy’apy Ita’yrakuérare ha ombohovái ñane ñembo’e.

Imborayhu tuichaitére, Jesucristo o’expia ñande pekádo. Ha’e Salvador del mundo. Upévagui atestifika Jesucristo sánto rérape. Amén.