Mbo’epy ogapýpe: Peteĩ responsabilidad sagrada ha gozosa

Ñañepyrŭ noche de hogar-gui, ha’éva peteĩ prioridad importantísima óga fiel akakuaa háguépe. Ndachemandu’ái umi noche de hogar lecciones específicas -re, ha katu chemandu’a ndohasahaiha peteĩ semana roreko’ỹre ³. Che aikuaa iñimportanteha che rukuérape ğuarã⁴.

Chemandu’a peteĩva umi actividad iporãvéva chéve noche de hogar-pe. Papá o’invita peteĩ ita’ýrape ohasa hağua “La prueba”. Ome’ẽ ita’ýrape heta instruccion péicha: “Ñepyrŭrã tereho kosináme ha eipe’a ha emboty pe eladéra. Upéi edispara ha ejagarra mokõi média che armario-gui.Upéi eju jey, epopo mbohapy jey ha ere: “¡Ajapo, papá!”.

Che’encanta otoka vove chéve. Akumpli porãse káda páso ha a’aprecia ikatu vove ha’e: “¡Ajapo, papá!”. Ko actividad chepytyvõ amongakuaa hağua che confianza ha ofasilita peteĩ mitãkuimba’e akãhatã torekove atención mamá térã papá ombo’ekuévo peteĩ Evangelio principio.

Presidente Gordon B. Hinckley o’akonseha: “Peguerekórõ peteĩ dúda noche de hogar virtud-re, pemoĩ a prueba. Pembyaty pene mitãnguéra pende jerére, pembo’e, pekomparti pene testimonio hendiekuéra, pelee umi Escritura-kuéra oñondive ha pehasa porã oñondive”⁵.

Akóinte oĩta oposición jajapo’ỹ hağua noche de hogar⁶. Upeicharõ jepe, po’invita peheka mba’éichapa pehekyiva’erã umi obstáculo ha pejapo noche de hogar-gui peteĩ prioridad vy’a ha’etahápe peteĩ ingrediente kláve.

Pe oración familiar ha’e ambue oportunidad primordial ñahekombo’e hağua.

Che’enkanta mba’éichapa presidente N. Eldon Tanner ru, ombo’e chupe oración familiar aja. Presidente Tanner he’i ko’ãva:

“Chemandu’a peteĩ pyhare roñesŭvo oración familiar-rã ha che ru he’i Ñandejárape: ‘Eldon ojapo peteĩ mba’e ojapo’ỹva’erãkuri; ombyasyete, reperdonávo, ndojapomo’ãvéima’.

“Upéva chepytyvõ areko hağua determinación ani hağua ajapo jey, hetave pe ohupytyva’erãva kuri ñembyepotĩ porã rãngue”⁷.

Chemichĩme chepochy umi chéverõ ğuarã hetaitereímava oracion familiar, ha apensa chemba’erã: “¿Ha nañañembo’éima piko ojapo minutos-nte?” Ko’áğa che ha’évo peteĩ túva aikuaa peteĩ familia araka’eve noñembo’emo’ãiha hetaiterei jey⁸.

Akóinte che impresiona mba’éichapa Túva Yvagagua opresenta Jesucristo-pe Ita’ýra ohayhuetéva ramo⁹. Che’enkanta añembo’e che ra’ykuérare ahenóivo hérare ohendúvo hikuái mba’éichapa ha’e Túva Yvagaguápe mba’éichaitépa ovale hikuái chéve ğuarã. Ha’ete ndaiporiha vaicha manera iporãvéva ñambohasa hağua mborayhu ñane mitãnguérape ñañembo’évo hendiekuéra ha ñame’ẽ tovasapy. Oñeme’ẽ mbo’epy imbaretéva ha ha opytámava umi familia-kuéra ojoajúvo peteĩ humilde ñembo’épe.

Mbo’epy ñame’ẽva tuakuéra, ojogua peteĩ médico-pe oĩramo de guardia. Akóinte ñaiméva’erã listo ñambo’évo ñane mitãnguérape ndajaikuaáire araka’épa oñeme’ẽta pe ocasión.

Ha’e Ñandejáraicha, umi imbo’epy py’ỹi “ndoikói sinagoga-pe, sino umi situacion cotidiana ha informal-pe: okaru aja Idiscípulokuérandi, oguenohẽ aja y peteĩ ykuágui térã ohasakuévo peteĩ higuera ykére”¹⁰.

Ojapo áño, che sy okomparti umi mokõi ñemongeta iporãvéva orekova’ekue che hermano Matt ndive Evangelio-re oiko ha’e odobla aja ao ha ohókuévo dentista-pe. Peteĩ heta mba’e apytépe amomorãva che sýre ha’e i-disposición ombo’e hağua imembykuérape.

Imbo’epy araka’eve ndopái. Aservi aja obispo ramo, che sy, upéro orekóva 78 áño, he’i chéve oikotevẽha áva ñeikytĩ. Ha’e oikuaa che ame’ẽva’erãha ejemplo ha ndodudái he’ívo chéve. ¡Rohayhu, mamá!

Ha’évo túa, areko motivación a’estudiávo Escritura-kuéra personalmente ha amedita hesekuéra ikatu hağua chekatupyry ajapóvo oĩ vove peteĩ oportunidad ambo’e hağua che ra’y térã che ñetokuérape¹¹.“Heta umi oportunidad iporãvéva ñambo’e hağua oñepyrŭ peteĩ porandu térã peteĩ korasõ angekóipe orekóva peteĩ [familia]”¹². ¿Roñangareko piko umi jave?¹³.

Che’enkanta pe apóstol Pablo invitación: “Peime akónte ñembosako’ípe pembohovái hağua mansedumbre ha reverencia reheve káda ojerurévape esperanza razón oĩva pendepype”¹⁴.

Ha’évo peteĩ mitãrusu, che ru ha chéve ore’encanta rojodesafia jahecha mávapa ojagarra atãve. Rojopy atã contrario po ikatuiha peve, ambue ohechaukaha peve hasyha chupe. Ko’áğa ha’etévaicha ndaha’éi pukarã ha katu, oimeháicha, ha’e upéramo. Umi batalla rire, papá omaña che resápe ha he’i chéve: “Che ra’y, nde po mbarete. Aha’arõ akóinte taimbarete araka’eve ndopoko vai hağua peteĩ mitãkuñáre”; ha upémarõ cheinvita ha’énte hağua aikóvo moralmente limpio ha aipytyvõ ambuekuéra ojapo hağua upéicha.

Élder Douglas L. Callister ombojoapy ko’ãva itúa rehegua: “Ojevy aja ógape imba’apohágui, che ru he’i sapy’a: ‘Ko árape apaga diezmo kuri. Ahai “gracias” pe chékere. Aime agradecido Ñandejárape ore familia ohovasáre’”.

Upéramo élder Callister ome’ẽ tributo itúa ha mbo’ehárape: “Ombo’e tembiapo ha actitud obediencia rehegua”¹⁵.

Ha’etéva chéve iñarandu tañañeporandu sapy’a: “¿Mba’e ambo’e, térã mba’e ambo’eva’erã che ra’ykuérape che rembiapo ha che obediencia actitud rupi?”.

Estudio de las Escrituras familia-pe ha’e pe momento iporãvéva ñambo’e hağua doctrina ñande rogapýpe.

Presidente Russell M. Nelson he’i: “Tuvakuéra ndaha’éi oñakaramanteva’erã Ñandejára ñe’ẽre, sino oreko mandato divino ombo’évo imitãnguérape”¹⁶.

Ore mitãnguéra romongakuaa aja, Julie ha che roñeha’ã ore coherente ha ore creativo. Peteĩ áño rodesidi rolee Libro de Mormón familia-háicha español-pe. ¿Ha’e piko péva mba’ére Ñandejára ohenói peteĩteĩ ore familia-kuérape ha’eva’ekue misionero-kuéra oservíva peteĩ misión de tiempo completo español-pe? Ikatu upéicha.

Añemosionaite hermano Brian K. Ashton okompartívo chendie ha’e ha itúa oleeha oñondie káda Libro de Mormón kuatiarogue secundaria áño paha aja. Hermano Ashton ohayhu Escritura-kuéra;umíva ojehai iñakã ha ikorasõme.Itúa oñoty pe semilla hermano Ashton mitãrusu jave, peteĩ semilla¹⁷okakuaáva oiko peve chugui peteĩ yvyrarakã oñembohapo pypukúva añeteguápe.Hermano Ashton ojapo peichaite ita’yrakuéra tuichavévandi¹⁸.Ita’ýra ócho áño orekóva oporandu ramoite chupe: “Papá, ¿araka’e otoka chéve alee Libro de Mormón nendive?”.

Ipahápe, ejemplo niko pe mbo’epy orekovéva influencia tuakuéra ramo. Ñañe’akonseha ha’e hağua “ogueroviáva ejemplo ñe’ẽme, ñembohekópe, mborayhúpe, espíritu-pe, fe ha pureza-pe.”¹⁹

Peteĩ viaje ramoite aja, Julie ha che rohóvo tupaópe ha rohecha pe versículo omba’apokuévo. Peteĩ mitãkaria’y osẽva misión-pe oñe’ẽ reunión sacramental-hápe.

Mitãkaria’y he’i: “Peẽ peimo’ã che ru ha’eha peteĩ kuimba’e imarangatuetéva kapíllape, ha katu…”. Okirirĩ’imi ha che añeporandu nervioso mba’épa he’íta upe rire. Upémarõ ombojoapy: “Peteĩ kuimba’e porãve ógape”.

Upéi ame’ẽ gracia mitãrusúpe pe inspirado tributo ome’ẽ’akuére itúape ha upéi aikuaa itúa ha’eha upe barrio-pegua obispo Ko obispo oservíro jepeve fielmente barrio-pe, ita’ýrape ğuarã ha’e hógape ome’ẽhápe iporãvéva ichugui²⁰.

Élder D. Todd Christofferson ñane’akonseha: “jareko heta oportunidad ñambo’évo… generación pyahúpe ha jadedikave’erã ñande idea-kuéra iporãvéva ha ñañeha’ã jaipe’a chugui hetave provécho. Opa mba’e ári, ñamokyre’ỹva’erã jahávo ha ñaipytyvõ tuakuérape ha’e hağua mbo’ehára porãve ha ikonstantevéva… especialmente ejemplo rupive”²¹.

Upéicha ombo’eháicha Ñandejára²².

Año Pasado, peteĩ vacacion ramoite aja ore mitã pahaguévandi, Julie he’i torojapo bautismo vicario templo-kuéra St. George ha San Diego-pe.Che añe’ẽ mbeguemi chejupe ğuarã: “Jaháma templo-pe ñaimérõ ógape, ¿ha ko’áğa avei ñaimérõ vacacion-pe?¿Mba’ére ndojajapovéi mba’e vy’arãvéva?”.Ñemongaraikuéra rire, Julie oipe’ase foto templo rokárare, ha che ha’e jey kirirĩháme. Oiméne peikuaáma ojehuva’ekue upéi: roguenohe foto.

Julie oipota ore familia-kuéra imandu’a mba’éichapa roipytyvõ ore ypykuérape; che avei. Natekotevẽi rojapo peteĩ mbo’epy formal templo-kuéra importancia-re. Rovivi peteĩ sy ohayhúva rupi templo ha oipotáva imembykuéra okomparti pe mborayhu.

Ta’yrakuéra omoğuahẽ umi bendicion eterna tuvakuéra ojohayhu añetérõ ha ome’ẽ ejemplo rectitud rehegua.

Ajerure opavave peẽ peñaha’ãva peme’ẽ iporãvéva pendejehegui pembo’e hağua pende rogapýpe, tapejuhu py’aguapy ha gozo upévare. Peimo’ãrõ ikatuha gueteri pejapo porãve térã tekotevẽha peñembosako’ive, por favor, pembohovái humildad reheve umi Espíritu impresion ha peñekompromete pejapóvo²³.

Élder L. Tom Perry he’i: “Oimeraẽva sociedad resãi, pe vy’apavẽ, prosperidad ha tapicha py’aguapy, opavave oñembohapo ta’yrakuéra ñehekombo’épe ógapýpe”²⁴.

Heẽ, ore róga ndorekovéima mitã ha katu che aĩnte hína de guardia, listo ha dispuesto ajuhúvo oportunidad adicional ha hepýva ambo’évo che ra’ykuéra okakuaapámavape, ha ita’yrakuérape sapy’a árape, aha’arõ, ko’ãva ra’ýpe.

Ajerure’asy yvága ñepytyvõ ñane ñeha’ãme ñambo’e hağua Cristo-icha ñande rogapýpe. Jesucristo rérape, amén.