Tera rongorongon Rebeka ae ti ataia, buun Itaaka?

Rebeka n te Mwanibwa, iroun Michael Deas

Aikai tabeua bwaai aika ti atai ibukin Rebeka:

E raoiroi ao e botonnaine taraana. Taraa Karikani Bwai 24:16.

E akoi ao e botumwaaka. E mwananga nakon te tabo ae raroa ana toro Aberaam bwa e na kakaea buun natin Aberaam te mmwaane ae Itaaka bwa aonga ni mare inanon te berita ae tabu. E tei irarikin te mwanibwa ao e tataro bwa te aine are e itiia te ran ibukina ao10 ana kaamero tao bon ngaia are e rineia te Atua bwa e na mare ma Itaaka. E karaoa aio Rebeka. (Taraa Karikani Bwai 24:1–28.)

E korakora ana onimaki. Ngke e titirakinaki n te bong are imwiina ngkana e na manga oki ma ana toro Aberaam, e taku Rebeka bwa e na iria n oki. Iai ana onimaki iroun te Uea. (Taraa Karikani Bwai 24:50–58.) Ao riki, ri aon te maan ae 20 te ririki n aki kariki, e teimatoa n iai ana kaantaninga n ana berita aika tabu (taraa Karikani Bwai 25:20, 26).

E karekea te kaotioti ibukin ana utu. Ngke e bikoukou Rebeka irouia natina aika a bwebwee, e taku te Uea nakoina, “E na toro te karimoa iroun te karimwi” (Karikani Bwai 25:23). E nooria i mwiina aron te bwebwee are karimoa, ae Etau, n kaitara ana reirei Uea ao n aki karinea ana bwaibwai ni karimoa ao aron te bwebwee are te karimwi, ae Iakoba, e bon kakaonimaki. E buoka Iakoba ni karekea ana kakabwaia n tibwana ni bwaibwai ao ni kauringnga bwa tarina e tangiria kan tiringnga. (Taraa Karikani Bwai 27.)