Te Itita ae Boboto Iaon te Tia Kamaiu

I kabooa naba te bwaoki ae bubura ae tamnein Iesu Kristo ibukin te Itita. N te moantai N nang bon bane ni karabai n au tabo n reirei. Ma ngke a noora te bwaoki aomata ake n te tabo n reirei, a bubuti ibukin taian tamnei. A bubuti naba taan reirei. Ao ngkanne ataei ake I taku n au iango bwa a na aki tangira tamnein Iesu a bubuti naba kaka teuana. Ao ngaia are I anganiia koraki ake I nooria.

Bon akea maakun te Tia Kamaiu n taetae nakoia aomata nako, nakoia naba koraki ake a katinanikuaki ibuakoia Ana botanaomata. E iraorao mangaiia. E kabanea ana tai mangaiia. E amwarake mangaiia. Tibwatibwakin nako taian tamnei e reireinai bwa N na rangi ni bobo ma aomata riki, n aron te Tia Kamaiu. E reireinai naba ae e aki kakawaki bwa antai ngkoe, e aki kakawaki bwa tera ae ko a tia ni karaoia, iai n taainako nnen Iesu Kristo inanon maium.

Inanon maiu ae bwanin I iangoia, N na kanga ni karekea ana Mwakuri ni Kamaiu te Tia Kamaiu? Ma n te Itita aio, I reiakinaki bwa ngkana I karaoi bitaki inanon maiu ni karikai riki n aron te Tia Kamaiu, Ana karea n akoi e na mwakuri inanon maiu. Ao ngkana I kataia ni katoa bong ni biti bwaai aika a uarereke, ngkanne N na moanna n tamaroa riki.

Tabeua te ririki inanon maiu, I korakai n tamnei aika tangako. I mwiin te reirei n te tieminari, I kaungaaki bwa N na taetae ma au bitiobi. E a kabebetea riki aron te waaki n tokanikai i aon karawawataku n te tai are I tuanga iai au bitiobi ao au karo, ibukina bwa e kangaanga ngkana ko rinanona n ti ngkoe.

I a waaki ao ni kataia n tataro ao ni wareware ni booki aika tabu ni katoa bong, ao I kataia n akoi riki n te tabo n reirei. E buokai ibukina bwa I a kabanea riki au iango i aon te Tia Kamaiu nakon riki au bure. I a tan Nakoina riki nakon are I mena iai mai i mwaaina.

Rinanon Ana Mwakuri ni Kamaiu Iesu Kristo, I a tokanikai i aon korakaiu n tamnei aika tangako. I a riki bwa aekakin are e tangiria te Atua bwa N na riki nako iai. Ngkai I a kona ni kakabwaia te toa ibukina bwa e bitai te Tia Kamaiu ao ni kaitiakai. I rangi ni kakaitau bwa I a tau ni kabongana te nakoanibonga ni kakabwaiai maiuia naake irarikiu.

N te ririki aio n tain te tieminari, I karekea te taneiai ae kakukurei ngke ti maroroakina taekan ana anga karea te Tia Kamaiu. I karekea te kantaninga are ngke inanon ana tai ni karawawataki, E na bon kaman katokia n te tai anne. Ma ngkanne I tabe ni katamneia ae E iango, “Tiaki, I riai ni kakaraoa aio. I riai ni karaoa aio ibukin Ben. E kainnanoa aio.” Irou, te iango anne e tomaa raoi au reitaki ma te Tia Kamaiu nakon te Itita.

N te Itita are i mwiina, N na karaoa riki teuana tamnein Iesu i aon au buriki n tamnei. I tangiria n tibwatibwai nako tamnei riki aika a mwaiti. Ngkana n angana aio ke are teuana, N na bon iangoa korakain Kristo ao Ana Mwakuri ni Kamaiu ibukiu. Bwa Ibukina, I kona n raira naou man au bure ao ni kona ni manga oki Nakoina ao Tamara are i Karawa.

I ataia bwa e maiu te Tia Kamaiu ao e mate ibukira n tatabemaniira n ae onoti ao E ataia bwa antai ngaira ao tera are ti kainnanoia. Ngkana ti kataia ma nanora raoi, ti kona ni karekea Mwaakana ni karaurnano ao ni bitaki, ao ti kona n riki bwa aomata aika a raraoi.