Fabio P.

Tamnei iroun Ashlee Larsen

N te Itita, ti taneiai ni kaai n ikotaki ma ara utu ae bwanin, tao 30 nakon 40 aomata. Inanon uarerekeu, I a kaman kakariariaa reken te bwaaene ma kanoana bunnimoa ao tiaokureti. Ao e bon rangi ni kaunga. Ma ni boong aikai, I a kabanea riki au iango i aon kakawakin nanon te Itita.

N te taromauri, ti maroroakina taekan te Itita n te tai ae mwaiti. Ao n au kamatebwai ni booki aika tabu, I a kabanea riki nanou i aon te bwai are e riki n te Itita. I iangoa taekan Iesu Kristo ao te bwai are E karaoia ibukira, ao I namakina reitakiu ae korakora Mangaia.

Au kibu ae mamate nanou iai bon 3 Nibwaai 15:9. E kangai, “Nooria, bon Ngai te tua, ao te oota. Tarai, ao teimatoa n uaa te toki, ao kam na maiu; bwa ane e teimatoa n uaa te toki ao N na anganna te maiu ae akea tokina.”

Ngkana I teimatoa ni kekeiaki n rinea te eti inanon maiu, n aron ae I karaoia n te tai aei, I kona ni manga oki Nakoina ao ni karekea te maiu ae akea tokina.