“N na kanga ni kabanea riki nanou i aon te Tia Kamaiu n tain te Itita?”

“Iai au kekeiaki ae I karaoia bwa N na kabanea nanou i aon te Tia Kamaiu n ongoongora n anene aika a kaunganano, ni kamwaita riki iangoana inanou, n Taataraia inanon bongin maiu, ao ni bwaina te tataro n taainako. I kan wawareki naba booki aika tabu, n reiakina taekan Mangautina ao te kaataninga are e anganai.”

Maxwell R., 16, Missouri, USA

“Kakaei kiibu ake kam na uaia ni wareware n te utu ni katoa bong ke n te wiiki bwa e na kauringko kakawakin te tai aio ibukin maiun te Tia Kamaiu. Karekea am tai ni katoa bong bwa ko na buokiia tabeman n aron ana kawai Kristo.”

Ahonima A., 15, Tongatapu, Tonga

“I kona ni kabanea riki nanou i aon Kristo man tibwauaan te bwai are e kaota rongorongona n te aonraain ni katoa bong.”

Caleb F., 17, Arizona, USA

“Wareki booki aika tabu are a kaota aron Maiuna, moarara riki ana kabanea ni wiiki i mwaain Taurakina n te Kaibangaki. Te rongorongo ae mamaten nanou bon ni Mataio 21–27. Wawarekan booki aika tabu e buokai ni kaaniai riki ma au tia Kamaiu ao n oota riki n Ana Mwakuri Kamaiu.”

Grace M., 15, Alberta, Canada

“Te Itita ao ana Mwakuri ni Kamaiu Iesu Kristo e kauringai te tai ni bitaki nakon ae boou ao manga karaoana n te aro ae boou. Kaboouan bwaai ake I kakaraoi are a riki bwa tabeu n te bong ae koraki ao ni manga tuoi au kouru a anganai au tai ni manga kabanea riki maiu i aon Kristo ao n Ururingnga riki ma nanou n te tai ae onoti n te ririki.”

Lilly H., 17, California, USA