N na Kanga ni Buoka Raoraou ao au Utu?

Ngkai te aomata ae e a tia ni mangauti, e kawaria Nibwaite Iesu Kristo ao e kaoiia bwa a na karaoa te bwai are e katea te banna are ti kona naba ni karaoia ngaira aika ana reirei n taai aikai. E taku:

“Iai i buakomi ae aoraki? … Iai ibuakomi ae mwauku, ke e mataki, … ke a karawawataki n aekaia nako? Kairiaa mai ao N na katoka aorakiia, bwa e a onrake nanou n te nanoanga ibukimi.”(3 Nibwaai 17:7).

Ataia bwa a kanga ni kaeka reirei akanne n taai ake ngkoa.

“A bane aomata ake a uanao … ni mwananga ma aia aoraki … ma aomata ni kabane ake a karawawataki n aekaia nako; o e bon katoka aorakiia” (3 Nibwaai 17:9).

I ataia bwa e maiu Kristo ao bon Ngaia te tia Katoki Aoraki ae akoi. Ngkai ti kaeka Ana kakao n uotiia raoraora ao ara utu Nakoina, E na kamarurungiia n oin Ana kawai.

“Ao a boni bane ni kabane, ake a katokaki aorakiia ao ake a marurung, ni bobaraaki i waena, man taromauriia.”(3 Nibwaai 17:10).

Uotiia mai aomata n tatabemaniia nako nakon Kristo ngkai ti kairiia aomata riki Nakoina n tain te Itita aio.