Rungaakin te Itita

1. Bunimoan te Itita

Bunimoa, bunimoa, bunimoa. Ni katobibia te aonaaba, bunimoan te Itita a katamaroaaki, a kakaeaki, a karabinoaki, a ibeaki, ao a kanaki. Iaon Tiaman ao Austria, bunimoan te Itita a katineaki iaon aroka (Ostereierbaum). Iaon Mexico, bunimoa a kabwangabwangaaki ao ni kanoaki ni mwakorokoro ni bebwa aika kirimatamata (cascarones) ao imwiina a ibeaki iaon atuun temanna.

Ni ikotaki ma anne, a mwaiti aomata aika a kabonganaai bunimoa n rungaa te Itita n akea kabotoana iaon te Tia Kamaiu naba teutana. E a bon nakoira aron kabotoana iaon te Tia Kamaiu ni katein ara Itita. A konaa n tei bunimoa ibukn te maiu, kairekerekeana ae kimototo ma te mangauti. Te bwai ni kataa ae uraura e kabonganaaki ni katei tabeua n tei ibukin ana anganano te Tia Kamaiu. Ao n te tai are e ibeaki ni kaukaki iai te bunimoa, te nana e konaa ni kauringiira taekan te nne ni mate are akea kaaina ao te Tia Kamaiu are E uti. Ngkana tao ko tuai kairekerekea katein am Itita ma Ngaia, aio ngkai te tai ni moanna!

2. Ain te Itita

Karaoan te kauraurau n te ai bon katein te Itita ae bwabwainaki, riki iaon Tiaman, Holland, Croatia, ao Finland.

Te ai n tai te Itita e konaa ni kauringiira bwa ti na taraa te Tia Kamaiu, are e kaona te aonaaba n te ota ao te tangira ao ngaia, ni koaua, Otan te Aonaaba Ngaia (taraa Ioane 8:12).

3. Amwarake aika a Raka

Ni katobibia te aonaaba n tain te Itita, uoua amwarake aika kanikinaa aika a aki toki ni kaakanaki: irikon te tiibu ao te kariki.

Irikon te tiibu e konaa ni kaota ana Tiibu te Tei te Atua—te Tia Kamaiu boni Ngaia. Te Kariki e konaa ni kauringiira taekan Iesu Kristo, are bon te Kariki ni Kamaiu (taraa Ioane 6:35).

4. Katiotioan Banni

N aaba tabeua, n aron Itare, Tibein, Biribin, Mexico, Aikubita, ao Ethiopia, aomata a bibirii banni ke aroka tabeua n tain Tabatin te Banni.

Tabatin te Banni bon te Tabati imwaain te Itita ao rungaakin rinnakon Iesu n tokanikai i Ierutarem, ike aomata a katangainai banni Imwaaina.

5. Kakiba Utuao

Iaon Bermuda n te Itita, aomata a kakibai utuao aika kirimatamata!

Aio te katei ae riki bwa te kauring ae kaunga n Mangautin te Tia Kamaiu ao arona imwiina ngke E rierake nako karawa.

6. Te Nebo n te Taromauri

Tai mwaninga teuana ae rang kakaawaki mai buakon katein te Itita—te nako n taromauri! Ti nako n te taromauri n Tabatin te Itita ni ira anaakin te toa ao ni uringa te Tia Kamaiu. (Ngkana te maungatabu ni kabuta e boo n tain te Itita, ti konaa ni Uringnga man ongoraara nako iai—ngkanne ti a manga ira anaakin te toa n te wiiki are imwiina.)

Ngkai ti kawakin ara berita aika a tabu ao ni kabouii rinanon te toa, ti kakabwaiaaki ni karekean te Tamnei iroura n taainako. Aio e kona ni buokiira n reitiira ma te Tia Kamaiu ni bongin te Itita ao ni bong riki a kana tabeua, naba.