Nō te aha te mau pāpa’ira’a mo’a e parau ai nō ni’a i te poietera’a o te fenua ?

The Creation [Te poietera’a], nā Annie Henrie Nader

Tē parau nei te mau pāpa’ira’a mo’a nō ni’a i te poietera’a nō te ha’api’i ia tātou i te ’ōpuara’a e vai ra i muri mai i te reira, e ’ere mau nō te mau fa’anahora’a tā te reira i tītau.

I tō Mose anira’a i te Fatu ’ia « fa’a’ite mai [iāna] i te huru o teie nei fenua […] ’e ’oia ato’a te mau ra’i ra », ’ua parau te Fatu : « ’O teie ho’i tā’u ’ohipa ’e tō’u hanahana—’ia fa’atupu i te tāhuti ’ore ’e te ora mure ’ore o te ta’ata nei » (Mose 1:36, 39).

I tō te Fatu ha’api’ira’a ia Aberahama nō ni’a i te poietera’a, ’ua fa’a’ite ’oia iāna i te ’āpo’ora’a i te ra’i ra, i reira te mau tamari’i vārua a te Atua i te ha’aputuputura’ahia. ’Ua ’ite Aberahama ia Iesu Mesia hou te tāhuti nei i te paraura’a :

« E haere tātou i raro, tē vai ra ho’i te ārea i reira, ’e e rave tātou i teie mau mātēria, e hāmani tātou i te hō’ē fenua ’ei vāhi orara’a nō rātou ;

« ’E e tāmata tātou ia rātou i reira, ’ia ’ite tātou e ha’apa’o ānei rātou i te mau mea ato’a tā te Fatu tō rātou Atua e fa’aue ia rātou ra ;

« […] ’E ’o rātou ’o te ha’apa’o i te piti o tō rātou ’āi’a e fa’arahihia ïa te hanahana i ni’a i tō rātou upo’o a muri ē a muri noa atu » (Aberahama 3:24–26).

Te mau poietera’a rarahi ’e te hanahana a te Atua, mai teie fenua, e tuha’a ïa nō tāna fa’anahora’a nō te tauturu ia tātou, tāna mau tamari’i, ’ia fa’ari’i i te fa’aorara’a ’e te fa’ateiteira’a.