Te mau ’ā’amu nō roto mai i te Faufa’a Tahito
Te hi’ara’a: Adamu ’e ’o Eva
Mose 2–4 ; Genese 2–3
Fa’ahōho’ara’a nā Katy Dockrill
Tō rāua ’ā’amu
Te ’ō
’Ua ora Adamu ’e ’o Eva i roto i te ’ō i Edene—hō’ē ’ō nehenehe i reira rāua e ’ore ai e ’ite i te māuiui, te ’ati, te pohe ’aore rā te ’oa’oa. E nehenehe ato’a rāua e fana’o i te aro o te Atua.
Te fa’ahemara’a
’Ua fa’aue te Metua i te ao ra ia rāua ’ia fānau i te tamari’i ’e ’eiaha e ’amu i te hotu nō « te tumu rā’au nō te ’ite i te maita’i ’e te ’ino ». ’Ua fa’ahema Sātane ia Adamu ’e ia Eva ’ia ’amu i te hotu.
Te mā’itira’a
’Ua mā’iti Eva ’e ’o Adamu e ’amu i te hotu. E ti’a roa ’ia rāua e fa’aru’e i te ’ō ’e te aro o te Atua, ’ia haere atu nā roto i te mau tāmatara’a ’e i te hope’a ’ia pohe. E nehenehe ato’a rā rāua e fa’ari’i i te ’oa’oa, e ha’apa’o i te fa’auera’a a te Atua ’ia fānau i te mau tamari’i ’e ’ia haere i mua i te ora mure ’ore.
Te fa’anahora’a
I te ha’amatara’a, ’ua huna Adamu ’e ’o Eva ia rāua iho. Ma te ha’api’ira’a mai rā i te fa’anahora’a a te Metua i te ao ra, ’ua hāro’aro’a rāua ē ’ua fa’ati’a tā rāua mā’itira’a i te mau tamari’i a te Metua i te ao ra ’ia haere mai i te fenua nei. ’Ua ha’api’i mai rāua ē, e tono mai te Metua i te ao ra ia Iesu Mesia nō te fa’aora ia rāua (’e ia tātou) i tā tātou hara ’e te pohe.
Tō ’oe ’ā’amu
Mai ia Adamu ’e ’o Eva, tē ora nei ’oe i roto i te hō’ē ao tāmatara’a ’e te fa’ahemara’a, ’e i te tahi taime e hina’aro ’oe e tāpuni ’aore rā e ri’ari’a tō ’oe. Maoti rā Iesu Mesia, e nehenehe ’oe e tātarahapa ’e e taui. I te hō’ē mahana, e ti’afa’ahou mai ’oe ’e e nehenehe ’oe e ho’i fa’ahou e ora i pīha’i iho iāna.