E matahiti ’āpī

E ’āva’e tēnuare teie ! E matahiti ’āpī Hō’ē tau nō te mau ha’amatara’a ’āpī.

E ha’amau paha ’oe i te hō’ē fā nō teie matahiti ’āpī. E mā’iti vetahi mau ta’ata i te hō’ē ta’o nō te fa’ahiti i tō rātou mau hina’aro nō te matahiti i muri nei. I teie matahiti, e rōtahi te feiā ’āpī nā te ao ato’a nei i ni’a i te hō’ē ā ’īrava o te pāpa’ira’a mo’a : Mose 6:34, « ’a haere mai nā muri iho iā’u ». E anira’a teie tei hōro’ahia i te peropheta Enoha.

’A rātere ai Enoha nā te fenua, ’ua pārahi te Vārua o te Atua i ni’a iāna. Nō reira, ’ua paraparau te Fatu iāna. ’Ua ha’api’i ’oia [te Fatu] iāna nō ni’a i tāna fa’anahora’a o te ’oa’oa, ’o tē hōro’a mai i te ’ōpuara’a ’e te aura’a o te orara’a. I te otira’a te Fatu i te fa’ata’ara’a i tāna fa’anahora’a, ’ua hōro’a atu ’oia ia Enoha i te hō’ē anira’a : « ’A haere mai nā muri iho iā’u ».

’A rātere ai ’oe nā roto i teie matahiti ’āpī, e ’ite paha ’oe ia ’oe iho i te mā’imira’a i te ’oa’oa, te ’ōpuara’a ’e te aura’a. E nehenehe ’oe e ha’api’i mai nā roto mai i te ’ā’amu o Enoha ’e e ani i te Fatu ’ia riro ’ei tuha’a nō tō ’oe tere i teie matahiti.

E nehenehe ’oe e mā’iti i te haere nā muri iho iāna. ’A nā reira ai ’oe, tē tīa’i mai ra te mau ha’amaita’ira’a.

E riro mai ïa ’ei matahiti maita’i.