Fa’atura i tō’u tino

Fa’ahōho’ara’a nā Katelyn Budge

Tē haere nei au i te tahi fare ha’api’ira’a i reira e rave rahi tamāhine e ’ō’omo nei i te ’ahu, e inu i te taofe, ’e e rave i te mau mā’itira’a ’aita e tū’ati i ni’a i tā’u mau faufa’a.

’Ua tauturu te buka arata’i Nō te pūai o te feiā ’āpī iā’u ’ia ha’apa’o noa i te mau fa’auera’a ’e i tō’u mau ti’aturira’a. ’Ei hi’ora’a, tē pe’e nei au i te Parau Pa’ari, nō reira, ’ia ani ana’e mai tō’u mau hoa iā’u ’ia taofe, ’ua pāto’i au ma te fa’atura. ’Ia hōro’a ana’e rātou i te tahi mau ’ahu, e mā’iti au i te mau ’ahu e au maita’i au ’e te ha’apa’o maita’i. Tē ti’aturi nei au ē, e mea faufa’a te peu mā nō te mea e hiero tō tātou tino. ’Ia mā’iti ana’e au i te ’ahu tano, e fa’a’ite au i tō’u fa’atura i tō’u tino ’e tō’u māuruuru i te Atua.

Tē tāmata nei au i te fa’a’ohipa i te mau ha’api’ira’a o te ’evanelia i roto i tō’u orara’a i te mau mahana ato’a, ’e ’ia fa’aruru ana’e au i te mau tāmatara’a, e fāriu vau i ni’a i te tuatāpapara’a pāpa’ira’a mo’a nō te arata’ira’a ’e te heheura’a. ’Ua ’ite au ē ’ua tauturu ato’a mai te Metua i te ao ra ’e ’o Iesu Mesia iā’u. E arata’i ’e e pāruru noa mai te Metua i te ao ra ia tātou ’a ’imi ai tātou iāna. Noa atu ā te mau rāve’a ha’iha’i, e ha’amaita’i ’oia ia tātou i te mau mahana ato’a.