Te ’ū’ū i te pure nō te ’ōro’a

Fa’ahōho’ara’a nā Katelyn Budge

E fifi tō’u nō te paraparau tei riro i te fa’atupu i te ’ū’ū i roto i te mau huru tupura’a rau, ’e tae noa atu i te ha’amaita’ira’a i te ’ōro’a mo’a. ’I te ’ōmuara’a, ’ua riro te reira ’ei ’arora’a mau. ’Ua feruri ato’a vau ē, e’ita vau e ha’amaita’i fa’ahou i te ’ōro’a mo’a.

’Ua ha’amata rā vau i te pure i te Metua i te ao ra. ’Ua pure tāmau noa vau iāna ma te ani i tāna tauturu. Tē fa’a’ite pāpū nei au e, e fa’aro’o ’oia i tā tātou mau pure. ’I muri ri’i mai, ’ua ha’amata tō’u ’ū’ūra’a i te mōrohi.

I te tahi mau taime, e ’ū’ū ri’i au, terā rā, ’ua tauturu mai te Fa’aora iā’u ’ia upo’oti’a i teie tāmatara’a. Nā roto i tōna māuiui i roto i te ’ō i Getesemane, ’ua māramarama ’oia i te mea tā’u e fāri’i nei nō teie fifi.

’Ua tupu ato’a nei te reira i te fare ha’api’ira’a. I te ha’amatara’a, e mea fifi nō te mea ’ua ’ata fa’ao’ō’o mai rātou iā’u. ’Ua ’ite rā vau i te here o te Fa’aora i roto i tō’u orara’a. ’Ua tāmāhanahana ’oia iā’u ’e ’ua tauturu mai iā’u.