Anavai H.

Hōho’a nā Stéphane Sayeb

’Ua ta’a tō’u nā metua, ’e ’ua riro te reira ’ei taime māuiui ’o tei ha’amāuiui i tō’u ’ā’au iti. E taime fifi roa nō’u, nō te mea ’aita vau i hina’aro ’ia ta’a rāua, ’ua roaa rā iā’u te tāmāhanahana tei tītauhia, i roto i te Mesia. ’Ua riro mau ’ei pōito fa’a’ora i te pae vārua !

I taua mau taime fifi ra, ’ua ’itehia mai iā’u te mana i roto i te mau parau a te Mesia. ’Ua tauturu mai te mau ha’api’ira’a tā’u i fa’ari’i nā roto mai i tō’u nā metua ’e tō’u feiā fa’atere, ’ia rōtahi noa i ni’a i tāna mau ha’api’ira’a. ’Ua riro te ’evanelia ’ei pare e huti ai au i te pūai nō’u—te pūai e tītauhia nō te tāpe’a noa i tō’u fa’aro’o, noa atu te mau vero i roto i te ’utuāfare.

I teie mahana, tē ’oa’oa noa nei ā vau nā roto i te ’evanelia ’e nā roto i te mau ’ohipa i te hiero. Tē hina’aro nei au ’ia rahi ā tō’u ’ite nō ni’a i te Mesia. Tē hina’aro nei au e mātau maita’i atu ā iāna ’e nā ni’a roa atu, ’ia pe’e i tōna mau ta’ahira’a ’āvae. E ’itera’a pāpū tō’u ē, tē arata’i nei te Mesia i tō tātou mau ’ē’a ’e e tauturu mai ’oia ia tātou ’ia fa’atumu noa i ni’a iāna, noa atu te mau tāmatara’a.