Fakataha ʻo e Hoʻatā Tokonakí
ʻIkai ha Taha ʻe Tangutu Toko Taha
Ngaahi Konga Fakamatalá
ʻAfilika Tonga
ʻEsitōnia
ʻI he talanoa fakatātā ʻo e Samēlia leleí, ʻoku fakaafeʻi kitautolu ʻe Sīsū ke tau fakataha ʻiate kitautolu pea kiate Ia ʻi Hono fale tali fonongá—ko Hono Siasí. …
ʻOku kau ʻi he laumālie ʻo e “[loki ʻi he] fale tali fonongá” ʻa e “ʻikai ha taha ʻe tangutu toko tahá.” ʻI hoʻo haʻu ki he lotú, kapau te ke sio ki ha taha ʻoku tangutu toko taha, kātaki te ke lava muʻa ʻo fakalea ki ai peá ke tangutu fakataha mo ia? …
ʻOku toe ʻuhinga foki ʻa e “ʻikai ha taha ʻe tangutu toko tahá” ʻoku ʻikai ha taha ʻoku tuenoa fakaeloto pe fakalaumālie. Naʻá ku ʻalu mo ha tamai loto-mamahi ke ʻaʻahi ki hono fohá. ʻI he ngaahi taʻu kimuʻá, naʻe fiefia ʻa e fohá ke hoko ko ha tīkoni foʻou. ʻI he fakafiefiá, naʻe fakatau ange ʻe hono fāmilí hono fuofua sū foʻoú.
Ka ʻi he lotú, naʻe kataʻi ia pea mo hono suú ʻe he kau tīkoní. Naʻe foʻou hono suú, ka naʻe ʻikai ākenga foʻou. ʻI he fakamāʻia mo e loto-mamahi ʻa e tīkoní naʻá ne pehē ai he ʻikai teitei toe ʻalu ia ki he lotú. ʻOku kei mamahi pē hoku lotó maʻana mo hono fāmilí. …
ʻI Hono Siasi kuo fakafoki maí, ʻoku tau lelei kotoa ange ʻi he taimi ʻoku ʻikai tangutu toko taha ai ha tahá. ʻOua muʻa naʻa tau fakangatangata pē ʻetau talitali pe tali [ha tahá]. Tuku muʻa ke tau kau moʻoni ʻi hono talitali lelei, fakafeʻiloaki, ngāue fakaetauhi, mo ʻofá. …
ʻI he ʻaho ní, ʻoku ongoʻi tuenoa mo liʻekina ha tokolahi. …
ʻOku lahi ha ngaahi ʻuhinga ʻe lava ke tau ongoʻi ai ʻoku ʻikai tali lelei kitautolu ʻi he lotú—pea ko hono fakalea ʻe tahá, ʻoku tau tangutu toko taha pē. …
ʻOku fakaafeʻi kitautolu ʻe heMōsaia 18:21 ke huluni hotau lotó ʻi he ʻofa. ʻOku ou fakaafeʻi kitautolu ke siʻisiʻi ange ʻetau hohaʻá, fakasiʻisiʻi ʻetau loto-fakamāú, siʻisiʻi ange hono pulepuleʻi ʻo e niʻihi kehé—pea, ka fiemaʻu, ke siʻisiʻi ange ʻetau loto-fefeká. …
ʻOku fakaloloto ange ʻa e kau ki he fuakavá ʻi heʻetau haʻu fakataha pea ki he ʻEikí ʻi Hono fale tali fonongá. ʻOku tāpuakiʻi kitautolu kotoa ʻe he ʻEikí ʻi he taimi ʻoku ʻikai tangutu toko taha ai ha tahá.