Fakataha ʻo e Pongipongi Tokonakí
ʻOku Fakatefito ʻa e Ongoongolelei ʻo Sīsū Kalaisí ʻi he Fāmilí
Ngaahi Konga Fakamatalá
Mongikōlia
ʻĀsenitina
ʻOku nofotaha e tokāteline ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he fāmilí. …
Neongo e fakamatala fakatokāteline ko iá, ka ʻoku ʻi ai ʻa e fakafepaki. …
ʻOku mahino pē ʻa e hōloa fakapuleʻanga ʻa e malí mo e maʻu fānaú ʻi he ngaahi ʻuhinga fakahisitōliá, ka ʻoku totonu ke fakalakalaka ʻa e ngaahi tuʻunga ʻulungaanga mo e tōʻonga moʻui ʻa e Kāingalotu ʻo e Siasí—kae ʻikai muimui—ki he ngaahi ākenga ko iá. …
ʻI he mōlia atu ʻa e ngaahi ivi tākiekina fakaemātuʻá, ʻoku kei maʻu pē ʻe he Kāingalotú ha fatongia mei he ʻOtuá ke akoʻi ʻenau fānaú ke nau teuteu ki he ikuʻanga taʻengata hotau fāmilí ʻi ʻitānití (vakai, Tokāteline mo e Ngaahi Fuakava 68:25). …
Ko hotau Fakamoʻui ko Sīsū Kalaisí, ʻa hotau faʻifaʻitakiʻanga taupotu tahá. … Ko e muimui kia Kalaisi mo feilaulau ʻi he fetauhiʻaki mo e niʻihi kehé ko e faitoʻo lelei taha ia ki he siokitá mo e fakamakehekehé ʻa ia ʻoku fakaʻau ke lahi ʻene hokó he taimi ní.
ʻOku ʻi ai foki ha fatongia ʻo e mātuʻá ke akoʻi ki heʻenau fānaú ʻa e ʻilo angamahení makehe mei he ngaahi tefitoʻi moʻoni ʻo e ongoongoleleí. …
… ʻOku tupulaki e ngaahi fāmilí ʻi heʻenau ako fakakulupu mo fealeaʻaki fakataha ʻi he ngaahi meʻa kotoa ʻoku kaunga ki he fāmilí mo hono kau mēmipá. …
ʻOku haʻu ha ngaahi tāpuaki lahi ki he ngaahi fāmilí ʻo kapau ʻoku nau lotu fakataha, ʻo tūʻulutui he poʻulí mo e pongipongí ke fakamālō ki he ngaahi tāpuakí mo lotua e ngaahi meʻa ʻoku nau tokanga ki aí. ʻOku toe tāpuekina foki ʻa e ngaahi fāmilí ʻi heʻenau moihū fakataha ʻi he ngaahi houalotu ʻo e Siasí pea ʻi he ngaahi fakatahaʻanga lotu kehé. ʻOku fakamālohia foki e ngaahi haʻi fakafāmilí ʻe he ngaahi talanoa fakafāmilí, ko hono fokotuʻu ha ngaahi tukufakaholo fakafāmilí, mo vahevahe ʻa e ngaahi aʻusia toputapú. …
ʻOku ou fakamoʻoni ki he ʻEiki ko Sīsū Kalaisí, ko e ʻAlo pē Taha naʻe Fakatupu ʻo e ʻOtua ko ʻetau Tamai Taʻengatá. ʻOkú Ne fakaafeʻi ke tau muimui ʻi he hala ʻo e fuakavá ʻoku fakatau ki ha fakataha fakafāmili fakalangí.