Ko Sīsū Kalaisi mo Hoʻo Kamataʻanga Foʻoú

Naʻe “faʻa feʻaluʻaki [ʻa Sīsū] ʻo fai lelei.” … He toki fakamatala fakaʻakiʻakimui moʻoni ia! …

Ko e meʻa kotoa pē naʻá Ne folofola ʻaki mo fakahokó ne foaki ai ha kamataʻanga foʻou kiate kinautolu ko ia naʻá Ne fakamoʻui, tāpuakiʻi, akoʻi, mo fakaʻatā mei he faiangahalá. Naʻe ʻikai te Ne mavahe meiate kinautolu, pea ko e moʻoni he ʻikai ke Ne mavahe meiate koe. …

… Te tau lava kotoa pē ʻo maʻu ha kamataʻanga foʻou ʻo fakafou, pea tuʻunga, ʻia Sīsū Kalaisi. ʻO aʻu pē kiate koe. … Ko e siasi ʻeni ʻo e kamataʻanga foʻoú! …

ʻOku fakaava ʻe he fakatomalá ʻa e matapā ki heʻetau kamataʻanga foʻoú, toe feinga foʻoú, mo e ngaahi faingamālie hono uá. …

… Ko e ngaahi kamataʻanga foʻoú, ngaahi ʻēpoki foʻoú, mo e ngaahi faingamālie foʻoú ko e ʻelito mahinongofua ia ʻo e pōpoaki ʻo e ongoongoleleí!

… Ko e filí pē ʻe taha ʻoku lelei ki ai ʻa e fakakaukau ko ia kuo siva e ʻamanaki kotoa kiate koé. ʻOku ʻikai ke ke pehē koe.

Pea ʻoku ope atu ʻa e kamataʻanga foʻoú mei heʻetau ngaahi angahalá pē mo e ngaahi fehalaākí. … Te ke lava moʻoni ʻo liliu ha ngaahi meʻa ʻiate koe kuo taʻu lahi ʻene fakamafasia kiate koé. …

Ko kinautolu ko ia ʻoku toutou fāinga mo e angahala pe fakafeʻātungia tatau, ʻoua te ke foʻi. … Peá ke falala ki he kamataʻanga foʻou ko ia ʻokú ke maʻu he taimi kotoa ʻokú ke tafoki ai ki hoʻo Tamaí ʻi he loto-moʻoní. …

… Kātaki ʻo tali ho kamataʻanga foʻoú, he ʻahó ni, ʻi he taimí ni. Ko Sīsū Kalaisi ʻa e Kamataʻanga mo e Ngataʻanga ʻo ʻetau tuí, ʻi hono ʻomi ha kamata foʻou taʻefaʻalaua kiate kitautolú. Ko Ia ʻa e Kamataʻangá mo e Ngataʻangá—ko e ngataʻanga ʻo ʻetau fakamaá mo e mamahí pea ko e kamataʻanga ʻo ha moʻui foʻou ʻiate Ia, ʻi hono fakaʻatā ke tau siʻaki ʻa e kuohilí pea toe kamata ʻi ha ʻēpoki foʻou, ʻi he lahi taha te tau fiemaʻú.