Ta in Zaion?

Ilo jeje ko rekwojarjar, naan eo Zaion emaron̄ meļeļein:

• “Ro erreo burueer” (Katak im Bujen Ko 97:21).

• Armej ro an Irooj, ak Kabun̄ eo im stake ko an (lale Katak im Bujen Ko 82:14).

• Juon jikin ijo armej ro an Irooj rej jokwe im ain doon ie, āinwōt:

  1. Jikin kweilo̧k an Inōk (lale Moses 7:18).

  2. Jikin kweilo̧k eo etto Jerusalem (lale 2 Samuel 5:6–7; 1 Kiin̄ Ro 8:1; 2 Kiin̄ Ro 9:28).

  3. Jerusalem eo Ekāāl—juon jikin kweilo̧k ilo raan ko āliktata ilo Jackson County, Missouri, USA (lale Katak im Bujen Ko 45:66–67; Laajrak in Tōmak 1:10).

Mekarta membōr ro an Kabun̄ in rainin rejjab ain doon n̄an juon jikin epād ioļapļap, jej “bōk koņaad ilo juon būrojāāk eļap n̄an ejake Zaion ilo m̧aanjabpopo n̄an jepļaaktok eo an Irooj.” Ritōl ro ad rekar katakin kōj n̄an ejake Zaion im kōkajoorļo̧k Kabun̄ in jabdewōt jikin. Jej kōm̧m̧ane menin, ilo jidikin, kōn kappukot n̄an mour āinwōt an armej in “Zaion” mour. N̄an waanjon̄ok, ilo Moses 7:18 jej katak:

• Er rej “juon bōro im juon wōt ļōmņak.”

• Rej jokwe ilo jim̧we.

• Ejjeļo̧k “rijeram̧ōl ilubwiljier.”