Liin Ekar Jab Jeļā Ke Ikar Aikuji

Pija jān Melanie Miza

Ikar jelm̧ae jet men ko reppen aō make. Juon raan ikar jab em̧ōņōņō, im ikar lukkuun jab kōņaan etal n̄an jemenere. Bōtaab ikar ļōmņak, “Ej iiō eo aō āliktata, im inaaj aikuj kōrtokjān.”

Kōn menin ikar etal, im kōm kar kōnono kōn wāween an Jisōs Kraist jeļā kajjied kajjojo kōn āt. Kōm kar riiti Katak im Bujen Ko 18:10: “Keememej aorōk in jetōb ko ekanooj ļap ilo mejān Anij.” Ikar jino m̧weiūr ke ij kakōļļeik eoon eo. Ke ikar jino m̧weiūr, ikar lukkuun jan̄, kōn menin ikar jab kōņaan bar riiti ilo kūlaaj.

Tokālik rūkaki eo ekar kajjitōk, “Ta eo ekarkaitok limoū eļap tata, im etke?” Ikar jab kōņaan kōnono, ak juon m̧ōtta ekar kwaļo̧k eoon jab in. Ekar kwaļo̧k an naan in kam̧ool bwe Anij eban kōm̧ake ļo̧k kōj, bwe jet iien jenaaj meļo̧kļo̧k, ak E ejeļā kajjied im E enaaj pād ijeņ n̄an kōj.

Ke ikar ron̄ menin, ikar en̄jake bwe ekar Jemādwōj Ilan̄ eo ej kōnono n̄an n̄a jān juon m̧ōtta. Ekar āinwōt n̄e Ekar ba, “Jab oktakļo̧k jān eō—n̄a e ijin.”

Ālkin ikar etal n̄an kōm̧ōrāik meja, im eo m̧ōtta ekar itok n̄an ippa. Liin ekar ba, “Ikar jab tōn kwaļo̧k, ak ikar en̄jake ke ij aikuj in kōnke enaaj jipan̄ juon armej. Ikar jab jeļā bwe armej eo juon ekar kwe.” Men eo ekar kapen tok n̄an eō aem̧ool eļapļo̧k bwe Jemādwōj Ilan̄ ej ļōmņak kōn eō.

Ālkin jemenere, ikar ro̧o̧l n̄an m̧weo im jar. Ekkā wōt aō kōm̧m̧ane, ij leļo̧k kam̧m̧oolol im kajjitōk kōn men ko. Bōtaab jar jab eo—ikar ļōmņak ekar jar eo eļap aō kar kam̧m̧oolol jān jar ko aō m̧okta. Ikar en̄jake Jetōb eo ilo ruum̧ eo aō, im ikar en̄jake bwe Jemādwōj Ilan̄ ekar pād ijo n̄an eō.