Kwaļo̧k Lan̄lōn̄ ilo Kenya

Eric D. Snider

Māākijiin ko an Kabun̄ in

Ke Robert ekar loe gospel eo, ekar aikuj in kwaļo̧ke n̄an armej ro ejeļā kajjeer. Jaab, m̧ool—aolep.

Jān tōre eo ekar peptaij ilo O̧kwōj 2024, Robert L., 18, jān Kenya, ekar bōktok eļapļo̧k jān 50 armej ro m̧ōttan n̄an Kabun̄ in—im kar peptaiji 25 iaer!

Erkein rekar oran ko ke kōm kar kōnono ippān jejjo allōn̄ ko rem̧ootļo̧k. Rekar bōlen ļapļo̧k jān tōre ņe.

Robert, juon membōr in Bukuru Branch ilo Kisumu Kenya District, kar kwaļo̧k kadkad in n̄an Kabun̄ eo an Jisōs Kraist im Armej ro Rekwojarjar ilo Raan Ko Āliktata ilo jinoin 2024, ke ekar ioon juon em̧m̧aan in Amedka ej kōm̧m̧an jerbal in humanitarian ilo Kenya.

“Ikar jab lukkuun kōtmāne bwe mour eo aō enaaj em̧m̧anļo̧k,” Robert ej ba. “Jinō im jema ekar jab lōn̄ aer jāān, rekar jab maron̄ jilkinļo̧k eō n̄an jikuuļ.” (Ilo Kenya, jikuuļ ko an kien ebar ewōr wōņāer.)

“Ak ikar jeļā bwe Jemādwōj Ilan̄ enaaj jipan̄ eō. Ikar jino jar im riiti Kallim̧ur Ekāāl. Innām ikar ioone armej eo ej bōk eddo eō.”

“ribōk eddo eo” an ekar juon membōr in Kabun̄ eo an Jisōs Kraist im Armej ro Rekwojarjar ilo Raan Ko Āliktata eo ekar kōjeraam̧m̧an mour eo an Robert ilo ruo wāween ko, ekar jipan̄ e bōk jeļāļo̧kjeņ, im eļapļo̧k an aorōk, kwaļo̧k gospel eo ippān (ilo an kar kōm̧m̧ane n̄an bar juon likao eo ej baj kobatok ilo Kabun̄ in). Robert ekar peptaij emaron̄ jiljino allōn̄ tokālik.

likao ro — Robert L. jān Kenya ekar karuwaineneik 12 armej ro n̄an Kabun̄ in—ro ipeļaakin, rijikuuļ ro m̧ōttan, ajri ro ej ikkure ikkure ko ippān—aolep.

Ukōt Bōkā Eo

Ilo m̧ool, Robert ekar kōņaan kwaļo̧k kōjeraam̧m̧an ko an rekāāl ippān ro jet. Ekar jab maron̄ jipan̄ jabdewōt kōn jeļāļo̧kjeņ Ak ekar maron̄ lukkuun in katakin er gospel eo!

Ekar jino karuwaineneik armej n̄an kabun̄ in—armej ro riturin, ro ilo kūlaaj eo an, arjri ro ekar ikkure ikkure ko ippāer—aolep ro ekar jeļā kajjeer. “Ikar itok juon Jabōt ippān, emaron̄, ļalem, innām bar juon Jabōt ikar itok kōn 10,” ej ba. “Innām ikar jilkinļo̧k mijenede ro n̄an er bwe ren maron̄ meļeļe im jeļā bwe en̄in ej Kabun̄ eo em̧ool im remaron̄ en̄jake ta eo ij en̄jake.”

Ekar jab iien eaitok m̧okta jān jet iaan ro m̧ōttan Robert kāālet n̄an peptaij im kar kajjitōk ippāer n̄an kōm̧m̧ani kain̄i ko.

Kabun̄ in ej m̧ōkaj an eddōkļo̧k ilo Africa, ilo m̧ōttan in kōnke rikaļoor ro āinwōt Robert. Ekar peptaiji 10 armej juon wiik, 11 wiik eo juon, im 4 “wōt” ilo wiik eo tok juon.

Elōn̄ļo̧k jān jon̄oulruo armej ro rekar peptaij ro m̧ōttan rekar ioon e ilo juon FSY kweilo̧k ilo Kenya Tijem̧ba eo ļo̧k, ekoba juon iaan ro m̧ōttan em̧ōj an kar peptaij juon iaan ro m̧ōttan.

Lale ewi wāween an em̧m̧an ļaan an ekkal? Ej ņaajdik e make!

En̄jake Jetōb eo

Fredrick A., 17, ej ba ke eo m̧ōttan Robert ekar karuwaineneik e n̄an Kabun̄ in, ekar en̄jake Jetōb eo ekajoor ke ekar jab maron̄ kaarmejet.

“Ke ikar tōpar m̧ōnjar eo, Jetōb an Irooj ekar jilkintok n̄an ioō,” Fredrick ej ba. “Ke kar letok n̄an eō Bok in Mormon eo, ikar jino riiti. Eļan̄n̄e ijjab meļeļe, aolep iien ij kajjitōk ippān branch būreejtōn eo aō im jar.”

Gift M., 18, ej bar juon m̧ōttan Robert ekar peptaij. “Ij m̧ōņōņō bwe imaron̄ m̧ōttan Kabun̄ eo em̧ool—Kabun̄ eo wōt em̧ool ilo laļ in,” Gift ej ba ilo an ettōn̄ dikdik.

likao eo — Gift ej erreim̧aanļo̧k n̄an etal im mijen.

Ej Lōn̄ Wōt Jerbal Rej Pād Imaan

Karōk ko an Robert n̄an jerbale mijen eo elikio iien eo wōt ej kam̧ōje jikuuļ (barāinwōt Gift im Fredrick). Etke ekōņaan kōm̧m̧ane men eo ke elukkuun jeļā wāween kwaļo̧k gospel eo?

“Ikar etal n̄an juon mijen n̄an en̄jake eļapļo̧k im ekkatak eļapļo̧k,” Robert ej ba. “Inaaj kōkajoorļo̧k tōmak eo aō im ukōt m̧wil eo m̧wilū. Ej ta eo Anij ej kōņaan bwe in kōm̧m̧ane.”