Naan in Kean̄ eo an Baam̧le im Kwe
Naan in kean̄ an baam̧le enaaj 30 iiō in ilo allōn̄ in. Lale wāween an maron̄ kōjeraam̧m̧an baam̧le eo am̧ rainin.
Kōmeļeļe ko jān Irtaxe López de Munáin
Jejjet 30 iiō ko rem̧ootļo̧k, ilo Jeptōm̧ba 1995, Būreejtōnji eo Kein Kajuon im Doulul eo an Jon̄oulruo Rijilōk ro rekar letok “Baam̧le Eo: Juon Naan in Kean̄ n̄an Laļ in,” kwaļo̧k bwe “baam̧le eo ej dilepen karōk eo an Rikōm̧anm̧an eo n̄an mejān kajjik eo an ajri ro Nejin.”
Būreejtōn Dallin H. Oaks, Rikakpilōklōk eo Kein Kajuon ilo Būreejtōnji eo Kein Kajuon, ekar juon Rijilōk ilo kar iien ņe. Ekar ba, “Ij kam̧ool bwe naan in kean̄ eo an baam̧le ej juon ennaan an m̧ool indeeo. … Katakin kake, mour kake, im kom̧ naaj maron̄ jeraam̧m̧an.”
Naan in Kean̄ eo an Baam̧le eo ekar kōjeraam̧m̧an baam̧le ko ipeļaakin laļ in ium̧win 30 iiō ko—im enaaj wōnm̧aanļo̧k im kōm̧m̧an āindein.
Jidik jipan̄ n̄an Baam̧le ko Rekajoor, M̧ōņōņō
Ilo naan in kean̄ eo an baam̧le, rikanaan ro im rijilōk ro rej kam̧ool bwe “m̧ōnōnō ilo mour in Baam̧le emaron̄ tōbrak eļan̄n̄e ej bedbed wōt ion katak ko an Iroij Jisōs Kraist.”
Men kein rekoba “tōmak, jar, ukweļo̧k, jeorļo̧k bōd, kautiej, iakwe, tūriam̧o, jerbal, im m̧akūtkūt ko rem̧m̧an.”
Kōjerbal katak kein remaron̄ kōjeraam̧m̧an baam̧le eo am̧ ilo wāween ko rekabwilōn̄lōn̄. N̄an waanjon̄ak, kwomaron̄:
-
Rōjan̄ jar an baam̧le. Jar eļap an jipan̄ baam̧le ko erom̧m kajoor. Eļan̄n̄e jar ejjab juon imminene ilo baam̧le eo am̧, rōjan̄ er n̄an kajjieon̄ kōm̧m̧ane. Jar ippān doon emaron̄ bōktok aenōm̧m̧an, iakwe, im ineem̧m̧an.
-
Kwaļo̧k iakwe jān naan ko im kōm̧m̧an ko. Kōmakijkijļo̧k am̧ jiron̄ baam̧le eo bwe kwoj iakwe er—jekdo̧o̧n eļan̄n̄e rejeļā kadede. Kōjerbal naan ko rejouj im kōketak Menin ej karuwaineneiktok Jetōb eo n̄an m̧weo im̧ōm̧.
Jerbal n̄an baam̧le eo am̧ ej bar juon wāween eļap n̄an kwaļo̧k iakwe. Ļōmņak in kōm̧m̧ani kajjitōk ko rettiņo̧ n̄an ro jeiūm̧ im jatūm̧ ak jipan̄ kōn jerbal ko an m̧weo ilo aer jab kajjitōk ippān.
-
Joļo̧k iien ippān doon im kōm̧m̧an kam̧ōņōņō. Naan in kean̄ eo an baam̧le ej kwaļo̧k “m̧akūtkūt ko rem̧m̧an” āinwōt juon wāween n̄an jipan̄ baam̧le ko maron̄ kajoor im m̧ōņōņō. Komaron̄ etal im iuwe ioon baajkōļ n̄an baak eo, kōpooj im leļo̧k m̧ōn̄ā ko, etal ilo juon iien tallōn̄ ekadu, ak ikkure ikkure ko ak ikkure jekdi ak jekab ippān doon. Laajrak in emaron̄ wōnm̧aanļo̧k wōt, ak joļo̧k iien ippān doon enaaj kakeememej eok bwe baam̧le ej men eo eaorōktata.
-
Jerbal ippān doon. Baam̧le eo am̧ emaron̄ epaake doon jān jerbal ippān doon. Menin emaron̄ erom āinwōt eļam̧ waan āinwōt kōpooje juon m̧ōn̄ā ennotata n̄an juon armej ej pād ilo aikuj ak jabōļe snow jān iaļ in wa eo waan armej ro ritūrum̧.
Rilo̧mo̧o̧r eo emaron̄ jipan̄ ņa mejļan jameļeļe ko im apan̄ ko ilowaan baam̧le ko kōn ukweļo̧k, jeorļo̧k bōd, im tōmak. Ilo ad ļoore im pedped wōt ioon Jisōs Kraist, iakwe im kautiej jej en̄jake ilo an baam̧le eo ad eddōkļo̧k.
Ebar lōn̄ wāween ko jet n̄an kōm̧m̧an bwe baam̧le ko ren kajoor im m̧ōņōņō im n̄an bōktok er ippān doon.
Ta men ko komaron̄ kōm̧m̧ani?
M̧ool ko n̄an Kiiō im Aolep Iien
Ejjeļo̧k baam̧le eweppān Jet rej jelm̧ae apan̄ ko reļļap. Komaron̄ kalimjōke jekjek eo an baam̧le eo am̧ im bwilōn̄ kōn wāween an naan in kean̄ eo an baam̧le maron̄ kōjeraam̧m̧an baam̧le eo am̧. Bōtaab ej obrak kōn m̧ool ko an indeeo me renaaj kōjeraam̧m̧an baam̧le eo am̧—jekdo̧o̧n ta.