“Ta eo ej Kōm̧m̧an bwe Kabun̄ eo Am̧ en Oktak?”

Ikōņ ļōmņak kōn ta eo inaaj ba eļan̄n̄e juon armej en kar kajjitōk, “Ta eo ej kōm̧m̧an bwe kabun̄ eo am̧ en oktak?” Innām ļaddik eo nejūm̧ erūttotata ekar mej ilo ejjeļo̧k kar kōtmāne, em̧m̧akūt jān kōrā eo pāleen eaiboojoj im emān nejin ajri. Ilo ad būrom̧ōj, katak ko an Jisōs Kraist kar jepļaaktok rekar bōktok alikkar eo im kaenōm̧m̧an eo. Māākjiin eo an allōn̄ in ekar kalikkar jilu iaan katak kein ejej uwaer:

M̧oktata, kean̄ eo an baam̧le eim̧we ej katakin kōj bwe “karōk in mōņōņō eo ekwojarjar ej kōmaron̄ kōtaan ko ilo baam̧le n̄an eļļā ioon lōb. (Lale peij 26.)

Kein karuo, jān Kabun̄ in an Irooj, ewōr ad maron̄ deļo̧n̄e mālim eo an priesthood eo an Anij im kajoor eo—ejja kajoor eo wōt kar kōm̧anm̧an laļ ko im ej kobaiki baam̧le ko n̄an indeeo. (Lale peij 2.)

Jilu, armej in bujen ro an Rilo̧mo̧o̧r eo ilo Kabun̄ eo An rej m̧aanjabpopo n̄an Itok eo An Kein Karuo, eo ej juon unin n̄an lan̄lōn̄. Lale peij 18, 22.)

Ilo am̧ ekkatak māākjiin in, ij jar bwe kwonaaj loe m̧ool kein n̄an kwe make im kappukot uwaak ko n̄an kajjitōk eo, “Ta eo ej kōm̧m̧an bwe kabun̄ eo am̧ en oktak?”