Inepata, Jetōb eo, im Jeje ko Rekwojarjar

Kōmeļeļein Pija ko jān Katelyn Budge

Ekar ļap aō etal jān jikin n̄an jikin ilo mour e aō. Jejjo iiō ko rem̧ootļo̧k, ikar em̧m̧akūt n̄an Dubai ium̧win jidik iien. Ke ikar ekto kobban kōban eo aō, men eo āliktata ilaļ tata in kōban̄ eo aō ekar jeje ko rekwojarjar aō. Ikar ļōmņak bwe ij aikuj riiti. Ikar riit, eo ekar āinjuon kōnke ejjab aolep iien ej em̧m̧an aō ļoor im̧we kein. Ak ke ikar jino jān lukkuun jinoin, im ij ļōmņak ij riiti ļalem ak jiljino jepta ko.

Tokālik, ikar kajjitōk n̄an kwaļo̧k juon kōnono ilo m̧ōnjar eo. Ikar en̄jake bwe in kōnono kōn aorōk in ekkatak jeje ko rekwojarjar. Ikar je ilo kōnono eo aō im ļōmņak, “Wow, ij aikuj lukkuun riiti jeje ko rekwojarjar eļapļo̧k.” Ej barāinwōt juon jiāe eo kōtaan n̄a im jema. E ekar pād ilo Alma, im ikar kōņaan kōttōpar ļo̧k e. Ikar jino riiti jeje ko rekwojarjar aō aolep raan—jet iien 10 ak 15 jepa ko!

Ikar jino kile eļapļo̧k en̄jake ko ilo jetōb. N̄e kwoj riiti jon̄an ļap ņe, ej kōm̧m̧an bwe en wōr iien am̧ en̄jake revelesōn ko am̧ make. Ikar lukkuun kōm̧m̧an aō iien n̄an Irooj.

Ikar jino jeje juon jōnōļ kōn men ko ilo jetōb. Ilo juon iien ij jeje, ikar je, “Ikar riiti jān 3 Nipai kōn wāween an Jisōs Kraist kar itok n̄an armej ro im aolep men ko rem̧m̧an Ekar kōm̧m̧ani. Ikar lukkuun en̄jake aō epaake Jemedwōj Ilan̄ im Jisōs Kraist rainin.”

Ikar lukkuun bwilōn̄ kōn jon̄an an lōn̄ en̄jake ko aō, eļaptata ke ikar kappukoti. Ikar āinwōt, “Wow, Anij ej lukkuun kōnono n̄an eō.”

Ekkatak jeje ko rekwojarjar ekar lukkuun jipan̄ eō, eļaptata kōn aolep inepata ko an kōmālij rej itok. Jeje ko rekwojarjar rej naan ko an Kraist. Ej kōnono n̄an kōm̧ jāni. Jān naan ko An, imaron̄ kepaakļo̧k E.