Danic L.

Pija jān Clayton Chan

Elōn̄ raan ko, ij en̄jake āinwōt ejabwe aō em̧m̧an im āinwōt imaron̄ juon kein kabbweer. Ak aolep iien ij ļōmņak kōn ta eo Anij ej ļōmņak kōn eō. Ij keememej biktokū ekwojarjar, jibadbad eo aō ekwojarjar, im bwe en̄ņe ej lukkuun juon kajoor im an̄kō n̄an n̄a.

Ij ikkure badminton, im ālkin kwoj ikkure juon iien jiāe im jab wiin, eļaptata n̄an juon eo kwoj ļōmņak emaron̄ kaluuj eok, kwoj en̄jake am̧ lukkuun ebbweer. Im ilo iien kein ij ļōmņak kōn Anij an pād ijeņ n̄an n̄a, im ej letok n̄an n̄a kajoor n̄an wōnm̧aanļo̧k wōt.

Komaron̄ en̄jake iakwe eo an Anij n̄e kwoj reilo̧k n̄an E. E ej aolep iien pād ijeņ n̄an kwe, komaron̄ bōk kajoor eo ekwojarjar me E emaron̄ lewaj n̄an eok.

Jisōs Kraist ej lukkuun Rilo̧mo̧o̧r eo ad. E ekar mej kōn jerawiwi ko ad. Iakwe eo me E ekar aikuji n̄an m̧ōņōņō in mej kōn kōj—Ij ļōmņak ej juon iakwe eo epen kōmeļeļeiki. Ej baj ejjeļo̧k wōņāān im kajoor.