Mej Ejjab Jem̧ļo̧k Eo

Pija ko jān Katelyn Budge

Jinō ekar deļo̧n̄ ilo aujpitōl kōn juon stroke. Ekar kailibōk kōm̧, im ikar ļōmņak etke Anij ekar kōtļo̧k bwe menin en waļo̧k.

Mekarta inepata ko am, ekar jab jako tōmak eo am. Kōm̧ kar jeļā bwe enaaj kar ājmour. Liin ekar OK m̧ae jejjo allōn̄ tokālik ke ekar bar bōk juon stroke. Ekar jab maron̄ etetal ak kōnono im kar pen an m̧ōn̄ā. Kōm̧ kar wōnm̧aanļo̧k im jar kōn jipan̄ jān Anij.

Jinō ekar tariņaeiki jekjek in m̧ae ekar jako. Ijeļā bwe Anij ekar jab m̧ōjņo̧ n̄an kōmour e, bōtaab ekar Ankilaan bwe en jepļaak n̄an E. Ijeļā bwe eļan̄n̄e ij mour ekkar n̄an kien ko an Irooj, imaron̄ bar koba ippān im ippān baam̧le eo aō. Ijeļā bwe kōnke Pinmuur eo an ad Rilo̧mo̧o̧r, jenaaj jerkakpeje. Mej ejjab jem̧ļo̧k eo n̄an kōj.