Kweilo̧k eo ej Kaenōm̧m̧an

Pija ko jān Katelyn Budge

Kar kajjitōk ippa n̄an kōnono ilo juon kweilo̧k an stake. Bōtaab ikar ļōmņak eban wōr aō iien n̄an kōppojak kōnke elōn̄ aō jerbal ko jān jikuuļ rej pedotok.

Tōre eo ikar ļōmņak kake wōt eļan̄n̄e ij kōnono, ekar wōr juon kweilo̧k eo eļap. Elder Carl B. Cook ekar katakin, “Kōjerbal tōmak ilo ad Rilo̧mo̧o̧r, Jisōs Kraist, ej jipan̄ kōj anjo̧ ioon ebbweer jekdo̧o̧n ta kapan̄pan̄ ko jej iiooni.”

Ij keememej ewi wāween an Irooj kar jipan̄ eō kakūrm̧ool eddo ko aō tōre ko m̧okta. N̄e ij ekkejelļo̧k ippān en̄jake ko aō make ippān naan in kam̧ool eo an Elder Cook, ikar meļeļe bwe inaaj kajoor n̄an kōtōprak kōnono eo aō ilo kweilo̧k eo an stake ilo ejjeļo̧k mijak.

Ikar kam̧ool bwe n̄e ij en̄jake ko̧r ak mijak, Kraist enaaj im̧we eō jān naan ko an rikanaan ro im ritōl ro jet an Kabun̄ in, jeje ko rekwojarjar, im armej ro rej pād ipeļaakū.