?Wanem Hem I Saeon?

Insaed long skripja, toktok ia Saeon i save minim:

• “Olgeta we hat blong olgeta i klin gud” (Doktrin mo Ol Kavenan 97:21).

• Ol pipol blong Lod, o Jos mo ol stek blong Hem (luk long Doktrin mo Ol Kavenan 82:14).

• Wan stret ples we ol pipol blong Lod oli stap mo kam tugeta long hem, olsem:

  1. Siti blong Inok (luk long Moses 7:18).

  2. Olfala siti blong Jerusalem (luk long 2 Samuel 5:6–7; 1 King 8:1; 2 King 9:28).

  3. Niu Jerusalem—wan siti we bae oli bildim long Jackson County, Missouri, YSA long ol las dei ia (luk long Doktrin mo Ol Kavenan 45:66–67; Toktok blong Bilif 1:10).

Nomata we ol memba blong Jos tedei oli no kam tugeta long wan mein ples, yumi “joen long bigfala projek blong putumbak Saeon blong i rere from taem we Lod bae i kambak.” Ol lida blong yumi oli tijim yumi blong stanemap Saeon mo mekem Jos i kam strong long wea ples yumi stap long hem. Yumi mekem hemia taem yumi lukaotem blong stap laef folem ol pipol blong “Saeon”. Eksampol, insaed long Moses 7:18 yumi lanem:

• Oli gat “wan hat mo wan maen.”

• Oli stastap long stret mo gud fasin.

• Oli “no gat puaman long medel blong olgeta.”